29 ივნისი

<<	ივნისი					>>
ორშ	სამ	ოთხ	ხუთ	პარ	შაბ	კვი
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30
2015

29 ივნისი — გრიგორიანული კალენდრის 180-ე დღე (ნაკიან წლებში – 181-ე დღე). წლის ბოლომდე დარჩენილია 185 დღე.

დღის მოვლენები

• 512 : მზის დაბნელება დააფიქსირეს სამონასტრო ქორონიკონში ირლანდიაში.
• 1194 : სვერი ნორვეგიის მეფედ აკურთხეს.
• 1534 : ჟაკ კარტიემ პრინც ედუარდის კუნძული აღმოაჩინა ევროპელთათვის.
• 1561 : დასრულდა მშენებლობა წმინდა ბასილის ტაძარზე წითელ მოედანზე, მოსკოვში.
• 1613 : ლონდონში, ინგლისი, საძირკვლამდე დაიწვა თეატრი გლოუბი.
• 1659 : კონოტოპის ბრძოლაში უკრაინელებმა ივან ვიჰოვსკის მეთაურობით რუსები დაამარცხეს.
• 1815 : სამხრეთ ამერიკაში შეიქმნა სახელმწიფო თავისუფალ ხალხთა ლიგა.
• 1850 : კუნძულ ვანკუვერზე ქვანახშირი აღმოაჩინეს.
• 1850 : კონსტანტინოპოლის ეკუმენიკურმა პატრარქატმა საბერძნეთის ეკლესიას ავტოკეფალია მიანიჭა.
• 1880 : საფრანგეთმა ტაიტის ანექსია მოახდინა.
• 1888 : კლასიკური მუსიკის პირველი ჩანაწერი გაკეთდა - ჰანდელის „ისრაელი ეგვიპტეში“ ცვილის ცილინდრზე.
• 1891 : ქუჩის რკინიგზა ამოქმედდა ოტავაში, ონტარიო, კანადა.
• 1895 : დუხობორები კოლექტიურად წვავენ საკუთარ იარაღს ცარისტული რუსეთის მთავრობის მიერ ჯარში გაწვევის პროტესტის ნიშნად.
• 1914 : ჯინა გუსევა ცდილობს გრიგორი რასპუტინის მკვლელობას მის სახლში, ციმბირში.
• 1916 : განხორციელდა ბოინგის თვითმფრინავის პირველი საცდელი ფრენა.
• 1974 : იზაბელ პერონი არგენტინის პირველი ქალი პრეზიდენტი გახდა. მისმა მეუღლემ, ხუან პერონმა, გადასცა მას პასუხისმგებლობა გაუარესებული ჯანმრთელობის გამო და ორი დღის შემდეგ გარდაიცვალა.
• 1976 : სეიშელი დიდი ბრიტანეთისგან დამოუკიდებელი ხდება.
• 1986 : არგენტინა იმარჯვებს 1986 წლის მსოფლიო საფეხბურთო თასში.
• 1995 : ნასა-ს კოსმოსური შატლი „ატლანტისი“ პირველად უერთდება რუსეთის კოსმოსურ სადგურს „მირი“.
• 2001 : კოფი ანანი გაეროს გენერალურ მდივნად აირჩა მეორე ვადით.
• 2007 : ეპლის iPhone გამოვიდა გასაყიდად.
• 2008 : გერმანიის კარში ფერნანდო ტორესის გატანილი ერთადერთი გოლით ესპანეთის ეროვნული ნაკრები უეფას ევროპის 2008 წლის თასის მფლობელი გახდა.
• 2010 : ყოფილი ოლიმპიური ჩემპიონი პალ შმიტი უნგრეთის პრეზიდენტად აირჩიეს.
• 2012 : იუნესკომ პალესტინის სახელმწიფოს ტერიტორიაზე მდებარე მაცხოვრის შობის ტაძარს მსოფლიო მემკვიდრეობის ძეგლის სტატუსი მიანიჭა.

ამ დღეს დაბადებულნი

XIX საუკუნე

• 1894 : იაშვილი, პაოლო — ქართველი პოეტი
• 1900 : სენტ-ეგზიუპერი, ანტუან დე — ფრანგი მწერალი და მფრინავი (გ. 1944)

XX საუკუნე

1901–1950

• 1905 : ჰამარშელდი, დაგ ილმარ — შვედეთის სახელმწიფო მოღვაწე (გ. 1961)
• 1908 : ანდერსონი, ლეროი — ამერიკელი კომპოზიტორი (გ. 1975)
• 1936 : გაბრიაძე, რევაზ — ქართველი მწერალი, კინოდრამატურგი, რეჟისორი, მხატვარი
• 1948 : პეისი, იენ — ინგლისელი დრამერი (ჯგუფი Deep Purple)

1951–2000

• 1973 : ბაკურაძე, ბაკურ — ქართველი დიზაინერი, რეჟისორი.

ამ დღეს გარდაცვლილნი

XIX საუკუნე

• 1895 : ჰაქსლი, ტომას ჰენრი — ინგლისელი ბუნებისმეტყველი.

XX საუკუნე

1901–1950

• 1916 : ფრონელი — ქართველი ისტორიკოსი და საზოგადო მოღვაწე
• 1940 : პაულ კლეე — შვეიცარიელი მხატვარი (დ.1879)
• 1941 : პადერევსკი, იგნაცი იან — პოლონელი კომპოზიტორი, პიანისტი (დ.1860)

1951–2000

• 1978 : რუბინშტეინი, მარკ — საბჭოთა გეოლოგი

დღესასწაულები

• მართლმადიდებელი ეკლესია აღნიშნავს შემდეგი წმინდანების ხსენების დღეს:

• • ქაიხოსრო ქართველი
  • ტიხონ საკვირველთმოქმედი
  • ტიგროს ხუცესი და ევტროპი წიგნის მკითხველი

• აგრეთვე:
  • სეიშელი : დამოუკიდებლობის დღე

იხილეთ აგრეთვე

სხვა თვეები