Oto Greziakoa
Oto Greziakoa | |
|
|
---|---|
1832 – 1862 | |
Aurrekoa | Augustinos Kapodistrias (gob.) |
Ondorengoa | Jurgi I.a Greziakoa |
|
|
Jaiotza | 1815eko ekainaren 1a Salzburgo, Bavariako Erresuma |
Heriotza | 1867ko uztailaren 26a Bamberg, Bavariako Erresuma |
Ezkontidea | Amalia Oldemburgokoa |
Oto Greziakoa (grezieraz: Όθων A'; Salzburgo, 1815eko ekainaren 1a - Bamberg, 1867ko uztailaren 26a) Greziako erregea izan zen. Luis I.a Bavariakoaren semea zen. 1832an Londresen egin zen bilkurak Greziako errege izendatu zuen. Herriak gaitzetsi zuen absolutista zelako eta aholkulariak bavariarrak zituelako; herria matxinatu zen eta erregeak konstituzioa onartu behar izan zuen (1844). Ordea, konstituziotik sortutako parlamentua ez zen arazoak konpontzeko gauza izan: Grezia babespean zuten nazioek etengabe esku hartzen zuten Grezian, erregea bera ez zen nazio higikundearen gidari izateko gauza eta gainera amore eman zien Joniar uharteak mendean hartuak zituzten eta Kretako matxinadak zapaldu zituzten ingelesei; horrek guztiak beste matxinada bat piztu zuen eta 1862an Oto I.ak aginpidea utzi behar izan zuen.
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2014-5-17 egunean. Egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
Wikimedia Commonsen badira fitxategi gehiago, gai hau dutenak: Oto Greziakoa |