Slovenie
| Slovenie | |
  |
|
| Informazions | |
| Nomenance | Republika Slovenija |
| Lenghe ufiziâl | sloven, ongjarês¹, talian¹ |
| Capitâl | Lubiane |
| Politiche | |
| Forme di guvier | Republiche parlamentâr |
| Cjâf dal stât | Borut Pahor |
| Cjâf dal guvier | Janez Janša |
| Indipendence | 25 di Zugn 1991 (ricognossude tal 1992) |
| Jentrade inte ONU | 22 di Mai 1991 |
| Gjeografie | |
| Continent | Europe |
| Fûs orari | UTC + 1 |
 |
|
| Superficie | |
| Superficie Totâl | 20.273 |
| Intal mont | 150° |
| % di aghe | 0,6% |
| Popolazion | |
| Popolazion totâl | 1.935.677 ab. |
| Intal mont | 142° |
| Densitât | 96 ab./km2 |
| Economie | |
| Monede | Euro |
| Consum energjie | kWh/ab. |
| Domini di prin nivel | .si |
| Prefìs tel. internazionâl | +386 |
| Plache automobilistiche | SLO |
| Imni nazionâl | Zdravljica |
| Fieste nazionâl | 25 di Zuin |
| ¹ Tai comuns cun comunitâts nazionâls ongjaresis o talianis (par aprofondî, viôt Lenghis). |
|
La Slovenie (par sloven Republika Slovenija) e je un stât de Europe centrâl che e fâs part de Union Europeane dal 1 di Mai dal 2004. E confine cun l'Italie a ovest, cun l'Austrie a nord, cul Ongjarie a nord est e cu la Cravuazie a sud e est. A Sud-Ovest e je ancje bagnade par pôcs chilometris dal Mâr Adriatic.
Tabele dai contignûts
Storie[cambie | modifiche il codiç]
L'atuâl teritori de Slovenie e fo sot dal Imperi austriac e po sot di chel di Austrie-Ongjarie fin tal 1919, po e jentrà tal Ream S.H.S. ch'al deventà il Ream di Jugoslavie. E fo invadude di bande da l'Italie, de Gjermanie e de Ongjarie tal 1941. Dopo la fin de Seconde Vuere Mondiâl e jentrà inte Federazion Socialiste Jugoslave, che e anetè a la Slovenie il Gurizan sloven e, daspò dal 1975 part de "Zone B" (Cjaudistrie, Isule d'Istrie e Piran). Cheste republiche e deventà indipendent tal 1991.
Divisions aministrativis[cambie | modifiche il codiç]
La Slovenie e je dividude in 12 regjons, che no àn valôr aministratîf, ma ben dome un valôr statistic:
| Non | Non locâl |
|---|---|
| Di là de Mure | Pomurska |
| Di là de Drave | Podravska |
| Carinzie slovene | Koroška |
| Savinjska | Savinjska |
| Zasavska | Zasavska |
| Di là de Save inferiore | Spodnjeposavska |
| Slovenie sudorientâl | Jugovzhodna Slovenija |
| Slovenie centrâl | Osrednjeslovensk |
| Alte carniole | Gorenjska |
| Cjars didentri | Notranjsko-kraška |
| Gorizian sloven | Goriška |
| Cjarsiche-litoranee | Obalno-kraška |
Citâts principâls[cambie | modifiche il codiç]
| Citât | Abitants |
|---|---|
| Lubiane (Ljubljana) | 265.881 |
| Marburc (Maribor) | 110.668 |
| Cragn (Kranj) | 51.225 |
| Cili (Celje) | 48.081 |
| Cjaudistrie (Koper) | 47.539 |
| Novo mesto | 40.925 |
| Gnove Gurize (Nova Gorica) | 35.640 |
| Velenje | 33.331 |
| Domžale | 29.902 |
| Slovenska Bistrica | 29.285 |
Risultive: Servizi statistic de Republiche Slovene, Censiment 2002
Lenghis[cambie | modifiche il codiç]
La lenghe ufiziâl e je su dut il teritori il sloven. Dongje cheste e si à chê taliane tai trê comuns bilengâls sul litorâl di Cjaudistrie (Koper-Capodistria), Isole (Izola-Isola) e Piran (Piran-Pirano) e chê ongjarese tai trê comuns bilengâls dal Prekmurje di Dobrovnik-Dobrónak, Hodoš-Hodos e Lendava-Lendva.
Politiche[cambie | modifiche il codiç]
Il cjâf di stât sloven al è il president, ch'al è elet dai vôts dal popul ogni cinc agns. L'esecutîf al è diret dal Prin ministri e dal concili dai ministris, che a son elets dal parlament.
Il Parlament bicamerâl de Slovenie al è componût de Assemblee Nazionâl (Državni zbor) e dal Concili Nazionâl (Državni svet). La assemblee nazionâl e à novante bancs, che son in part ocupâts dai rapresentants elets diretementri dai citadins e parzialmentri elets dai rapresentants (doi riservâts aes minorancis autoctonis talianis e ongjaresis). Il concili nazionâl al à cuarante bancs. Il parlament al è elet ogni cuatri agns.
Fiestis nazionâls[cambie | modifiche il codiç]
| Date | Non | Non locâl | Notis |
|---|---|---|---|
| 1 e 2 di Zenâr | An gnûf | Novo leto | |
| 8 di Fevrâr | Fieste de culture slovene e celebrazions de muart dal poete France Prešeren | Slovenski kulturni praznik | |
| 27 di Avrîl | Fieste de Liberazion | Dan upora proti okupatorju | |
| 1 e 2 di Mai | Fieste dal lavôr | Dan dela | |
| 25 di Jugn | Proclamazion da la Indipendence | Dan državnosti | |
| 15 di Avost | Fieste da la Assunzion | Marijino vnebovzetje | |
| 31 di Otubar | Fieste da la riforme | Dan reformacije | |
| 1 di Novembar | Ducj i Sants | Vsi sveti | |
| 25 di Dicembar | Nadâl | Božič | |
| 26 di Dicembar | Zornade de indipendence | Dan samostojnosti |
Curiositâts[cambie | modifiche il codiç]
- Il simbul de Slovenie al è la fuee di tei (Lipa).
- La Slovenie e je une vore cognossude pe nature e pai siei maraveôs parcs nazionâi.
Leams esternis[cambie | modifiche il codiç]
- Slovenia.si. Your gateway to information on Slovenia.
- Government of the Republic of Slovenia
- Mountains in Slovenia
- Sît turistic de Slovenie
- Sît de Slovenie
