Madagascar

Repoblikan'i Madagasikara République de Madagascar
Motto Tanindrazana, Fahafahana, Fandrosoana  (malgache) Patrie, liberté, progrès  (francese) "Patria, Libertate, Progresso"
Hymno Ry Tanindrazanay malala ô! O, Nostre Patria Amate
Capital (e le major)		Antananarivo 18°55′S 47°31′E
Linguas official		malgache, francese¹
Demonymo		malgache
Governamento		Governamento de transition
-	Presidente del Alte Autoritate Transitional	Hery Rajaonarimampianina
-	Prime Ministro	Jean Ravelonarivo
Independentia		ex Francia
-	Data	26 de junio 1960
Area
-	Total	587 041 km² (45e) 226 658 mi.²
-	Aqua (%)	0.13%
Population
-	Estimation de 2009	20 653 556 (55e)
-	Censo de 1993	12 238 914
-	Densitate	35,2/km² (174e) 91,2/sq mi
PIB (PPA)		Estimation de 2010
-	Total	$19 285 million
-	Per capita	$905
PIB (nominal)		Estimation de 2010
-	Total	$8 382 million
-	Per capita	$393
Gini? (2001)		47,5 (alte)
IDH (2007)		0,543 (medie) (145e)
Numerario		ariary (MGA)
Fuso horari		EAT (UTC+3)
-	Estate (DST)	non observate (UTC+3)
Dominio de Internet		.mg
Codice telephonic		+261
¹ Linguas official languages depois le 27 de april 2007.

Madagascar es un magne insula e republica independente in le Oceano Indian, separate del continente african per le Canal de Mozambique. Su vicinos de ultramar include le Comores, Mauritio e le Reunion.

Parco National Isalo.

Le lingua practicate per le population autochtone, le malgache, es de origine austronesian. Le ancestres del malgaches habeva arrivate in Madagascar approximativemente inter le annos 200 e 500 de nostre era, probabilemente ex Borneo o Sulawesi. Populos bantu arrivava postea, e le insula esseva anque frequentate per nautas arabe a partir del seculo 7. Le commercio passava per Madagascar inter Africa e le Route del Seta. Gratias a iste ricchesa commercial, plure forte regnos malgache nasceva. Verso 1824, le regno merina habeva conquerite quasi tote le insula, constituente un Regno de Madagascar que durava usque un invasion colonial francese in 1895. Governate per le regime de Vichy, Madagascar esseva liberate per le Britannos in 1942 e rendite al Francia Libere. A un violente rebellion anticolonial in 1947 succedeva reformas constitutional in 1956 e un transition pacific verso independentia in 1960. Le historia politic del Madagascar independente ha essite in general pauc stabile. Post le resignation fortiate del presidente Marc Ravalomanana e le auto-proclamation de Andry Rajoelina como «presidente del transition» in 2009, le Union African ha suspense le membratura de Madagascar; le Union Europee non ha recognite le nove governamento. Durante un referendum concernente le introduction de un nove constitution, un gruppo de alte officieros ha tentate un colpe de stato le 17 de novembre 2010; iste tentativo esseva reprimite e le referendum esseva approbate.

Plantation de ris.

Plus grande que Francia, Madagascar es quarte insula le plus grande del mundo. Le interior es multo montaniose. Le longa del costa del est il ha silva humide, durante que le plateaux descendente verso le west es plus tosto aride. Le economia malgache resta largement agrari; ris es un producto alimentari essential, ma vanilla es un producto a exportar particularmente importante. Altere productos significante include caffe, canna de sucro, clavos, cacao, cassava, arachides, bananas, faves e bestial. Paupertate, mal sanitate, e analphabetismo son grande problemas.

Un indri (Indri indri), un specie de lemur endemic al insula e un animal multo importante in mythologia malgache.

Il ha un proportion multo importante de endemismo inter le fauna e flora de Madagascar. Le infraordine de lemures, le fossa (Cryptoprocta ferox), tres familias aviar e sex species de baobabes son notabile habitantes endemic del insula.

Antananarivo, le capital economic e politic del pais.

Verso le medietate del population practica religion traditional, in qual veneration de ancestres es de prime placia. Un ceremonia importante es le famadihana, quando populationes merina e betsileo exhuma lor relativos defuncte, dansa con lor restos, e los reinhuma in nove drappos. Iste ceremonia es anque practicate per christianos, qui constitue vero 45% del population. Circa 12% del population es de confession musulman.

Rugby a 15 es le sport le plus popular in Madagascar. In ration del paupertate del pais, il ha nulle competition professional, ma matches amateur al nivello national pote attraher usque 30 000 spectatores e es ben commentate in le medias. Football es anque un sport popular.