2. janúar
Úr Wikipediu, frjálsa alfræðiritinu
2. janúar er 2. dagur ársins samkvæmt gregoríska tímatalinu. 363 dagar (364 á hlaupári) eru eftir af árinu.
Atburðir[breyta | breyta frumkóða]
- 533 - Jóhannes 2. varð páfi.
- 1492 - Boabdil, síðasti márakonungurinn í Granada, gafst upp fyrir her Ferdínands og Ísabellu eftir langt umsátur. Þar með lauk 800 ára veldi Mára á Íberíuskaga.
- 1653 - Mikið tjón varð á Eyrarbakka og víðar í sjávarflóði, sem nefnt hefur verið Háeyrarflóðið.
- 1793 - Rússland og Prússland skiptu Póllandi á milli sín.
- 1833 - Bretar hertóku Falklandseyjar.
- 1870 - Bygging Brooklyn-brúarinnar hófst.
- 1871 - Stöðulögin gengu í gildi. Þau kváðu á um að Ísland væri óaðskiljanlegur hluti hins danska ríkis, en þó með sérstök landsréttindi.
- 1871 - Íslensk króna verður til með sérstakri lagasetningu.
- 1887 - Prentarafélagið, fyrsta verkalýðsfélagið á Íslandi, var stofnað.
- 1899 - KFUM var stofnað á Íslandi af séra Friðriki Friðrikssyni.
- 1900 - Chicago-skurðurinn var opnaður.
- 1908 - Lögbirtingablaðið kom fyrst út á Íslandi.
- 1915 - Táragas var í fyrsta sinn notað í hernaði er Þjóðverjar beittu því gegn Rússum.
- 1920 - Yfir 4.000 grunaðir kommúnistar og anarkistar voru handteknir í Bandaríkjunum.
- 1932 - Vegna kreppunnar hófu söfnuðirnir í Reykjavík að bjóða upp á ókeypis máltíðir í Franska spítalanum. Einnig fengu fátæk heimili mjólkursendingar.
- 1942 - Japanir hertóku borgina Manila á Filippseyjum.
- 1959 - Sovétríkin skutu á loft fyrsta geimfarinu, Luna 1, sem fór á braut um sólina 2 dögum síðar. Þessi dagur (2. jan. 1959) telst vera fyrsti dagur geimaldar.
- 1971 - 66 létust þegar stigi gaf sig á Ibrox Park í Glasgow í leik milli Celtic og Rangers.
- 1994 - Flestir sjómenn á Íslandi fóru í verkfall, sem stóð í 14 daga, þangað til Alþingi setti bráðabirgðalög sem gerðu verkfallið ólöglegt.
- 2010 - Krýsuvíkurkirkja brann til kaldra kola eftir íkveikju.
Fædd[breyta | breyta frumkóða]
- 1462 - Piero di Cosimo, ítalskur málari (d. 1521).
- 1642 - Mehmet 2. Tyrkjasoldán (d. 1693).
- 1699 - Ósman 3. Tyrkjasoldán (d. 1757).
- 1822 - Rudolf Clausius, þýskur eðlis- og stærðfræðingur (d. 1888).
- 1834 - Friedrich Louis Dobermann, þýskur skattheimtumaður (d. 1894).
- 1866 - Gilbert Murray, breskur fornfræðingur (d. 1957).
- 1920 - Isaac Asimov, rithöfundur (d. 1992).
- 1941 - Björgólfur Guðmundsson, íslenskur athafnamaður.
- 1942 - Dennis Hastert, bandarískur stjórnmálamaður.
- 1967 - Jón Gnarr, íslenskur gamanleikari, borgarstjóri Reykjavíkur.
Dáin[breyta | breyta frumkóða]
- 1512 - Svante Nilsson, ríkisstjóri Svíþjóðar (f. 1460).
- 1665 - Pierre de Fermat, franskur stærðfræðingur (f. 1601).
- 1753 - Ólafur Gíslason, biskup í Skálholti frá 1747 (f. 1691).
- 1894 - Helgi Hálfdanarson, íslenskt skáld (f. 1826).
- 1922 - Benedikt 15. páfi (f. 1854).
- 2011 - Anne Francis, bandarísk leikkona (f. 1930).
- 2011 - Pete Postlethwaite, enskur leikari (f. 1946)
|