|
|
|
Мордовиянь школасо тонавтницятне – 8 иесэ Анастасия Кудашкина ды 14 иесэ Марина Короткова лиссть изницякс «Красота Божьего мира» эйкакшонь шкинемань раськеютконь пелькстамосонть, конась эрьва иестэ ютавтови Московонь ды весе Русень Иневанькс Патриархонть Кириллэнь баславамонзо вельде. Анастасиянень ды Маринанень грамотатнень казизь Рузонь православной церьковань прявтось Кирилл ды Россиянь Федерациянь Советэнь Председателесь Валентина Матвиенко.
|
|
Подробнее...
|
|
|
НАЦИОНАЛЬНО-КУЛЬТУРНОЙ АВТОНОМИЯНЬ ТЕИЦЯ |
|
Аволь умок шабра Ульяновск областесь тешкстызе чачома чинзэ. 73-це региононтень топодсть 73 иеть. Тень кувалма областень губернаторось С.И. Морозов ютавтсь кенярксчинь промкс, косо явшесь государственной казнеть сеть ломантненень, конат тейсть ламо изнявкст. Сынст ютксто вейкесь – Михаил Иванович Крымкин эрзянь цёрась. Сон ульнесь Ульяновск ёнксонь эрзянь-мокшонь национально-культурной автономиянь васенце пурныцякс ды прявтокс. Теде башка, весе эрямонзо алтызе тонавтома тевентень, школасо важодемантень. Сонензэ макссть «Дружбы народов» медаль.
|
|
Подробнее...
|
|
Сурвеленть песэ, Сэняшенть ды Москаморонть ютксо, карадо-каршо рядсек аштить зярыя кудот. Пелест эйстэст чавот: азортнэ-азораватне сыредсть ды мельга-мельцек тукшность эрямосто. Ютксост Москаморонть ёндо кирьпецень нилеце кудосонть ней пингензэ ськамонзо печти Родя баба. Родион Назарыч азорозо омбоце ие «оймси» калмазырьсэ.
Тетянь ёндо Маря патям сави монень раськень ломанекс. Ловомам коряс, тетянь ёндо сон кадовсь, мерть, ськамонзо. Секс саинь мель самс тензэ кевкстнемс раськенек седикелень эрицятнеде. Сынь ды эзинь маняво. Маря патям аволь аламо ёвтнесь эйстэдест. Те пек маштовсь монень родословноенть сёрмадомсто. Маря патяненьгак уш топодсть аволь аламо иеть. Тияко ёвтнесь тень эсензэ эрямодонтькак.
|
|
Подробнее...
|
|
КРЕШТЕНИЯСТО ЭКШЕЛЯСТЬ ТЕЖАТ ЛОМАНТЬ |
|
Исяк, январень 19-це чистэ, Рузонь Православиянь церьковась тешкстась покш кенярксчи, республикань весе храмтнесэ ютасть торжественной покш службат. Эрицятнень ютксто ламот якасть церьковав светязь ведь мельга.
|
|
Подробнее...
|
|
Маргарита СУРИНА: «ЭРЯВИ ВЕЧКЕМС ЭСЕНЕК РАСЬКЕНТЬ» |
|
Маргарита Ивановна Сурина малав пелепингензэ алтызе Степан Эрьзянь лемсэ музеентень, важоди тесэ уш 43 иеть! Сон – МР-нь культурань заслуженной важодиця, МР-нь Государственной премиянь лауреат. Аволь умок лиссь Мордовиянь Прявтонть В.Д.Волковонь Указозо, косо пачтяви изобразительной искусствань ды музеень тевенть кисэ Степан Эрьзянь лемсэ премиянть максомадо. Премиянь лауреатокс кармась Эрзя-мокшонь раськень культурань музеень (С.Д.Эрьзянь лемсэ музеень отделэсь) научной сотрудникесь М.И.Сурина. Те премиясь максови Маргарита Ивановнанень эсь тевензэ вечкеманть кисэ.
|
|
Подробнее...
|
|
|
|
|
<< Первая < Предыдущая 1 2 3 4 5 6 7 8 9 10 Следующая > Последняя >>
|
|
Страница 1 из 62 |
|
|
КИТЬ СОВАСТЬ «РАУЖО СПИСКАНТЕНЬ»? |
Саранскойсэ коммунальной услугатнень кис апандыцятнень «раужо спискасонть» васенцекс аштить лавшосто эриця семиятне. Ламотнень алкукс тевест аштить стакасто ды ярмаконь аразьчись а максы шкастонзо пандомс ЖКУ-нь кис. Ошонь Администрациясо ловизь, истят семиятнесэ эрить 625 эйкакшт.
|
|
Подробнее ... |
Мартонь 31-це чистэ саезь апрелень 3-це чис Таллиннсэ ютавтови «Tallinn Music Week 2016» фестивалесь. Неень шкасто Мордовиянь коллективесь аноксты те музыкань покш событиянтень. Прявт тевтнестэ вейкесь – репертуаронь кочкамось, конань марто коллективесь моли Эстонияв. Нама, программантень совавтовить коллективенть туртов содавикс фолк жанрань композициятне, истя жо фолк-роконь од эксперименттнэ.
|
|
Подробнее ... |
Орданьбуень краеведческой музейсэ важоди Мордовиянь заслуженной художникенть Степан Коротковонь «Светлый образ» персональной выставказо. Степан Фёдорович – Пазнэнь кемиця ломань. Ламо иень перть С.Д.Эрьзя лемсэ изобразительной искусствань Республикань музейсэ реставраторокс важодемстэ сон велявтынзе эрямос ламо пазаватнень чачост. Теде башка, сон сёрмадынзе «Спаситель», «Архангел Михаил», «Апостол Павел», «Николай Чудотворец», «Георгий Победоносец» пазаватнень, конатнень несызь музеев сыцятне.
|
|
Подробнее ... |
Кувака оймсема читнеде мейле тешкстазь гриппсэ ды ОРВИ-сэ сэредицятнень ламолгадомась. Од иень васенце недлястонть медицинань лезкс мельга пшкадсть ОРВИ-сэ сэредиця 1800 ломанть.
Январень 11-17-це читнестэ Мордовиясо тешкстазь 2012 сэредицят, эйстэст 1407-тне – кемнилее иеде седе вишкине эйкакшт. Сэредицятнень ютксо седе ламотне – Саранскоень эрицят, малав весе эйстэст – эйкакшт.
|
|
Подробнее ... |
|
КУЛЬТУРАНЬ КУНШКАКУРО – ЛЕВЖАСО |
Аволь умок Рузаевка ёнксонь Левжа велесэнть панжовсь Культурно-досуговой куншкакуро. Те покш кенярксчисэнть ульнесь Мордовиянь Прявтось Владимир Волков. Эрицятненень поздоровтнень ёвтамсто сон тешкстызе: «Течи ансяк велесэ ванстовить раськень койтне-кирдатне. Секскак велетнесэ социальной инфраструктуранть вадрялгавтомантень минь явтано башка мель, панжтано Культурань кудот. Нама, течи покш тарка минек эрямосонть саить компьютерэнь технологиятне, телевидениясь ды Интернетэсь. Ансяк, кода невти практикась, ломантнень вейкест-вейкест марто кортамонть мезеяк а полавтсы. Велень Культурань кудотне тень туртов пек паро площадкат, косо од ломантне тонавтнить тиринь раськень искусстванть, моротнень».
|
|
Подробнее ... |
|
