BBC Pashto کورپاڼه

د جبل السراج د سیمټو د تولید فابریکې له ۲۰ کلونو څنډ وروسته بیا خپل فعالیت پیل کړ. د دغې کارخونې بیا رغونه چې د جګړو پرمهال ورانه شوې وه، د افغانستان د کانونو وزارت په بودیجه کې د ۷۰ میلیونو افغانیو په ارزښت جوړه شوه.

د پاکستان لومړي وزیر نواز شریف له پاناما نه په ډاګیزه شویو اسنادو کې دده د زامنو او لور د نومونو له خپرېدو وروسته ددې موضوع د څېړنې لپاره د یوه قضايي کمیسیون د جوړولو امر کړی. ده ویلي، ددغه کمیسیون مشري به یو تقاعد شوی قاضي کوي.

په لیبیا کې له دوو سیالو حکومتونو له ډلې یوه یې اعلان کړی چې د ملګرو ملتونو په ملاتړ رامنځ ته شوي یوه نوي حکومت ته واک سپاري. په ۲۰۱۱ کال د معمر القذافي له لیرې کېدا وروسته لیبیا کې ګډوډي روانه ده.

د لوبې پچه یا ټاس ویست انډیز وګاټه او لومړی یې خپلې سیالې لوبډلې ته د منډو جوړولو بلنه ورکړه. انګلستان په ټاکلو شلو اوورنو کې ۱۵۵ منډې جوړې کړې.

د افغانستان د عامې روغتیا وزارت وايي، د روغتیايي خدمتونو په ډېرېدو سره افغانستان د هغو ۲۲ هېوادونو له لیسته ووت، چې د نري رنځ ناروغي پکې ډېره ده. یاد وزارت وايي، د نري رنځ ۹۷ سلنه افغان ناروغان روغتیایي مرکزونو ته لاسرسی لري.

د تېلو بيې له هغه وروسته يو ځل بيا رالوېدلې دي کله چې د سعودي دويم وليعهد محمد بن سلمان وويل په هغه صورت کې به د تيلو توليد دروي کله چې د تېلو ټول توليدوونکي هېوادونه دغه ګام واخلي.

هر هغه څه چې د دوو شیانو او یا هم چاپیریالونو ترمنځ د تعامل لامل شي قوه یادېږي، په فزیک کې څلور ډوله قوې پېژندل شوې دي چې د ځواکمنو، ضعیفو، الکترومقناطیسي او جاذبه قوو په نومونو یادېږي.

ریاض سعودي عربستان ته د ایراني هوایي شرکت ماهان الوتنې منع کړي دي. ددې پرېکړې له مخې، د ماهان الوتکې د عربستان په هوایي ډګرونو کې د ناستې او یا هم ددې هېواد له آسمان څخه د تېرېدو اجازه نه لري.