Польша
|
|||||
Һимн: «Домборвский мазуркасы» | |||||
Рәсми тел | поляк теле[1] | ||||
Башкала | Варшава | ||||
Эре шәһәрләр | Варшава, Лодзь, Краков, Вроцлав, Познань | ||||
Идарә итү формасы | Парламент җөмһүрияте | ||||
Президент Премьер-министр Сейм маршалы Сенат маршалы |
Анджей Дуда[2] Эва Копач Малгожата Кидава-Блоньска Богдан Борусевич |
||||
Мәйдан • Барлыгы • су өслеге проценты |
312 679 км² 3,07 |
||||
Халык саны • Бәя (2013) • Җанисәп (2014) • Халык тыгызлыгы |
▼38 383 809[3][4] кеше 38 483 957[5] кеше 123 кеше/км² |
||||
ТЭП (САМП) • Барлыгы (2012) • Кеше башына |
854,191 млрд.[6] $ |
||||
ТЭП (номинал) • Барлыгы (2012) • Кеше башына |
489,795 млрд.[6] $ 12 708[6] $ |
||||
КПҮИ (2013) | 0,821[7] (бик югары) (39-нчы-нч.) | ||||
Акча берәмлеге | Польша злотые (PLN) | ||||
Интернет домены | .pl | ||||
ISO коды | PL | ||||
ХОК коды | POL | ||||
Телефон коды | +48 | ||||
Сәгать пояслары | CET (UTC+1, җәен UTC+2) |
Координатлар: 52°13′00″ т. к. 21°02′00″ кч. о. / 52.21667° т. к. 21.03333° кч. о. (G) (O)
Польша (польча Polska, рәсми исеме Польша Җөмһүрияте́, польча Rzeczpospolita Polska — Жечпосполита Польска) — Үзәк Аурупада урнашкан дәүләт. Польша башкаласы — Варшава.
Эчтәлек
Исеме[үзгәртү | вики-текстны үзгәртү]
Төгәл рәсми исеменең тәрҗемәсе — Поляк Республикасы, чөнки Polska — поляк дигәнне аңлата (лат. Respublica Polona —Polonia (Польша) түгел) [8]. Рәсми исемендә хәзерге поляк сүзе «republika» (республика) кулланылмый, ә искергән «Rzeczpospolita» (Жечпоспо́лита) сүзе кулланыла.
Польша сүзе борынгы славян сүзе полъ (ачык, ирекле, буш) сүзеннән килеп чыккан, илнең рельефында тигезлек өстенлек иткәнен күрсәтә.
География[үзгәртү | вики-текстны үзгәртү]
Висла һәм Одра елгалары бассейнында, төньякта Балтыйк диңгезе һәм көньякта Карпат һәм Судет таулары арасында урнашкан. Территориясенең 90% өлешеннән күбрәге тигезлек һәм түбәнлекләр алып торалар, көньякта таулар бар. Диңгез ярлары тәбәнәк, комлы. Климаты уртача, океан климаты белән континенталь климат уртасында. Гыйнварның уртача температурасы -1...- 6°С, июльнең уртача температурасы 10—19°С. Еллык явым-төшемнәр саны 500—1800 мм. Одра, Висла, Буг, Нотец һәм Варта елгалары — көймә йөрешле. Польшада 9000дан артык күл бар, иң зурлары: Снярдви (113,8 км²), Мамри (104 км²).
Тарих[үзгәртү | вики-текстны үзгәртү]
Польша территоиясендә палеолит дәвереннән кешеләр яшәгән. Б.э.к. 1 меңъеллык һәм б.э. 1 меңъеллыкның беренче яртысында Польша территоиясендә славян кабиләләрнең формалаштыру урыны булган. 8—9 гасырларда кабилә кенәзлекләре барлыкка килгәннәр. 10 гасырда Одра, Висла һәм Буг елгалары арасында яшәүче полян (Польша, поляклар атамалары шуннан килеп чыккан), мазовшан, вислян, поморян кабиләләренең кенәзлекләре берләштерелде һәм бердәм Польша дәүләте барлыкка килде. Ләкин, 12 гасырда Польша дәүләте янә кенәзлекләргә бүленеп китте.
13 гасырның азагында кенәз Пшемысл ІІ җитәкчелеге астында Польша җирләрене берләштерү өчен көрәш башланды. 14—15 гасырларда бердәм дәүләт пәйда булды, мәдәният үсеш алды, поляк теле формалашып бетте. 15 гасырның бернче яртысында Краковтагы Ягайло университеты (1364 елда нигезләнгән) поляк фәне үзәгенә әйләнде. 1569 елда Польша белән Бөек Литва кенәзлеге берләшүе нәтиҗәсендә Речь Посполитая дәүләте пәйда булган. 1609—12 елларда Польша Русиягә һөҗүм ясады.
Русия, Пруссия һәм Австрия составында[үзгәртү | вики-текстны үзгәртү]
Берничә гасыр дәвамында Польша Аурупадагы иң кодрәтле дәүләтләрдән берсе булып торды. Әмма авыр сугышлар сәбәпле дәүләт инкыйразга очрап, өч мәртәбә (1772, 1793, 1795 елларда) Пруссия, Австрия, Русия арасында бүленгән. 1807 елда Наполеон І көчләре Пруссияне җиңеп, Франциягә бәйле Варшава һерцоглыкны төзде. 1814—15 елларда Вена конгрессында Польша янә бүленгән. Варшава һерцоглыгының зур өлеше Польша патшалыгына әйләндерелеп, Русиягә тапшырылган.
Пруссия Варшава һерцоглыгының бер өлешен алды, Силезия һәм Померанияне үзендә саклап калды. Австриягә (1867 елдан Австрия-Маҗарстан) Галиция бирелде. Краков җөмһүрияте төзелгән. Поляк халык азатлык өчен туктаусыз көтәшкән (1794 елда Т. Костюшко җитәкчелегендәге күтәрелеш, 1830—31, 1846, 1848, 1863—64 еллардагы күтәрелешләр).
Пруссия составындагы поляк җирләрендә көчле алманлаштыру сәясәте алып барылган. Русия империясендә дә, чигенешләр белән булса да, урыслаштыру сәясәте үткәрелгән, урыс хөкүмәте хәтта поляк телен кирилл язуына күчерергә ният иткән.[9] Австриядә полякларның хәле чагыштырмача җиңел булган — 1861 елда Галициянең эчке мәсьәләләрне хәл итү өчен төбәк сеймы оештырылган; поляк теле мәктәпләрдә, тәшкиләтләрдә һәм мәхкәмәдә кулланылган, Краков һәм Львов университетлары гомумполяк мәдәният үзәкләренә әверелгәннәр.
Беренче бөтендөнья барышында урыс Польшасы җирләре Алмания һәм Австрия-Маҗарстан басып алганнар; басып алынга территориясендә Польша кыйраллыгы игълан ителгән. 1918 елның 6 октябрендә Польша бәйсез дәүләт булып игълан ителә.
Бәйсез дәүләт[үзгәртү | вики-текстны үзгәртү]
1920 елның апрелдә Совет-Польша сугышы башланды. 1921 елгы Рига солых килешүе буенча, Көнбатыш Украина һәм Көнбатыш Белорусия Польшага күчте. 1939 елның 1 сентярбенда Алмания Польшага һөҗүм итеп, икенче бөтендөнья сугышын башлап җибәрде; 17 сентябрендә Польшага совет гаскәре бәреп керде һәм көнбатыш төбәкләрне басып алды. 1945 елның майда поляк җирләре фашистлардан азат ителгәннәр. Берлин конференциясе карары буенча, Польша составына Көнбатыш Пруссиянең өчтән ике өлеше, көнбатыш чиге исә Одер һәм Нейсе елгалары буенча урнаштырыла. 1952—1989 елларда дәүләт Поляк Халык Җөмһүриятедип аталган.
1980-еллар башында дәүләттә тирән иҗтмагый-икътисади төшенкелек башлады. 1981 елның декабрендә хәрби халәт игълан ителгән. 1989 елда «Бердәмлек» (Solidarność) берлеге вәкилләре хакимияткә килде һәм дәүләт исеме Польша Җөмһүрияте итеп үзгәртелгән. 1997 елның 25 майда үткәрелгән референдумда дәүләтнең яңа конституциясе кабул ителде.
Халык[үзгәртү | вики-текстны үзгәртү]
Эре калалар[үзгәртү | вики-текстны үзгәртү]
Урын | Шәһәр | Полякча | Халык саны | |||||||
---|---|---|---|---|---|---|---|---|---|---|
1 | Варшава | Warszawа | 1 700 612 | |||||||
2 | Краков | Kraków | 757 611 | |||||||
3 | Лодзь | Łódź | 728 892 | |||||||
4 | Вроцлав | Wrocław | 630 131 | |||||||
5 | Познань | Poznań | 554 696 | |||||||
6 | Гданьск | Gdańsk | 460 276 | |||||||
7 | Щецин | Szczecin | 410 131 | |||||||
8 | Быдгощ | Bydgoszcz | 363 926 | |||||||
9 | Люблин | Lublin | 349 103 | |||||||
10 | Катовице | Katowice | 310 764 | |||||||
11 | Белосток | Białystok | 294 001 | |||||||
12 | Гдыня | Gdynia | 249 139 | |||||||
13 | Ченстохова | Częstochowa | 236 796 | |||||||
14 | Радом | Radom | 221 287 | |||||||
15 | Сосновец | Sosnowiec | 216 420 | |||||||
16 | Торунь | Toruń | 204 954 | |||||||
17 | Кельце | Kielce | 202 196 | |||||||
18 | Гливице | Gliwice | 187 474 | |||||||
19 | Забже | Zabrze | 181 128 | |||||||
20 | Бытом | Bytom | 176 902 | |||||||
2011 ел |
Административ бүленеш[үзгәртү | вики-текстны үзгәртү]
Польшаның административ бүленеше, нигездә, тарихи төбәкләргә нигезләнеп ясалган. Воеводалык дәрәҗсендә адинистратив хакимият хөкүмәт тарафыннан тәгаенләнгән воевода, сайланган Төбәк ассамблеясе һәм шул ассамблея тарафыннан сайланган башкаручы хакимият арасында бүленә.
Воеводалыклар повятларга, повятлар исә гминаларга бүленәләр. Эре шәһәләр, гадәттә, гмина яки повят статусына ия. Әлеге вакытта Польша 16 воеводалыкка, 379 повятка (шул исәптә повят статусына ия 65 шәһәр), һәм 2,478 гминага (шул исәптә 305 — шәһәр, 588 — шәһәр-авыл, 1,584 — авыл гминалары) бүленә.
Воеводалык | Үзәк | Мәйдан | Халык саны, 2011[10] |
Бөек Польша воеводалыгы | Познань | 29 825,59 | 3 447 441 |
Вармия-Мазуры воеводалыгы | Ольштын | 24 202,95 | 1 452 147 |
Карпаты асты воеводалыгы | Жешув | 17 926,28 | 2 127 285 |
Кече Польша воеводалыгы | Краков | 15 144,10 | 3 337 471 |
Көнбатыш Поморье воеводалыгы | Шчецин | 22 901,48 | 1 722 883 |
Куявия-Поморье воеводалыгы | Быдгошч, Торунь | 17 969,72 | 2 097 634 |
Лодзь воеводалыгы | Лодзь | 18 219,11 | 2 538 677 |
Люблин воеводалыгы | Люблин | 25 114,48 | 2 175 700 |
Любуш воеводалыгы | Гожув-Великопольски, Зелёна-Гура | 13 984,44 | 1 022 843 |
Мазовия воеводалыгы | Варшава | 35 597,80 | 5 268 660 |
Ополе воеводалыгы | Ополе | 9 412,47 | 1 016 213 |
Подлясье воеводалыгы | Белосток | 20 179,58 | 1 202 365 |
Поморье воеводалыгы | Гданьск | 18 292,88 | 2 276 176 |
Свентокшиж воеводалыгы | Кельце | 11 672,34 | 1 280 727 |
Силезия воеводалыгы | Катовице | 12 294,04 | 4 630 364 |
Түбән Силезия воеводалыгы | Вроцлав | 19 947,76 | 2 915 238 |
Дәүләт төзелеше[үзгәртү | вики-текстны үзгәртү]
Польша — җөмһүрият. Гамәлдәге конституциясе 1997 елның 25 майда кабул ителгән. Дәүләт башлыгы — президент, ул Польша ватандашлары тарафыннан гомуми тигез һәм турыдан-туры сайлау хокукы нигезендә яшерен тавыш бирү юлы белән 5 ел мөддәткә (срокка) сайлана.
- 2015 елның 6 августына кадәр — Бронислав Коморовский
- 2015 елның 6 августыннан — Анджей Дуда. Сайлауда 52:48 % тавыш җыеп, көндәше булган Бронислав Коморовскийны җиңә[11].
Канун чыгаручы хакимиятне икепулатлы парламент (түбән пулат — сейм, югары пулат — сенат), башкарма хакимиятне президент һәм Министрлар Шурасы (хөкүмәт) гамәлгә ашыра.
Икътисад[үзгәртү | вики-текстны үзгәртү]
Тулаем эчке продуктында сәнәгатьнең өлеше 31,2%, авыл хуҗалыгының өлеше 4,5%, хезмәт күрсәтү тармагының өлеше 64,3%. 2012 елгы хәле буенча, экспорт буенча төп партнерлар — Алмания (26.0%), Бөекбритания (7.0%), Чехия(6.5%), Франция (6.0%), Русия (5.2%), Италия (5.0%), Нидерландлар (4.6%).[12] Экспорт маддәләре — машиналар һәм транспорт җиһазлары (37,8%), ярымфабрикатлар (23,7%), башка сәнәгый таварлар (17,1%), ашамлыклар һәм тере хайваннар (7,6%).
Импорт буенча төп партнерлар — Алмания (27.3%), Русия (12.2%), Нидерландлар (5.9%), Кытай (5.4%), Италия (5.2%), Чехия (4.3%), Франция (4.2%) (2012).[13] Импорт маддәләре — машиналар һәм транспорт җиһазлары (38,8%), ярымфабрикатлар (21,0%), химик матдәләр (15,0%), минераль матдәләр, ягулык, майлау материаллары һәми тыгыз бәйләнештә булган материаллар (12,6%), башка сәнәгый таварлар (9,0%).
Сәнәгать[үзгәртү | вики-текстны үзгәртү]
Польшада ташкүмер, күкерт, табигый газ, көмеш казып алына, корыч эретүдә ил Аурупада адынгы урыннардан берсендә тора. Күмер дәүләт ягулык-энергетика балансының нигезен тәшкил итә. Ташкүмер Югары Силезиядә, Валбжих һәм Люблин бассейннарында, көрән күмер дә казып чыгарыла. Электр станцияләре, нигездә, күмер кәннәре (шахталары) тирәсендә төзелгән. Җылылык электр станцияләрдә елга уртача 135,3 млрд. кВсәг электр эшләп чыгарыла. Бакыр, кургаш рудалары, азрак микъдарда нефть тә чыгарыла.
Дәүләт ихтыяҗлары өчен зарур нефтьнең 90% өлешеннән күбәрәге чит илләрдән сатып алына. Нефтьне эшкәртү сәнәгатенең төп үзәкләре — Плоцк һәм Гданьск. Читтән китерелгән тимер руда һәм җирле кокс нигезендә эшләүче металлургия заводлари (шул исәптән, Краковтагы металлургия комбинаты һәм мәшһүр "Катовице" комбинаты) Югары Силезия агломерациясендә урнашкан. Төсле металлургия сәнәгате тәркибендә бакыр (Глогув, Легница), кургаш, рух (Катовице, Буковно, Мястечко-Слёнске) вә алюминий (Конин) заводлары бар. Сәнәгатьнең төп тармаклары булып торучы машиналар төзү һәм металл эшкәртү сәнәгате төрле мәхсулат эшләп чыгара. Көймәләр төзү (Гданьск, Гдыня, Щецин), очкычлар төзү (Варшава, Мелен, Свидвин), вагон вә локомотивлар төзү (Свидница, Зелена-Гура, Вроцлав, Познань, Хшанув), автомобильләр төзү (Варшава, Стараховице, Елч, Люблин, Ныса), тракторлар төзү (Варшава) үсеш алган. Шахта һәм металлургия заводлары өчен технология әсбап-җиһазлары, кою, химия, азык-төлек, агач эшкәртү, төзелеш материаллары эшханәләре өчен комплект әсбап-җиһазлары, станоклар, көймә йөрткечләре, электр моторлар, һ.б. нәрсәләр эшләп чыгарыла. Химия сәнәгатендә күкерт әчелеге, минераль ашламалар, сода, хлор, пластмасса, синтетик тола, каучук эшләп чыгаручы эшханәләре бар. Төп үзәкләре — Тарнув, Освенцим, Плоцк, Быдгощ. Фармацевтика, фотохимия, парфюмерия (Варшава, Лодзь, Краков), резина, цемент, шешә, фарфор-фаянс, агач эшкәртү, целлюлоза-кәгазь, аяк киеме, тегүчелек сәнәгате бар. Тукымачылык (җеп, җитен, трикотаж), азык-төлек (шикәр, спирт-арақ, ит, май, балык, тәмәке) сәнәгать тармаклары үсеш алганнар. Урманнарда агач хәзерләнә.
Авыл хуҗалыгы[үзгәртү | вики-текстны үзгәртү]
Дәүләт мәйданының 61% — авыл хуҗалыгына яраклы җирләр. Хосусый фермер хуҗалыклары өстенлек итәләр. Дәүләт хуҗалыклары, ширкәтләр һәм авыл хуҗалыгы түгәрәкләре да бар. Иң мөһим авыл хуҗалыгы культуралары: арыш, бодай, арпа, солы, бәрәңге, шикәр чөгендере һ.б. Терлекчелек өлеше зур. Мөгезле эре терлек, дуңгыз, сарык, ат һ.б. сугымга симертелә.
Транспорт[үзгәртү | вики-текстны үзгәртү]
Транспортның нигезен тимер юллар тәшкил итәләр. Тимер юллар озынлыгы — 23 420 км, автомобиль юллары озынлыгы 412 264 км. Елга көймәчелеге үсеш алган. Төп диңгез портлары — Гданьск, Гдыня, Щецин. Диңгез сәүдә флотының тоннажы — 1,8 млн. тонна дедвейт. Төп халыкара аэропорты — Окенсе (Варшава янында).
Моны да карагыз[үзгәртү | вики-текстны үзгәртү]
Искәрмәләр[үзгәртү | вики-текстны үзгәртү]
- ↑ 2005 елның 6 гыйнварында кабул ителгән канун буенча, берәр милли азчылык халык санының 20% һәм зуррак өлешен тәшкил иткән гминаларда җирле муниципалитетлар дәүләт тәшкиләтләрендә икенче телне кертергә хокукы бар. Канун белорус, литва, кашуб һәм алман телләренә карый.
- ↑ В Варшаве состоялась инаугурация нового президента Польши Анджея Дуды
- ↑ Census.gov. Country Rank. Countries and Areas Ranked by Population: 2013. U.S. Department of Commerce (2013). 9 май 2013 көнне тикшерелгән. 9 май 2013 көнне төп чыганагыннан архивланган.
- ↑ Население на 3 квартал 2012"
- ↑ Główny Urząd Statystyczny. Ludność. Stan i struktura ludności oraz ruch naturalny w przekroju terytorialnym w 2014 r. Stanu w dniu 30 VI 2014 r [1]
- ↑ 6,0 6,1 6,2 6,3 Международный Банк, World DataBank: World Development Indicators, версия от 27 ноября 2013 года
- ↑ Human Development Report 2013(үле сылтама — тарих). United Nations. 14 март 2013 көнне тикшерелгән.
- ↑ Карагыз: Słownik Ojczyzny Polszczyzny, Wrocław 2002, или
- ↑ http://el-tolstyh.livejournal.com/174276.html
- ↑ Ludność w gminach. Stan w dniu 31 marca 2011 r. - wyniki spisu ludności i mieszkań 2011 r.
- ↑ Азаттык.орг сайтында
- ↑ https://www.cia.gov/library/publications/the-world-factbook/fields/2050.html#pl
- ↑ https://www.cia.gov/library/publications/the-world-factbook/fields/2061.html#pl
Бу мәкаләнең сыйфатын арттырыр өчен түбәндәгеләрне эшләргә кирәк?:
|
Викиҗыентыкта? Poland |
|
|
---|---|
Австрия • Азәрбайҗан • Албания • Алмания • Андорра • Әрмәнстан • Беларусия • Бельгия • Болгария • Босния һәм Герцеговина • Бөекбритания • Ватикан • Маҗарстан • Греция • Гөрҗистан • Дания • Ирландия • Исландия • Испания • Италия • Казакъстан • Кипр • Латвия • Литва • Лихтенштейн • Люксембург • Македония • Мальта • Молдавия • Монако • Монтенегро • Нидерландлар • Норвегия • Польша • Португалия • Румыния • Русия • Сан-Марино • Сербия • Словакия • Словения • Төркия • Украина • Финляндия • Франция • Хорватия • Чехия • Швейцария • Швеция • Эстония
Өлешчә танылган дәүләтләр: Косово Танылмаган дәүләтләр: Днестр буе • Донецк Халык Җөмһүрияте • Луганск Халык Җөмһүрияте Буйсынган территориялар: Акротири һәм Декелия • Аланд утраулары • Гернси • Гибралтар • Җерси • Мэн утравы • Фарер утраулары • Шпицберген • Ян-Майен |
|
---|
Австрия • Алмания • Бельгия • Болгария • Бөекбритания • Венгрия • Греция • Дания • Ирландия • Испания • Италия • Кипр • Латвия • Литва • Люксембург • Мальта • Нидерландлар • Польша • Португалия • Румыния • Словакия • Словения • Финляндия • Франция • Чехия • Швеция • Эстония Керүгә кандидатлар: Албания • Исландия • Македония • Төркия • Хорватия • Черногория |
|
|
---|---|
Албания | Алмания |Бельгия | Болгария | Бөек Британия | Венгрия | Греция | Дания | Исландия | Испания | Италия | Канада | Латвия | Литва | Люксембург | Нидерландлар | Норвегия | Польша | Португалия | Румыния | Словакия | Словения | АКШ | Төркия | Франция | Хорватия | Чехия | Эстония |