Federacion dels Ensenhaires de Lenga e Cultura d'Òc
La Federacion dels Ensenhaires de Lenga e Cultura d'Òc o FELCO es una federacion creada en 1987 que regropa las associacions regionalas d'ensenhaments de l'occitan e las de l'educacion nacionala francesa. Las associacions son dobèrtas a cadun que trabalha dins l'ensenhament, de la mairala a l'universitat. La tòca de la FELCO es de melhorar las condicions d'ensenhament, que siá pels escolans tant que pels ensenhaires. Fa partida de la coordinacion Anem òc qu'es a l'origina de las manifestacions per l'occitan. Es membre de la FLAREP (Federacion per las Lengas Regionalas dins l'Ensenhament Public), de l'Associacion de Professors per las Lengas Vivas (APLV) e sòci del Congrès permanent de la lenga occitana. Son president es actualament l'istorian e universitari Felip Martèl.
.svg){kind=small}
