Национална библиотека на Австралија
| Национална библиотека на Австралија |
|
|---|---|
| National Library of Australia | |
 |
|
| Податоци за органот | |
| Основан | 1960 |
| Претходник | Сојузна парламентарна библиотека |
| Држава | Влада на Австралија |
| Седиште | Канбера, Австралија |
| Кадар | 479 (2010-11) |
| Годишен буџет | 62,9 мил. дол. (2011-12) |
| Раководител | Ен-Мари Швиртлих (генерален директор) |
| Матичен орган | Министерство за правда |
| Портал | |
| nla.gov.au | |
Национална библиотека на Австралија (англиски: National Library of Australia, скр. NLA) — најголема референтна библиотека во Австралија, со одговорности согласно пропишаното во Законот за национална библиотека (National Library Act) и има за цел да „чува и развива национална збирка на библиотечен материјал, вклучувајќи опширна збирка на материјали што се однесуваат на Австралија и австралискиот народ.“ Во 2012-2013 г, збирката опфаќала вкупно 6.496.772 единици, како и дополнителни 15.506 метри ракописи.[1]
Историја[уреди | уреди извор]
Во формална смисла, Националната библиотека на Австралија како таква е основана со закон во 1960 г., но работи како таква речиси од почетокот.
Библиотеката е основана во 1901 г. како „Сојузна парламентарна библиотека“ (Commonwealth Parliamentary Library) со цел да го опслужува новосоздадениот сојузен парламент на Австралија.
Денешната зграда на библиотеката е отворена во 1968 г. Дело е на архитектонското биро „Bunning and Madden“. Фоајето е поплочено со мермер и има витражи на Леонард Френч и три таписерии на Матје Матего.[2]
Збирки[уреди | уреди извор]
Во 2012-2013 г. библиотеката опфаќала 6.496.772 единици во збирки и уште 2.325.900 единици во одделот за ракописи.[1] Од особено национално значење е збирката „австралијана“ која се однесува на културното наследство на Австралија. Тука се претставени австралиски писатели, уредници и илустратори кои работат во Австралија или во странство.
Библиотечната збирка опфаќа материјали во секаков формат — од книги, стручна периодика, мрежни места и ракописи со слики, фотографии, карти, музички партитури, етнографски снимки, музички записи и разгледници, летоци и многу друго.[3]
Околу 92,1% од библиотечната збирка е каталогизирана[1] и пребарлива на семрежниот каталог.[4]
Библиотеката има дигитализирано преку 174.000 единици од збирката[5] и настојвуа да ги става на располагање на семрежјето, колку што е можно. Претставува светски предводник во техники на електронско архивирање,[6] и има семрежен архив на одбрани австралиски мрежни места наречен „Пандора“ (Pandora Archive).
Поврзано[уреди | уреди извор]
Наводи[уреди | уреди извор]
- ↑ 1,0 1,1 1,2 „Collection statistics | National Library of Australia“. Nla.gov.au. http://www.nla.gov.au/collections/statistics. конс. 12 ноември 2013.
- ↑ Sue Ebury (2008). The Many Lives of Kenneth Myer. The Miegunyah Press. стр. 319. ISBN 0-522-85546-6. http://books.google.ca/books?id=dN028gHIng4C&pg=PA319.
- ↑ „National Library of Australia - Our Collections“. nla.gov.au. http://www.nla.gov.au/our-collections. конс. 3 август 2012.
- ↑ „Catalogue Home | National Library of Australia“. nla.gov.au. http://catalogue.nla.gov.au/. конс. 12 ноември 2013.
- ↑ „National Library Facts and Figures“. nla.gov.au. http://www.nla.gov.au/facts-and-figures. конс. 25 јули 2012.
- ↑ „NLA.gov.au“. NLA.gov.au. http://www.nla.gov.au/padi. конс. 30 мај 2012.
Надворешни врски[уреди | уреди извор]
 |
„Национална библиотека на Австралија“ на Ризницата ? |
 |
Википодатоци го има својството P409 за NLA-назнака (употреба) |
- Национална библиотека на Австралија
- Дела на македонски јазик во библиотечниот каталог
|
