1878

1878
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Ans : 1875 1876 1877  1878  1879 1880 1881 Decennis : 1840 1850 1860  1870  1880 1890 1900 Sègles : Sègle XVIII  Sègle XIX  Sègle XX Millennis : Millenni I  Millenni II  Millenni III Cronologia mesadièra : Gen - Feb - Mar - Abr - Mai - Junh Julh - Ago - Set - Oct - Nov - Dec Cronologias tematicas : Arquitectura • Automobila • Camins de fèrre • Drech • Fotbòl • Literatura • Musica • Sciéncia • Sociologia • Espòrt • Teatre Autres calendièrs : Roman • Chinés • Gregorian • Ebrieu • Indó • Musulman • Persan • Republican

Aquesta pagina concernís l'an 1878 del calendièr gregorian.

Eveniments

França

Adopcion de la lèi sus lo telegraf de 1878 e dau Plan Freycinet. La lèi entraïnèt la disparicion dau monopòli de l'Estat sus lei liasons telegraficas e èra destinada a resòuvre lei problemas creats en França per un ret pas pron desvolopat. Lo plan èra un ensems de projècte de grands trabalhs (principalament de construccions de camin de fèrre, de canaus e d'infrastructuras portuàrias). Aqueu plan foguèt perseguida fins au començament de la Premiera Guèrra Mondiala e foguèt una etapa importanta dins la creacion dau ret de camin de fèrre francés.

Regardant leis afaires internacionaus, França participèt au Congrès de Berlin. Capitèt d'i ganhar lo sostèn diplomatic dau Reiaume Unit qu'abandonèt sa posicion d'oposicion a l'installacion dei Francés en Tunisia. Ansin, en despiech dau maucontentament d'Itàlia, París poguèt i contuniar sa politica de penetracion. Totjorn pertocant lo continent african, la colonizacion contunièt :

• en Africa de l'Oèst, lei Francés acomencèron d'intrar sus lo territòri dau Mali actuau. Lo 22 de setembre, ataquèron la capitala dau Reiaume de Logo, Saboucire. Lei fòrças dau luòctenent-coronèu Reybaud se turtèron a una gròssa resisténcia mai ganhèron finalament la batalha. Lo rèi de Logo, Niamodi Sissoko, moriguèt sus lo prat batalhier.
• dins l'illa de Madagascar, lei tensions entre lei Francés e la rèina Ranavalona II entraïnèron la sasida dei bens francés dins lo Reiaume Merina e la sasida dei bens malgashs dins lei protectorats francés. Puei, après la revirada de negociacions per amaisar la situacion, de naviris francés bombardèron lei pòrts de Tamatave e de Majunga (27 de decembre).

Euròpa

Empèri Otoman

Contuniacion de la guèrra còntra Russia e seis aliats que menacèron la capitala en genier. Aquò obliguèt lo govèrn britanic de mandar una flòta dins leis Estrechs per sostenir leis Otomans e menaçar lei Rus dins lo cas d'una ataca còntra lo sector. Un armistici foguèt donc signat lo 31 de genier e un tractat de patz lo 3 de març. Marquèt una desfacha clara deis Otomans :

• creacion d'una Bulgaria independenta gropant la màger part dei regions parlant aquela lenga. Teoricament, lo país demorèt sota la senhoriá otomana mai son cap èra chausit per lei Rus.
• reconóissança de l'independéncia de Serbia, de Montenegro e de Romania. Pèrda de la mitat nòrd de Dobrodja au profiech de Romania.
• pèrda au profiech de Russia dei regions d'Ardahan, d'Artvin, de Batomi, de Kars, d'Oltu e de Bayazet dins lei montanhas de Caucàs.
• obligacion per lo sultan d'assegurar la proteccion de sei subjèctes crestians.

Dins lo corrent de l'annada, lo tractat de Berlin modifiquèt certanei decisions d'aqueu tractat dins un sens favorable ais Otomans. En particular, Constantinòple gardèt Albania e Tracia dins la region balcanica sota sa sobeiranetat totala e reprenguèt possession d'una partida dei regions de lenga bulgara sota un regime d'autonòmia larga. A l'èst, reprenguèt tanben lo contraròtle de Bayazet.

Après aquelei desfachas, lo sultan decidiguèt d'arrestar lo periòde de reformas. En particular, suspendiguèt la constitucion adoptada en 1876 e restaurèt son autotitat absoluda.

Africa

Etiopia

Palais de Yohannes IV a Meqelé.

Invasion de Choa destinada a sometre la darriera region etiopiana que refusava d'acceptar la senhoriá de Yohannes IV. Après una tiera d'escaramochas e de negociacions malaisadas, lo prince Menelik acceptèt de se sometre en cambi dau mantenement d'una autonòmia larga. Aquò marquèt la fin de la reünificacion d'Etiopia après sa division dins lo corrent de la fin dau rèine de Tewodros II. Dins la region estrategica de Wello, acomençament de la conversion de massa — mai ò mens fòrçada — de la populacion musulmana au cristianisme. L'objectiu èra de renfòrçar lo poder imperiau dins la zòna e l'operacion foguèt pas estenduda dins leis autrei províncias de l'Empèri.

Reiaume Marina

Mòrt de l'aventurier francés e amic dau rèi Radama II Jean Laborde. Au contrari dei decisions presas per Radama II, lo govèrn malgash refusèt de laissar seis eiretiers obtenir sei bens dins l'illa. La crisi s'agravèt e entraïnèt sasida dei bens francés dins lo Reiaume Merina e la sasida dei bens malgashs dins lei protectorats francés. Après la revirada de negociacions per amaisar la situacion, lei Francés decidèron finalament de repòstar militarament e de bombardar lei pòrts de Tamatave e de Majunga (27 de decembre).

Sciéncias e tecnicas

Armament

Invencion de la premiera bala camisada per l'oficièr soís Éduard Rubin. Aquò èra vengut necessari car lo desvolopament de la pouvera sensa fum aviá entraïnat una aumentacion importanta de la poissança deis armas de fuòc que podián plus utilizar de projectiles de plomb.

Medecina

A l'iniciativa dau generau-mètge francés Charles-Emmanuel Sédillot (1804-1883), adopcion dau mòt micròbi per designar leis agents microscopics de transmission dei malautiás.