Xunión Africana

De Wikipedia
Saltar a: navegación, buscar
Mapa colos miembros de la Xunión Africana (en verde claro los países suspendíos).

La Xunión Africana (XA), ye la organización supranacional del ámbitu africanu dedicada a xorrecer la integración económica y política y a encontar la cooperación ente los sos estaos miembros. La XA ñació en marzu de 2001, data en que se robló'l pautu de Syrte na ciudá homónima de Libia reemplazando a la Organización pa la Xunidá Africana. La XA ta inspirada na Xunión Europea.

Marruecos ye l'únicu país del continente que se caltién fuera de la XA, dada la reconocencia por parte del bloque de la independencia de l'antigua colonia española de Sáhara Occidental, a la qu'esti país árabe vindica como parte del so territoriu.

La xunta añal de la XA decidió en xunetu de 2004 que los idiomes oficiales d'esti bloque de 53 países sedríen l'árabe, hausa, el francés, l'inglés, el suaḥili y el portugués.

Fundación de la XA[editar | editar la fonte]

La Xunión Africana ye l'heriede de dellos intentos previos de xunir políticamente al continente, como la Xunión d'Estaos Africanos creada por Kwame Nkrumah, la Organización pa la Xunidá Africana (OXA) de 1963, o la Comunidá Económica Africana fundada en 1981.

La idea de crear la XA foi rellanzada por dellos xefes d'estáu y de gobiernu na declaración de Sirte, el 9 de setiembre de 1999. A dicha declaración siguiéron-y una riestra de xuntes en Lomé (2000) u se redautó l'acta constitutiva de la XA; y en Lusaka (2001) u s'aprobó'l plan pa la instauración de la Xunión.

Nel acta constitutiva facíase un llamamientu a la diáspora africana a implicase activamente nel desendolcu de la Xunión.

La Xunión Africana foi inaugurada formalmente en Durban el 9 de xunetu de 2002 pol so primer presidente, el sudafricanu Thabo Mbeki.

A dellos críticos esmoleció-yos la poca implicación de la XA a la hora de protexer los drechos de los sos ciudadanos frente a los sos propios dirixentes, polo que n'ocasiones refiriéronse a la organización como Club pa Dictadores.

Organización de la XA[editar | editar la fonte]

Los muérganos cimeros son:

  • Asamblea
  • Comité Executivu
  • Comisión
  • Comité de representantes permanentes
  • Conseyu de Paz y Seguridá
  • Parllamentu Panafricanu
  • Conseyu Económicu y Social
  • Corte de Xusticia
  • Comites téunicos especializaos
  • Instituciones financieres

Parllamentu Panafricanu[editar | editar la fonte]

La nauguración del parllamentu panafricanu, con sé en Johannesburgu, foi'l 16 de setiembre de 2004.

Nos sos primeros cinco años d'esistencia, el Parllamentu Panafricanu, integráu fasta agora por 265 integrantes de 46 países de la XA, sedrá un muérganu consultivu y asesor. Pero en 2009, asumirá la función d'aprobar lleis.

Estaos miembros[editar | editar la fonte]


Xunión Africana (XA)
Angola | Arxelia | Benín | Botswana | Burkina Faso | Cabu Verde | Camerún | República Centroafricana | Chad | Comores | República d'El Congo | República Democrática d'El Congo | Costa de Marfil | Djibouti | Eritrea | Etiopía | Exiptu | Gabón | Gambia | Ghana | Guinea | Guinea-Bissau | Guinea Ecuatorial | Kenya | Lesotho | Liberia | Libia | Madagascar | Malawi | Mali | Mauriciu | Mauritania | Mozambique | Namibia | Níxer | Nixeria | Rwanda | Sáhara Occidental | São Tomé y Príncipe | Senegal | Islles Seychelles | Sierra Leone | Somalia | Sudáfrica | Sudán | Sudán del Sur | Swazilandia | Tanzania | Togo | Túnez | Uganda | Zambia | Zimbabwe

Ver tamién[editar | editar la fonte]

Enllaces esternos[editar | editar la fonte]