1793

1793
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Ans : 1790 1791 1792  1793  1794 1795 1796 Decennis : 1760 1770 1780  1790  1800 1810 1820 Sègles : Sègle XVII  Sègle XVIII  Sègle XIX Millennis : Millenni I  Millenni II  Millenni III Cronologia mesadièra : Gen - Feb - Mar - Abr - Mai - Junh Julh - Ago - Set - Oct - Nov - Dec Cronologias tematicas : Arquitectura • Drech • Literatura • Teatre Autres calendièrs : Roman • Chinés • Gregorian • Ebrieu • Indó • Musulman • Persan • Republican

---

Cronologia mensuala:
Gen - Feb - Mar - Abr - Mai - Junh
Julh - Ago - Set - Oct - Nov - Dec

Cronologias tematicas:
Literatura - Musica - Sciéncia - Espòrt

Aquesta pagina concernís l'an 1793 del calendièr gregorian.

Eveniments

França

Pintura representant la partença dei conscrits francés en 1793.

Representacion de la batalha de Hondschoote.

Perseguida de la guèrra còntra leis estats còntra-revolucionaris que s'organizèron au sen de la Premiera Coalicion per luchar còntra la Revolucion Francesa. Atacada per la màger part d'Euròpa (Anglatèrra, Russia, Sardenha, Espanha, Nàpols, Prússia, Àustria e lo Sant Empèri, lei doas Èssa, Baden, Toscana e Hannover), la França Revolucionària votèt unei mesuras d'urgéncia.

La principala foguèt la Levada en massa de totei leis òmes capables de portar leis armas (23 de febrier). Aquò entraïnèt un maucontentament important entre lei païsans e de trèbols aguèron luòc en Rouen, Amiens e Montargis. La Convencion capitèt de lei reprimir. En revènge, la natura e l'amplor dei trèbols en Vendèa foguèron fòrça diferents e la repression mau capitèt entraïnant lo començament de la saunósa Guèrra de Vendèa lei 13 e 14 de març. Pasmens, a partir dau 23 d'aost, la Levada en massa s'organizèt a cha pauc e permetèt d'aumentar rapidament leis efectius militars francés de 200 000 soudats en febrier a 804 000 en decembre. Gràcias a aquela mobilizacion, França, batuda a Neerwinden (18 de març), capitèt d'arrestar l'invasion de son territòri a Hondschoote (6-8 de setembre). Puei, poguèt atacar a son torn leis armadas coalizadas e ganhèt lei batalhas de Wattignies (16 d'octòbre) e de Wissemborg (26 de decembre). Aquò permetèt de desgatjar la frontiera nòrd e de liberar la totalitat dau territòri.

Africa

Etiopia

Perseguida dei trèbols intèrns liats a l'afondrament dau poder imperiau en 1768-1769. Après lei cambiaments successius d'alianças de l'annada precedenta e la liberacion de l'ancian negus Tekle Giyorgis I^èr, divèrsei combats aguèron luòc dins lo país. En particular, lo dejazmach WOlde Gabriel, teoricament partisan de Tekle Giyorgis I^èr, capitèt de conquistar Gondar. I adoptèt una tiera de mesuras en favor de sa familha mai deguèt finalament abandonar la vila sota la pression dei fòrças dau balambaras Asserat.