1364
|
1364 |
|
|---|---|
| Ans : 1361 1362 1363 1364 1365 1366 1367 Decennis : Autres calendièrs : |
|
Aquesta pagina concernís l'an 1364 del calendièr gregorian.
Eveniments[modificar | modificar la font]
Occitània[modificar | modificar la font]
França[modificar | modificar la font]
Après un ivèrn lòng e fòrça freg dau 13 de genier au 25 de març (Ren, Sèina e Léger demorèron gelats durant tres mes), mòrt dau rèi Felip II (8 d'abriu) que foguèt remplaçat per son fiu Carles V. Ja cap vertadier dau Reiaume dempuei la captura de son paire, lo sobeiran novèu contunièt sa politica de lucha còntra leis Anglés e lei Navarrencs. Dirigidas per Bertrand Du Guesclin, l'armada francesa capitèt de reconquistar Mantes (7 d'abriu), Rolleboise (9 d'abriu) e Meulan (11 d'abriu).
Aquò entraïnèt una repòsta de Carles II de Navarra, sostengut per son aliat anglés. Pasmens, aquò s'acabèt per una desfacha saunosa a Cocherel (16 de mai) que renforcèt lo prestigi de Carles V. Permetèt tanben a l'armada reiala de durbir la rota de Reims onte Carles V foguèt oficialament sacrat lo 19 de mai. Aquò li donèt la legitimat necessària per impausar son autoritat sus tot lo reiaume onte leis Anglés èran d'ara endavant en dificultat. En revènge, lo 29 de setembre, leis aliats bretons de França foguèron batuts a Auray. Lei pretendents sostenguts per Carles V foguèron tuats e du Guesclin capturats laissant la victòria totala a Joan de Montfort que venguèt definitivament duc de Bretanha.
En matèria economica, creacion dau franc d'aur que marquèt l'acomençament de l'òbra de redreiçament de l'economia dau país per Carles V. En parallèl, per limitar la superioritat militara anglesa, lo rèi formèt una armada professionala e permanenta pagada per l'impòst. Lo comandament foguèt fisat a de caps experimentats coma du Guesclin ò Olivier de Clisson. Enfin, una cavalariá importanta foguèt reünida per favorizar la mobilitat de l'infantariá entre lei batalhas.
Euròpa[modificar | modificar la font]
Empèri Bizantin[modificar | modificar la font]
Acomençament d'una guèrra còntra lei Bulgars que conquistèron Anchialos. Incapable de resistir, l'emperaire Joan V Paleòleg assaièt d'obtenir l'ajuda d'Ongria mai mau capitèt (→ 1366).
Polonha[modificar | modificar la font]
Creacion de l'Universitat Jagellon de Cracòvia per lo rèi Casimir III. Es la segonda universitat vertadiera d'Euròpa après aquela de Praga fondada en 1348.
Asia[modificar | modificar la font]
Majapahit[modificar | modificar la font]
Mòrt dau premier ministre Gajah Mada. Artesan major de l'expansion dau reiaume, èra pasmens fòrça descreditat dempuei la revirada de son complòt per obtenir la somission dau reiaume de Sunda (batalha de Bubat, → 1357).
