Transtyria
|
|||||
Sententia: ' | |||||
Hymnus: {{{hymnus_nationalis}}} | |||||
[[Image:Transnistria-map.png | Situs Transtyriae]] | ||||
Forma administrationis | Respublica praesidentialis | ||||
Linguae officiales | Ruthenica, Ucrainica et Moldavica | ||||
Nomen incolarum | |||||
adiectivum | |||||
Praeses Transtyriae | Eugenius filius Basilii Shevchuk | ||||
Primus Minister Transtyriae | Petrus filius Petri Stepanov | ||||
Caput | Tiraspol 46° 50' Sept., 29° 37' Or. |
||||
Urbs maxima | eadem | ||||
Area - Totalis - aqua (%) |
de area a 4,163 km² 2.35 % |
||||
Numerus incolarum (anno 2012) Totalis - Spissitudo |
de frequentia a 517,963 124.6/km² |
||||
PDB (anno [[{{{PDB_anno}}}]]) - Totalis - PDB/capita |
de producto {{{PDB_status}}}a {{{PDB}}} {{{PDBpercapita}}} ({{{PDBpercapitastatus}}}a) |
||||
Nummus | Rubelus Transtyriae (PRB ) |
||||
Declaratio independentiae |
2 Septembris 1990 | ||||
Circulus temporalis - aestate (HÆ) |
Tempus Europaeum Orientale (UTC+2) Tempus Europaeum Orientale Aestivum (UTC+3) |
||||
Praefixum telephonicum nationis | ++373 2 et +373 5 |
||||
Dominium interretiale | .nullus | ||||
Transtyria[1] sive Transnistria[2] est civitas agnota libera a nonnullis nationibus mundi sita in Europa Orientali inter Rempublicam Moldavicam atque Ucrainam. Postquam independentia declarata est die 2 Septembris anni 1990 ac multa proelia commissa in Bello Transtyriae a die 2 Martii 1992 usque ad diem 21 Iulii 1992 in ripa orientali fluminis Tyrae, urbe Tighina atque locis apud hanc urbem limitum civitas gubernatur.
Index
Nomina[recensere | fontem recensere]
Lingua Latina[recensere | fontem recensere]
Nomen Transtyria est neologismus Latinus creatus tribus partibus trans, Tyras et -ia. Trans est praepositio quae significat ad ulterius latus, Tyras est nomen fluminis Ucrainici Moldavicique Tyrae, quod fluit in mediis finibus Transtyriae et -ia est suffixum quod dicit de locis, ut in Gallia, terra Gallorum, et Anglia, terra Anglorum. Ergo Transtyria, ae significat accurate terra trans flumen Styriam.
In aliis linguis[recensere | fontem recensere]
Officiosa nomina Transtyriae Moldavice sunt Република Молдовеняскэ Нистрянэ, in Abecedario Cyrillico Moldavico, et Republica Moldovenească Nistreană, in Abecedario Latino, abbreviata in РМН vel in PMN. Officiosum nomen Transtyriae Dacoromanice est Republica Moldovenească Nistreană, abbreviatum in PMN. Officiosum nomen Transtyriae Russice est Приднестровская Молдавская Республика, abbreviatum in ПMP. Officiosum nomen Transtyriae Ucrainice est Придністровська Молдавська Республіка, abbreviatum in ПMP. Nomen officiosum secundum Constitutionem Transtyriae est Pridnestrovskaia Moldavskaia Respublica.
Historia[recensere | fontem recensere]
Antiquitas[recensere | fontem recensere]
Olim haec fines incolebantur a tribubus Thracicis et Scythicis. Gaius Plinius Secundus Maior nominavit hos populos Tyragetos, Tyragetas vel Tyrangitas, partem tribuum Getarum incolentem unam insulam fluminis Tyrae, atque Axiacas, viventes apud flumen Axiacem, ac Crobyzos, Thracicam tribum cuius civitas fuit ultra flumen Tyram. Apud fluminis ostium circiter anno 600 a.C.n. condiderunt Graeci antiqui urbis Mileti oppidum appellatum Tyram (Graece: Τύρας). Urbs cecidit sub dominium regum localium, quorum nomina videre possumus in eorum monetis, deinde deleta est a Dacis circiter anno 50 a.C.n.. Anno 56 a.D. urbs Tyras restorata a Romanis, et posthac facta est pars provinciae Moesiae Inferioris, quae includebat etiam Scythiam Minorem (nunc partem Romaniae) et Bulgariam septemtrionalem orientalem. Romani constituerunt colonos in urbe Tyra manutenueruntque nonnullos legionarios in his finibus usque ad quartum saeculum. Historicus Christianus Matthias Theodorus Mommsen scripsit: "Moldavia meridionalisque pars Bessarabiae cum Valachia tota corporatae sunt in Imperium Romanum". Imperator Romanus Marcus Ulpius Nerva Traianus probabiliter creavit partem meridionalem Valli Traiani, inter flumen Pyretum et fines Tyrae apud ripas Ponti Euxini, ut defenderet provinciam Scythiam Minorem. Urbs Tyras progressa est Romana aetate: ibi inventae sunt multae monetae capitibus Imperatorum a Tito Flavio Domitiano usque ad Marcum Aurelium Severum Alexandrum. Sed secunda parte quarti saeculi in his finibus nonnulla proelia commissa sunt a Barbaris et milites Romani reliquerunt urbem.
Medium Aevum[recensere | fontem recensere]
Fines Transtyriae gubernatae sunt a Gothis.
Geographia[recensere | fontem recensere]
Transtyria est civitas sine maritimo litore finitima occidente Bessarabiae (quae est relinqua pars Moldaviae) et oriente Ucrainae. Potest videri angusta vallis extendens a septemtrione ad meridionem secundum ripas fluminis Tyrae.
Notae[recensere | fontem recensere]
Civitates | Albania · Andorra · Armenia · Atropatene · Austria · Belgica · Bosnia et Herzegovina · Britanniarum Regnum · Bulgaria · Cechia · Civitas Vaticana · Croatia · Cyprus · Dania · Estonia · Finnia · Francia · Georgia · Germania · Graecia · Helvetia · Hibernia · Hispania · Hungaria · Islandia · Italia · Lettonia · Lichtenstenum · Lituania · Lusitania · Luxemburgum · Macedonia · Melita · Moldavia · Mons Niger · Nederlandia · Norvegia · Polonia · Monoeci · Romania · Russia · Ruthenia Alba · Serbia · Sanctus Marinus · Slovacia · Slovenia · Suecia · Turcia · Ucraina |
---|---|
Civitates non plane liberae | Abascia · Alania Meridiana · Carabachia Superioris · Cyprus Septemtrionalis · Kosovia · Transtyria |
Regiones | Balcania · Balticum · Britannia Maior · Gallia · Hibernia · Iberia · Paeninsula Italica · Lapponia · Pannonia · Scandinavia · Caucasus |