Илля Вась

Лыткин Илля Вась

Илля Вась (рочöн Лыткин Василий Ильич) (1895–1981) — финн-йӧгра мирын нималана кыв туялысь, профессор, коми гижысь, поэт, литературнӧй критик, вуджӧдчысь.

Олан туй

• 1895, ӧшым тӧлысь 27 лун — чужис Вӧлӧгда губерняысь Усть-Сысольск уездса Тентюков сиктын (ӧнi — Сыктывкарлӧн Тентюков карпом).
• 1903 — Пырис велӧдчыны Тентюков сиктса школаӧ, 1910 — Усть-Сысольскса карса училищеӧ.
• 1912—1916 — велӧдчис Тотьмаын велöдысьясöс дасьтан семинарияын. Велӧдчигӧн гижис медводдза кывбуръяссӧ, фельетонъяс да вуджӧдчис. Помалӧм бӧрас сійӧс босьтісны сар армияӧ, тышкасис медводдза мирöвöй да гражданскöй тышъяс вылын, кӧні сійӧ вӧлі 1917 вося тӧвшӧр тӧлысьӧдз.
• 1918, тӧвшӧр тӧлысь 15 лун — босьтчис уджавны велӧдысьӧн Дереваннӧй сиктса школаын. Гожӧмнас Яренскын велӧдысьяслӧн курсъяс вылын пырис «Коми котырӧ».
• 1919, ар — Илля Васьӧс вуджӧдісны Усть-Сысольскӧ велӧдны, но школаын велӧдӧм эз ло сылӧн иедшӧр уджӧн.
• 1919, тӧвшӧр тӧлысь — босьтісны Гӧрд армияӧ. Кык во чӧж вӧлі передӧвӧй вылын.
• 1921 — бергӧдчис Усть-Сысольскӧ да пырис уджавны ПИНО-ӧ (Практический институт народного образования).
• 1921—1925 — велӧдчис Москваса канму университетын филология факультет, 1929–öд воö помаліс аспирантура.
• 1926, урасьӧм тӧлысь 15 лун — муніс суйӧр сайӧ стажировка вылӧ. Велöдiс рöдвуж кывъяс Финляндияын, Германияын да Венгрияын.
• 1927 — Будапештса университетын велöдчöм бöрын лои философия наукаясса докторöн.
• 1928, тӧвшӧр тӧлысь — воис суйӧр сайысь СССР-ӧ.
• 1928, кӧч тӧлысь 1 лун — босьтчис велӧдны Москваса канму университетын, уджалiс доцентöн. Вöлi Коми пединститутын медводдза велöдысьяс лыдын.
• 1933, тӧвшӧр тӧлысь — В. Лыткинöс арестуйтісны, сора тӧлысь 9 лунӧ подувтöг мыждiсны да йöртiсны дзескыдiнö вит во кежлö. Пукалiс НКВД-лӧн Дальлагын Ылi Асыввылын.
• 1935, кӧч тӧлысь 6 лун — петіс дзескыдіҥысь, пырис уджавны Хабаровскӧ старшӧй экономистӧн.
• 1938 — Илля Вась вуджис овны странаса Европа юкӧнӧ, кутіс велӧдны Москва улын Кашира карса школаын.
• 1939 — вуджис Чкалов (Оренбург) карӧ, лои пединститутса доцентӧн.
• 1943, рака тӧлысь — Москваса канму университетын дорйис филологияса кандидат ним вылӧ диссертация. Темаыс — «Древнепермская графика».
• 1946, йирым тӧлысь — Москваса канму университетын дорйис филологияса доктор ним вылӧ диссертация. Темаыс — «Древнепермская письменность».
• 1948, кӧч тӧлысь — воис Москваӧ, кутіс велӧдны Москва обласьтса пединститутын.
• 1949, йирым тӧлысь — муніс Рязаньӧ велӧдны пединститутын.
• 1956, вӧльгым тӧлысь 2 лун — Илля Васьӧс реабилитируйтісны.
• 1959–1972 — уджалiс СССР-са Кыв туялан институтын, 1962–1972 — финн-йӧгра кывъяс секторӧн веськӧдлысь.
• 1972, вӧльгым тӧлысь 22 лун — петіс пенсия вылӧ.
• 1972, ӧшым тӧлысь 18 лун — лои СССР-са наукаяс академияысь Коми филиалын Кыв, литература да история институтын кыв секторын консультантӧн.
• 1973, ӧшым тӧлысь 15 лун — муніс Кыв, литература да история институтысь.
• 1981, моз тӧлысь 27 лун — кулiс Мöскуаын, дзебисны Сыктывкарын.

Гижан удж

Илля Вась – Сӧвет кадся коми литературалы подувъяс пуктысьяс пиысь ӧти. Медводдза кывбурсӧ гижис 1913 воын. Коми литератураын нэмъяс чöж кутас овны сылöн «Мунöны» поэмаыс. СССР–са гижысь котырын 1958–öд восянь.

Василий Лыткин уна гижис челядьлы. Некымынысь петавлісны челядьлы лыддьӧм вылӧ бӧрйӧм гижӧдъяс: «Шӧвк тупыль кодь шань» (1995), «Нёримӧ дядьӧ» (2005).

Илля Вась вуджӧдіс коми кыв вылӧ Александр Пушкинлысь, Фёдор Тютчевлысь, Шандор Петёфилысь, Владимир Маяковскийлысь, Демьян Бедныйлысь да Корней Чуковскийлысь гижӧдъяссӧ.

Небӧгъяс

• Мунӧны. — Сыктывкар: Коми книга лэдзанін, 1927. — 26 л.б.
• Кывбуръяс. — Сыктывкар: Коми книга лэдзанін, 1929. — 262 л.б.
• Выль шыяс. — Сыктывкар: Коми госиздат, 1932. — 52 л.б.
• Нёль роч пролетарскӧй поэт. — Сыктывкар: Коми госиздат, 1932. — 80 л.б.
• Даръя тьӧтлӧн шог. — Сыктывкар: Коми кн. изд-во, 1957. — 12 л.б.
• Ас чужан му. — Сыктывкар: Коми кн. изд-во, 1958. — 36 л.б.
• Бӧрдысь Пома. — Сыктывкар: Коми кн. изд-во, 1958. — 8 л.б.
• Кӧчлӧн праздник. — Сыктывкар: Коми кн. изд-во, 1958. — 8 л.б.
• Идӧртӧм Сидӧр. — Сыктывкар: Коми кн. изд-во, 1959. — 16 л.б.
• Шонді петігӧн. — Сыктывкар: Коми кн. изд-во, 1959. — 144 л.б.
• Дзизгысь-дзазгысь гут. — Сыктывкар: Коми кн. изд-во, 1959. — 16 л.б.
• Ичӧтик Максим. — Сыктывкар: Коми кн. изд-во, 1961. — 14 л.б.
• Зарни бӧжа кань. — Сыктывкар: Коми кн. изд-во, 1962. — 18 л.б.
• Пипилисты сӧкӧл. — Сыктывкар: Коми кн. изд-во, 1965. — 24 л.б.
• Серамбана висьтъяс. — Сыктывкар: Коми кн. изд-во, 1966. — 40 л.б.
• Пера багатыр. — Сыктывкар: Коми кн. изд-во, 1967. — 22 л.б.
• Дзизгысь-дзазгысь гут. — Сыктывкар: Коми кн. изд-во, 1971. — 16 л.б.
• Тӧрӧкан. — Сыктывкар: Коми кн. изд-во, 1972. — 16 л.б.
• Илля Васьлӧн мойдкывъяс. — Сыктывкар: Коми кн. изд-во, 1975. — 96 л.б.
• Дзордзав жӧ, Коми му: кывбуръяс, поэмаяс, мойдъяс, висьтъяс / Лӧсьӧдіс Г.И. Торлопов; водзкывйыс В.И. Мартыновлӧн; редактор А.В. Некрасов; серпасаліс В.С. Порохня. — Сыктывкар: Коми кн. изд-во, 1985. — 255 л.б.
• Шӧвк тупыль кодь шань. — Сыктывкар: Коми кн. изд-во, 1995.
• Нёримӧ дядьӧ: Бӧрйӧм гижӧдъяс / Редактор П.И. Симпелев; серпасаліс Г.Н. Шарипков. — Сыктывкар: Коми небӧг лэдзанін, 2005. — 96 л.б.
• Дзизгысь-дзазгысь гут / Редактор Е.В. Ветошкина; серпасаліс И.А. Авилова. — Сыктывкар: ООО «Издательство «Кола», 2009. — 48 л.б.

Туялан удж

Уна во чöж В.И.Лыткин нуöдiс ыджыд научно–педагогическöй удж миян странаса вузъясын. 1946–öд воын «Древнепермскöй кыв да пермскöй кывъяслöн историческöй грамматика» уджысь сылы сетiсны филология докторлысь ученöй степень. Дас воысь унджык веськöдлiс СССР–са наукаяс Академияын Кыв туялан институтса финн-йӧгра кывъяс секторöн.

Илля Вась ыджыд пай пуктiс куратоведениеö.

Небӧгъяс

• Ичӧт школалы грамматика. — Сыктывдінкар: Коми госиздат, 1925. — 1 юкӧн. — 52 л.б.
• Коми грамматика. — М.: Центриздат, 1929. — 2 юкӧн. — 72 л.б.
• Материалы по коми грамматике. — М.: Центриздат, 1929. — 2 юкӧн. — 48 с.
• Очерк фонетики коми языка. — М., 1929.
• Вопросник для собирания сведений о коми говорах: Приложение к «Сборнику Комиссии по собиранию коми словаря». — М.: Центриздат, 1931. — Вып. 2. — 20 с. (Соавтор Г.А. Нечаев).
• Гижны велӧдчан. Орфографическӧй упражнениеяс I ступеня школаын 1 да 2 вося велӧдчысьяслы. — Сыктывкар: Коми госиздат, 1932. — 108 л.б.
• Древне-коми тексты: Приложение к «Сборнику Комиссии по собиранию коми словаря». — М.: Центриздат, 1932. — Вып. 2. — 16 с.
• Программа по коми языку для педтехникумов. — М.: Учпедгиз, 1932.
• Программа по родному языку для нацменов-педтехникумов. — М.: Учпедгиз, 1932.
• Ичӧт школаын коми кыв кузя велӧдан программаяс. — Сыктывкар, 1932. — 18 л.б.
• Древнепермский язык: чтение текстов, грамматика, словарь. — М.: Изд-во АН СССР, 1952. — 176 с.
• Диалектологическая хрестоматия по пермским языкам: С обзором диалектов и диалектологическим словарём. — М.: Изд-во АН СССР, 1955. — Ч. 1. — 128 с.
• Современный коми язык: Учебник для высших учебных заведений. Ч. 1: Фонетика, лексика, морфология. — Сыктывкар: Коми кн. изд-во, 1955. ( В соавторство)
• Историческая грамматика коми языка: Учебное пособие для высших учебных заведений. Ч. 1. Введение. Фонетика. — Сыктывкар: Коми кн. изд-во, 1957. — 135 с.
• О единой научной транскрипции звуков финно-угорских языков. — М.— Л.: Изд-во АН СССР, 1960. — 22 с.
• Коми-язьвинский диалект. — М.: Изд-во АН СССР, 1961. — 228 с.
• Исторический вокализм пермских языков. — М.: Наука, 1964. — 270 с.
• Краткий этимологический словарь восточно-финских языков (Финно-угорский фонд). Проспект-макет. — М.: Наука, 1964. — 20 с.
• Финно-угроведение в Институте языкознания Академии наук СССР: (Справка о работе за период 1950-1970 гг.). — М.: Наука, 1964. — 24 с.
• Краткий этимологический словарь коми языка. — М.: Наука, 1970. — 386 с. (Соавтор — Гуляев Е.С.)
• Коми кывлӧн историческӧй морфология. — Перым—Сыктывкар, 1977. — 88 л.б.
• Коми кывлӧн историческӧй лексикология. — Перым—Сыктывкар, 1979. — 74 л.б.
• Мый медся дона да муса. — Сыктывкар: Коми кн. изд-во, 1994. — 224 л.б.
• Коми кывлӧн историческӧй морфология. — Сыктывкар, 1995. — 102 л.б.
• Историческая грамматика коми языка: Учебное пособие для высших учебных заведений. Ч. 1. Введение. Фонетика. — Сыктывкар, 1997.
• Краткий этимологический словарь коми языка. — Сыктывкар, 1999. — 430 с. (Соавтор — Гуляев Е.С.)

Наградаяс

• И.А. Куратов нима Коми АССР–са канму премиа босьтысь (1971)
• Коми АССР–са наука да техника юкӧнын нимӧдана уджалысь (1965)
• РСФСР–са наука да техника юкӧнын нимӧдана уджалысь ([[]])
• «Войтыръяслӧн Ёртасьӧм» орден (1975)

Ӧшмӧсъяс

• Большая Советская Энциклопедия (БСЭ)
• Традиционная культура Коми Зырян
• Жеребцов И.Л., Некрасова Г.А., Дёмин В.Н. Василий Ильич Лыткин. — Сыктывкар, 1997. — 48 с. (Коми научный центр УрО РАН. Серия «Люди науки». Вып. 21.)