9 Augustus

Hoeksteenlegging van die Leunende Toring van Pisa.

9 Augustus is die 221ste dag van die jaar in die Gregoriaanse kalender (222ste in skrikkeljare). Daar volg nog 144 dae in die res van die jaar.

Gebeure

• 378 – 'n Groot Romeinse leër onder leiding van Keiser Valens word deur die Wes-Gote in die Slag van Adrianopel vernietig.
• 1173 – Die hoeksteen van die Leunende Toring van Pisa word gelê.
• 1378 – Die Franse kardinale publiseer hulle griewe teen Pous Urbanus VI.
• 1471 – Pous Sixtus IV volg Pous Paulus II op as pous van die Rooms-Katolieke Kerk.
• 1520 – Pous Leo X stel Eberhard von der Mark, biskop van Chartres, aan as kardinaal.
• 1644 – Die konklaaf na die dood van Pous Urbanus VIII begin. Dit duur tot 15 September 1644.
• 1802 – Pous Pius VII stel Domenico Pignatelli di Belmonte, Theat., aartsbiskop van Palermo aan as kardinaal.
• 1902 – Edward VII, word gekroon as die koning van Groot Brittanje.
• 1945 – Tweede Wêreldoorlog: Tweede Amerikaanse kernwapen (Fat Man) ontplof bo die Japannese stad Nagasaki.
• 1965 – Singapoer word van Maleisië onafhanklik.
• 1969 – Die aktrise Sharon Tate word saam met vier ander slagoffers van ritualistiese moorde deur aanhangers van die Charles-Manson-Sekte in haar Los Angeles huis aangetref.
• 1974 – Gerald Ford volg Richard Nixon op as President van die VSA na sy bedanking as gevolg van sy rol in die Watergateskandaal.

Geboortes

• 1883 – Charles Wynand Malan, Suid-Afrikaanse politikus († 1933).
• 1896 – Jean Piaget, Switserse sielkundige († 1980).
• 1922 – Sheila Cussons, Suid-Afrikaanse digter en skilder († 2004).
• 1931 – Darius Dhlomo, Suid-Afrikaanse sokkerspeler, akteur, bokser, musikant en politiese aktivis († 2015).
• 1963 – Whitney Houston, Amerikaanse sangeres († 2012).

Sterftes

• 117 – Trajanus, keiser van die Romeinse Ryk (* 53).
• 1048 – Pous Damasus II, die 151ste pous van die Rooms-Katolieke Kerk (* onbekend).
• 1878 – Anna Scheepers, Afrikanerpioniersvrou (* 1806).
• 1883 – Robert Moffat, 'n Suid-Afrikaanse sendeling van Skotse herkoms (* 1795).
• 1966 – Antanas Žmuidzinavičius, Litause landskapskilder (* 1876)
• 1975 – Dmitri Sjostakovitsj, Russiese komponis (* 1906).

Vakansies, vierings, en waarnemingsdae

• Nasionale Dag in Singapoer (1965).
• Nasionale Vrouedag in Suid-Afrika, 'n openbare vakansiedag.