Portada

xoves, 29 de outubro de 2015

a versión en galego da Wikipedia. Este é un proxecto internacional feito por voluntarios, co propósito de facer unha enciclopedia libre, accesible, colaborativa e de balde en moitos idiomas. O obxectivo é a plena transmisión da sabedoría e o coñecemento sen restricións editoriais nin comerciais. O desenvolvemento da Wikipedia está aberto a toda persoa interesada en contribuír.

Nesta versión galega, que comezou o 8 de marzo de 2003, xa temos 125.649 artigos.

Benvida COMOs Preguntas frecuentes Comunidade Políticas Artigos de calidade Axuda

Sobre Galicia
Pedro Pardo de Cela Aguiar e Ribadeneira, coñecido como don Pedro Pardo de Cela, nado en Betanzos cara ao 1425 e degolado en Mondoñedo o 3 de outubro de 1483, foi un mariscal galego medieval, decapitado diante da catedral mindoniense por mandato do gobernador do reino nomeado polos Reis Católicos. Segundo fillo de Xoán Nunes Pardo de Cela, o Vello, comendeiro do bispado de Mondoñedo, e de Teresa (ou Violante) Rodríguez de Aguiar, ao falecer o seu irmán herdou as propiedades e privilexios da familia. A pesar de que a historiografía galeguista chegase ao extremo de facer del un irmandiño, o certo é que foi un dos seus máis acérrimos inimigos e tivo que fuxir de Galiza até a restauración nobiliaria. A causa da súa morte non fica clara, a tradicional atribución a unha vontade explícita dos reis non está documentada, o que levou a algúns estudosos a atribuíla a enfrontamentos coa nobreza local que naquel momento apoiaba a Fernando de Acuña.
Vexa tamén o mes de outubro na cultura popular galega
Artigo destacado
A Revolución de Outubro (en ruso: Октя́брьская револю́ция, Oktyabr'skaya revolyutsiya), tamén coñecida como Revolución bolxevique, foi a segunda fase da Revolución rusa de 1917, trala Revolución de Febreiro. A data 25 de outubro de 1917 corresponde ao calendario xuliano vixente no Imperio ruso, despois abolido polo novo Goberno bolxevique. No resto do mundo, baixo o calendario gregoriano, os sucesos iniciáronse o día 7 de novembro de 1917. O poder do novo Goberno estendeuse polo país en diversas fases, con graves enfrontamentos nalgunhas zonas, como Moscova. A debilidade militar da oposición e a popularidade das primeiras medidas, con todo, favoreceron a Lenin e os seus seguidores. O rexeitamento á toma do poder, levada a cabo polos bolxeviques, da oposición máis radical e a imposibilidade da moderada de arrebatarllo a través das institucións, debido á disolución da Asemblea Constituínte en xaneiro de 1918 e á expulsión dos partidos socialistas dos soviets na primavera, conduciu á guerra civil.
Tal día como hoxe no ano...
Bandeira da Unión Europea. 1675, Gottfried Wilhelm Leibniz utiliza por vez primeira o "s longo", ∫, para simbolizar a integral matemática. 1863, Henri Dunant funda en Suíza a Cruz Vermella. 1947, lévase a cabo en Bruxelas a unión aduanera entre Bélxica, Países Baixos e Luxemburgo, coñecida como Benelux. 1920, nace Baruj Benacerraf, médico venezolano, premio Nobel de Medicina en 1980. 1987, Iugoslavia xorde como nación independente. 2004, os xefes de estado da Unión Europea asinan en Roma un Tratado polo que se establece unha Constitución Europea.
Vexa máis efemérides do día de hoxe