Etiopia
| Etiopia | |||||||||
|---|---|---|---|---|---|---|---|---|---|
|
|||||||||
|
|
|||||||||
| Informasion | |||||||||
| Nome par intiero: | Republica Federale Democratica Etiope | ||||||||
| Nome ufisiałe: | Ityop'iya Federalawi Demokrasiyawi Ripeblik | ||||||||
| Łéngoa uficiałe: | Amarico², Tigrino | ||||||||
| Cavedal: | Addis Abeba (3 400 000 ab. / 2006) | ||||||||
| Polìtega | |||||||||
| Governo: | Repubblica Federale | ||||||||
| Capo de stato: | Girma Woldegiorgis | ||||||||
| Capo de governo: | Meles Zenawi | ||||||||
| Indipendensa: | Da l'Italia formalmente el 27 novembre 1941 (Caduta de Gondar). | ||||||||
| Ingreso a l'ONU: | 13 novembre 1945 1 | ||||||||
| Area | |||||||||
| Totale: | 1 127 127 km² | ||||||||
| Pos. nel mondo: | 27° | ||||||||
| % delle acque: | 0,7 % | ||||||||
| Popolasion | |||||||||
| Totałe: | 67 851 281 ab. (2004) | ||||||||
| Pos. nel mondo: | 16° | ||||||||
| Densità: | 60 ab./km² | ||||||||
| Giografia | |||||||||
| Continente: | Africa | ||||||||
| Fuxo oràrio: | UTC +3 | ||||||||
| Economia | |||||||||
| Vałuta: | birr etiope | ||||||||
| Varie | |||||||||
| TLD: | .et | ||||||||
| Prefiso tełef.: | +251 | ||||||||
| Sigla autom.: | xx | ||||||||
| Ino nasionałe: | Whedefit Gesgeshi Woude Henate Ethiopia | ||||||||
| Festa nasionałe: | 5 majo | ||||||||
|
|
|||||||||
| 1Xe on de i 51 Stati che gha dá vita all’ONU nel 1945. | |||||||||
L'Etiopia, ufisialmente Republica Democratica Federale de l'Etiopia la xe no Stato de l'Africa Oriental, int'el Corno d’Africa.
La confina co l’Eritrea a nord, Gibuti a nordest, la Somalia a est, el Kenya a sud, el Sud Sudan a ovest e el Sudan a nordovest.
Indice
Giografia[canbia | canbia el còdexe]
 |
Par saverghene de pì, varda ła pajina Giografia de l'Etiopia. |
La ga 'na superfisie de 1 127 127 km².
Le montagne e i altopiani xe tajá da la Rift Valley.
El lago Tana, ne l’acrocoro Amara, da vita al Nilo Azzurro.
Da i laghi del sud partono l’Omo, che se buta nel lago Turkana, e altri fiumi.
En Etiopia se cata paesagi diversi.
A sud se cata zone desertiche e savane.
Storia[canbia | canbia el còdexe]
|
Par saverghene de pì, varda ła pajina Storia de l'Etiopia. |
Antighità[canbia | canbia el còdexe]
I pi veci ricatamenti de l’esere umano se cata ne la region de l’Afar, en Etiopia.
Lo scheletro de Lucy, considerá el pi vecio reperto umano fin ora trová, se pol vedar al museo nasional de Addis Abeba.
Za en tempi preistorici, l’Etiopia gavea de i regni importanti. La Bibia la parla de l’Etiopia, testi scriti in geez, la vecia lengoa de l’Etiopia, parla de i habash che abitava la zona. Da habsh vien el nome "Abissinia".
La majoria de la zente che vive en Etiopia desende da etnie locali che le sa misciá co popoli semitici che vegnea da la penisola arabica intorno al 1000 a.C.
Nel 300 a.C. circa ghe i primi segni de el regno de Aksum. El regno xera al centro de trafici tra el Mediteraneo, la val del Nilo e l’Oceano Indiano. El guadagno de sti trafici gha parmeso lo svilupo de una cultura complesa e, caso unico en Africa, de lo svilupo de la leteratura scrita.
Nel 330 d.C. sirca, el cristianesimo xe rivá co do misionari siriani, Frumentius e on so compagno. La zente se convertì al cristianesimo.
El regno de Aksum andò vanti fin al VI secolo de la nostra era, quando le invasioni arabe gha tajá fora l’altipian da le carovane de marcanti. I re cristiani fù boni de mantegnar el control de i altipiani, ma i gha dovesto speso combatar co i musulmani.
En tel 1270, dopo na grave crisi politica, la cexa gha iutá la casa reale a tornar en control de el paexe. En cambio, el re gha dato a la cexa tuta la tera che la volea[1].
Modernità[canbia | canbia el còdexe]
La fin del XIX secolo gha visto la spartision de l’Africa tra le potense eoropee. Co l’apertura del canal de Suez, la zona del Corno d’Africa xe diventá importante.
Nel 1870 na compagnia italiana gha comprá el porto de Assab da on sultan locale. Dal porto de Assab le partìa la conquista de l’Eritrea. L’espansion italiana gha portá al conflito co l’Etiopia. La bataglia finale xe stá a Adua nel 1896, quando el negus Menelik II gha fermá i italiani e salvá l’indipendenza.
L’Italia ataca l’Etiopia el 3 otobre 1935 e i entra ne la cavedal el 5 magio 1936. L’ocupasion dura fin al 1941.
Indipendensa[canbia | canbia el còdexe]
Int'el 1941 i inglexi i catura Adis Abeba e restituise el trono a Haile Selasie.
En tel 1974, el paexe xera a tera par la sicitá. Mentre che el negus fasea feste par i so sostenitori, la gente la morea de fame.
L’esrcito gha fato on colpo de stato e Haile Mariam Menghistu sa tolto el poder.
N’altra carestia (1984-1985) gha portá a la morte oto milioni de persone.
La guera civile contro Menghistu e la guera par l’indipendenza de l’Eritrea gha sugá le case de lo Stato. Menghisto gha dovù scapare nel 1991. L’Eritrea l’è diventá indipendente e i ribeli gha meso al poder Meles Zenawi.
Le prime elesioni multipartitiche le se tegnù nel 1994.
Dopo qualche ano de pace tra Eritrea e Etiopia, na guera de confin l’è sciopá en tel 1998.
L’Etiopia gha acetá el cesate el fogo quando la xera rentro a l’Eritrea nel 2000.
I soldai etiopici xe torná sul confin mentre che i soldai de l’ONU gha ocupá na strisia de tera de 20 km par tuta la lungheza del confin. L’Etiopia sa rifiutá de acetar el risultato de na comision internasional che gha studiá i confini e la se pol parmetar de tegnar la tension a on minimo, mentre che l’Eritrea no gha bastanti soldai e schei par tegnar bota.
Dopo le lesioni del 2005, co l’oposision che gavea la majoria in tanti segi, el governo xe intervegnù par mantegnar el control del paexe.
Da alora, el parlamento gha na majoria governativa, ma i centri urbani xe governá da persone filo-governative imposte da Zenawi.
Giografia politega[canbia | canbia el còdexe]
Divixion aministrativa[canbia | canbia el còdexe]
La Etiopia la xe divixa in 9 rejon o riserve (kililoch) e 2 sità autonome (akababiwoch).
|
 |
Cavedal e altre sità[canbia | canbia el còdexe]
La cavedal xe Addis Abeba.
Popolasion[canbia | canbia el còdexe]
Etnie[canbia | canbia el còdexe]
I grupi etnici pi importanti xe: oromo 40%, amhara 32%, tigrini 7%, sidamo 9%, shankella 6%, somali 6%, afar 4%, gurage 2%, altri 1%.
Religione[canbia | canbia el còdexe]
La Cexa Ortodosa Tewahedo, originaria de l’Etiopia, xe seguia da al 51% de la popolasion.
I musulmani xe el 32%; le sete cristiane de vario genere el 10%; i catoleghi xe l’1%; e el resto segue le religioni tradisionali.
Lengoe[canbia | canbia el còdexe]
Le lengoe pi parlá xe: oromigna, amarico, somali, tigrino (o tigrigno), sidamo, guragigna, e altre lingue locali.
L’inglexe xe parlà da i pi xoveni e l’italiano xe parlá da i pi veci.
Sosietà[canbia | canbia el còdexe]
La produsion alimentare locale xe suficente par sostener la popolasion, però el paexe resta en pericolo de carestia.
La majoria de la zente segue na dieta monotona par motivi religiosi. Quando ghe na sicitá xe dificile ofrire cibo difarente.
Economia[canbia | canbia el còdexe]
A majoria de la zente vive soto el livel de povertá.
L’Etiopia xe un paexe agricolo.
L’industria la se cata sopratuto rente a la cavedal.
El turismo no l’è ancora en grado de ofrir entrate sicure.
Etimologia[canbia | canbia el còdexe]
El nome de ancò vien dal greco aithiopia, el "paese da le face brusá", nome che i re etiopici usava par el loro regno dal IV secolo d.C..
Curiositá[canbia | canbia el còdexe]
L’Etiopia xe considerá la pi vecia nasion africana.
Se se esclude la curta ocupasion italiana (1936-1941) l’Etiopia xe la sola nasion africana che no gha subì la colonizasion.
Na legenda la vol che la regina de Saba, on regno de i altipiani, saria andá a catar el re Salomone a Gerusaleme. Dopo verghe fato a l’amor col re, la regina gha dato luce a on fiol, che se ciamaa Menelik.
Menelik sarea stá el primo imperatore de Etiopia e tute le dinastie che lo gha seguí dovea dimostrare de esare disendenti de Menelik par poder regnare.
La veritá xe che el re Menelik storicamente conosù no gha niente a che fare co Salomone e la regina de Saba.
Note[canbia | canbia el còdexe]
- ↑ El sistema de feudalesimo, co pochi propietari che controlaa la tera agricola, xe andá vanti fin al 1974.
.svg){kind=small}
