Tokyo
Tokyo
|
|||||||||||||||||||||||||||||||||||||
Tokyo o Tokio (en Japoniana: 東京 Tōkyō) esas un di la 47 prefekturi di Japonia e chef-urbo di lando. Ol esas sideyo di Japonian imperio. Lua nomo signifikas en la Japoniana 'chef-urbo dil esto'. Ol jacas en Kantō regiono, sud-weste de Japonia, en l'insulo Honshu.
Nune ol esas la maxim grand urbo di lando ed un di maxim granda dil mondo. La prefekturo havis 13,185,502 habitanti en 2011. Lua totala surfaco esas 2,187.08 km². Lua metropolala regiono havas entote 37.8 milion habitanti.
Lua sistemo di treni ed urbala fervoyo esas un di la maxim okupata dil mondo. L'Olimpiala Ludi eventis en 1964 en l'urbo, unesma-foye en Azia. En 2020 l'Olimpala Ludi eventos nove en Tokyo.
Historio[redaktar | edit source]
Tokyo fondesis cirkume 1456 e komence nomesis Edo. En 1590 Tokugawa Ieyasu trsnsformis ol en lua bazo, e kande ilu divenis shoguno, l'urbo divenis centro por lua armeo.
Dum Meiji-epoko, ol rinoimzesis Tokyo. Imperiestro Meiji movis lua domicilo vers l'urbo e transformis ol de facto en chef-urbo di lando. Depos 1900 lua habitantaro komencis koncentresar proxim la fervoyala sistemo.
L'urbo sufris du granda katastrofi dum la 20ma yarcento: la ter-tremo di 1923, e la duesma mondomilito. La ter-tremo kun forteso 7.9 che la Richter-skalo eventis l'1ma di septembro 1923, provokis diversa fairi e mortigis plu kam 140 mil personi en tota Japonia. La bombardi di 1944 e 1945 kun incendiala bombi mortigis de 75,000 til 200,000 civili, e destruktis plu kam la duimo dil urbo.
Pos la milito, l'urbo rikonstruktesis komplete, ed en 1964 eventis Olimpiala Ludi en l'urbo.
