Eslovènia

Eslovènia Republika Slovenija
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
(Detalhs) (Detalhs)
Devisa nacionala : Cap
Imne nacional : {{{imne}}}
Lengas oficialas	eslovèn
Capitala	Ljubljana 46° 03' N 14° 30' È
Mai granda vila	Ljubljana
President	Borut Pahor
Primièr ministre	Janez Janša
Superfícia  - Totala  - Aiga (%)	Classat 149en 20 273 km² 0,6% %
Populacion  - Totala (2005)  - Densitat	Classat 141en 2 011 070 ab. 95 ab./km²
Independéncia Declarada  - Reconeguda	De Iogoslavia 25 de junh de 1991 1992
Gentilici	Eslovèn
Moneda  - nom occitan  - nom oficiau anglés	‎‎ [[]] [[]]
Fus orari	UTC +1 (estiu +2)
Imne nacional	Zdravljica
Domeni internet	.si
Indicatiu telefonic	+386

Eslovènia (en eslovèn Slovenija) es un Estat d'Euròpa Centrala. Es membre de l'Union Europèa dempuèi lo 1^èr de mai de 2004. Eslovènia es enrodada per la mar Adriatica, Itàlia, Àustria, Ongria e Croàcia.

Sa capitala es Ljubljana.

Lo gentilici es eslovèn -a.

Istòria

• Vejatz tanben Iogoslavia

Al sègle II ab.J.C las fonts istoricas enregistran l'existéncia del Reialme de Noricum dins los Alps Orientals.

Aqueste reialme manteniá de relacions amistosas amb los romans, als quals vendián de fèrre. Aqueste mineral èra de fach l'element essencial dels romans per produsir d'armas eficaças, que fòrça li ne fasián de besonh en las siás guèrras contra los cèltas. En l'an 16 abans Crist Noricum s'assòcia a l'Empèri Roman mas preservèt la siá autonomia amb los tèrmes del “ius gentium”. Aquesta lei li permetèt a Noricum conservar la siá pròpria organizacion sociala fins a la casuda de l'Empèri Roman. Malgrat aiçò la cultura romana e la romanizacion se difusèt en per Noricum tot.

Las vilas pus importantas de l'epòca romana dins la zòna èran: Celeia (a l'ora d'ara Celje), Emona (Ljubljana), Nauportus (Vrhnika) e Poetovio (Ptuj). Lo territòri eslovèn se trobava dividit entre las províncias romanas de Dalmatia, Italia, Noricum e Pannonia.

Al sègle IV Noricum foguèt dividida en doas províncias romanas, Noricum Ripense e Noricum Mediterraneum, aquesta darrièra tanben designada Interiore Noricum. Del temps que la primièra d'aquestas províncias foguèt ocupada per de tribús germanicas a la casuda de l'Empèri Roman, la segonda poguèt manténer la siá estructura sociala e après l'ocupacion dels ostrogòts declarèt la pròpria independéncia.

D'unes istorians que i a creson que los ancessors eslaus dels actuals eslovèns s'establiguèron dins aqueste airal a l'entorn del sègle VI. Malgrat aiçò d'autres sostenon que descendon dels pòbles autoctòns dels Alps Orientals.

En l'an 595 s'enregistra la cita, de la part de l'istorian lombard Paulus Diaconus, del primièr estat estable eslau e eslovèn coma "Província Sclaborum", que se coneisseriá après coma Carantania. En l'an 623, los eslaus s'alièron jos l'autoritat d'un rei nomenat Samo, union tanben coneguda en las fonts istoricas coma Marca Vinedorum, la quala inclusiá los territòris de Carantania. En 658, après la mòrt de Samo, l'Aliança Eslava feniguèt, mas Carantania subrevivèt e servèt son independéncia.

Kozolec, estructura tradicionala eslovèna de fusta.

En l'an 745, Carantania, que fins a aquel moment èra una nacion pagana, foguèt seriosament menaçada militarament pels avars de la vesina Panonia.

Per aquesta rason, lo duc Borut sollicitèt ajuda militara als amistoses bavars, qu'èran ja cristianizats. Los bavars apertenián a la predominança politica del rei dels Francs, qu'èra lo protector del Cristianisme d'Euròpa. Lo rei dels Francs li donèt permís en Bavièra per ajudar la pagana Carantania, mas sonque amb la condicion qu'aquesta darrièra acceptèsse lo cristianisme.

Lo duc Borut acceptèt la condicion e amb l'ajuda dels bavars Carantania derrotèt definitivament los avars. Foguèt aital que lo duc Borut envièt lo sieu filh Gorazd e lo sieu nebot Hotimir per que s'eduquèssen dins la fe crestiana en Bavièra. Dins los decènnis seguents de la desbranda dels avars l'avesque de Salzborg, Sant Virgili, envièt a Carantania una seria de monges irlandeses que se ne destaca Sant Modèst coma apostòl dels carantanis. Après la mòrt de Sant Modèst, i aguèt una brèva restauracion pagana per encausa de que lo Tractat que Carantania aviá acceptat d'assumir lo cristianisme foguèt violat. Foguèt aital que l'armada bavara envasiguèt lo país e suprimiguèt lo govèrn pagan. L'irrupcion dels bavars, malgrat aiçò, provoquèt un imatge negatiu del cristianisme qu'evidentament l'armada estrangièra respectèt pas cap de disciplina coma tota armada en general dins aquestas circonstàncias. Per encausa d'aquò entre las gents creissèt la malfisança cap al cristianisme.

Politica

Eslovènia es una republica parlamentària segon la siá Constitucion.

Lo President del país, dempuèi 2012, es Borut Pahor. Lo president es lo cap d'Estat e es elegit cada cinc d'ans pel vòte popular.

Lo cap de govèrn es lo Primièr Ministre, elegit pel Parlament.

Lo Parlament es bicameral, format de l'Assemblada Nacionala e lo Conselh Nacional. Actualament degun a la majoritat parlamentària.

Los principals partits son lo Partit Democratic Eslovèn e la Democracia Liberala d'Eslovènia.

Geografia

Carta d'Eslovènia

Economia

De veire: Economia d'Eslovènia.

Cultura

Qualques artistas eslovèns son coneguts fòra del lor país, coma los musicians de Laibach o lo movement NSK (Neue Slovenische Kunst)

Ligams extèrnes

• 
• Slovenia.si. Your gateway to information on Slovenia.
• Hiking in Slovenian Alps
• Government of the Republic of Slovenia
• (mul) Pagina oficiala de l'Ofici deu Torisme d'Eslovènia

Ligams videografics

• 

• [1]

• • sus YouTube... mai de 26 900 documents subre Eslovènia en picar coma clau Slovenia

Nòtas e referncias

<references>