Andorra

De Wikipedia
Saltar a: navegación, buscar
Principat d'Andorra
Bandera d'Principáu d'Andorra Escudu d'Principáu d'Andorra
Bandera d'Principáu d'Andorra Escudu d'Principáu d'Andorra
Lema nacional: Virtus Unita Fortior
(Llatín:
«La xunión fae la fuerza»)
Himnu nacional: El Gran Carlemany
Situación d'Principáu d'Andorra
Capital
 • Población
 • Coordenaes
Andorra la Vella
23.505 (2010)
42°30′ N 1°28′ E
Ciudá más poblada Andorra la Vella
Llingües oficiales Catalán¹
Llingües reconocíes {{{idiomes_reconocíos}}}
Forma de gobiernu Principáu parllamentariu
Joan Enric Vives Sicília²
François Hollande³
Jaume Bartumeu Cassany
Independencia
 • Fecha
 
1278
Superficie
 • Total
 • % agua
Llendes
Costes
Puestu 176º
467,76 km²
Despreciable
125 km
nun tien
Población
 • Total
 • Densidá
Puestu 184º
85.015 (2010). 32.962 tienen reconocida la nacionalidá andorrana
173,6 hab/km²
PIB (PPA)
 • Total (2010)
 • PIB per capita
Puestu 177º
US$ 3.743 millones
US$ 43.770
Moneda Euro (€ EUR
Xentiliciu andorranu, -a, -o
Zona horaria
 • en Branu
CET (UTC+1)
CEST (UTC+2)
Dominiu d'Internet .ad
Códigu telefónicu +376
Prefixu radiófonicu C3A-C3Z
Códigu ISO 020 / AND / AD
Miembru de: ONU, OSCE
Sitiu web del Gobiernu:
{{{web_gobiernu}}}
¹Tamién se falen español y francés.
²Obispu de la Seu d'Urgell.
³Presidente de Francia.
³Enantes de 1999, el francu francés y la peseta española. Dempués de 1982 emitió a veces la so propia moneda, el diner.

Andorra[1] (oficialmente Principat d'Andorra) ye un país européu asitiáu nos Pirineos, con llendes con Francia y España (en Cataluña). Nun tien Fuercies Armaes, siendo la so defensa responsabilidá de los países vecinos.

Historia[editar | editar la fonte]

La primer vegada na historia qu'apaez el nome d'Andorra, alcontrámoslu nun documentu de cesión del emperador Carlos el Calvu, (añu 843), nel que-y dexa en poder al Conde d'Urgell Sunifredo el valle d'Andorra, allugáu na comarca d'Urgell. El dominiu de los obispos d'Urgell enántase progresivamente nos sieglos X y XI pelos valles d'Andorra, y van convirtiéndolos, a partir del sieglu XII nuna señoría episcopal.

Nel sieglu XII, entama un periodu de lluches y griesques ente los obispos d'Urgell y los condes de Foix pola soberanía d'Andorra, que fina cola robla de dos pautos socesivos denomaos Pariatges

El primer Pariatge foi robláu en 1278 por Pere d'Urtx, obispu d'Urgell y Roger Bernat III, conde de Foix y vizconde de Castellbò. El segundu roblóse diez más sero, en 1288, tamién por Pere d'Urtx y Roger Bernat III.

Los pariatges son unos de los documentos fundamentales na historia d'Andorra porque afiten la coseñoría indixebrable ente l'obispu d'Urgell y el conde de Foix. Tamién fixen los tributos a pagar polos andorranos como la "quèstia", tresnen la xusticia per duana de los batlles (xueces) y nomen a los vegueres y notarios. Son instituciones qu'entá agora sobreviven, reformaes, nel Principáu.

El día 14 de marzu de 1993, el pueblu andorranu aprobó por amplia mayoría la primera Constitución d'Andorra, que consagra'l país como un coprincipáu parllamentariu, un estáu de drechu, democráticu y social.

Organización político-alministrativa[editar | editar la fonte]

Andorra ta dividida en siete parroquies:

Les parroquies d'Ordino, La Massana y Sant Julià de Lòria tán dividíes en quarts y la de Canillo en veïnats.

Xeografía[editar | editar la fonte]

Andorra mapa.png

La superficie d'Andorra, encaxada na Península Ibérica, ye de 468 km². Ye un país montañosu cuntando con 65 picos de más de 2.500 m d'altor sobro'l nivel del mar. El monte más altu ye'l picu de Comapedrosa con 2.942 m d'altor, que ta allugáu na cordolera de los Pirineos, fincáu ente la llende hispano-francesa. Ye una rexón de picos arispios y valles enforma estrenchos au cuerren numberosos regatos d'agua que se xunen pa ensamar los ríos principales. Hai descomanaes estensiones de viesques de pinos y abedurios darréu del clima mediterraneu d'alta montaña del que gocia'l Principáu.

Clima[editar | editar la fonte]

Andorra cunta con un clima mediterraneu d'alta montaña nel que les temperatures n'iviernu son cuties y en branu son dondes. Hai variaciones nel clima según l'altitú y l'orientación. El Principáu tien un porcentax mui altu de díes soleyeros y el clima ye seco. La media de les mínimes añales ye de – 2°C y la de les másimes ye de 24°C. Al atapecer ye cuando hai más precipitaciones sacantes n'iviernu que son, sobro too, de ñeve.

Relieve[editar | editar la fonte]

El país carauterízase poles sos cumes de materiales paleozoicos, que s'irguen per enriba de los 2.600 m y finen a 2.942 m cerca del Pla de l'Estany na llende hispano-francesa. L'actividá humano céntrase nel valle tresversal noreste-suroeste, que dende'l Puertu d'Envalira (2.407 m) amiya hasta los 840 m, cuando'l ríu Valira entra n'España.

Vexetación[editar | editar la fonte]

Les viesques ocupen les 2/5 partes del territoriu, según tres estayes altitudinales; hasta los 1.200 m, algueres y carbayos, hasta los 1.600-1.700 m predomina'l pinu montés y hasta los 2.200-2.300 m abonda'l pinu prietu, sustituyíu nes cumes polos praos alpinos.

Nacionalidaes y evolución demográfica[editar | editar la fonte]

Evolución demográfica de Andorra[2]
Año Pob. total Pob. de nacionalidá andorrana % pob. nacionalidá andorrana
1981 34.427 6.906 20,1%
1981 41.998 7.952 18,9%
1991 52.792 10.395 19,7%
1996 57.167 13.019 22,8%
2001 66.334 24.654 37,2%
2006 81.222 29.535 36,4%

Según el censu de 2006, el 36,4% de la población del país (29.535 habitantes) ye de nacionalidá andorrana, el 34,0% (27.648 hab.) ye de nacionalidá española, el 15,7% (12.789 hab.) ye de nacionalidá portuguesa, el 6,3% (5.104 hab.) ye de nacionalidá francesa, y el 7,8% restante (6.156 hab.) ye d'otres nacionalidaes[3].

Política y gobiernu[4][editar | editar la fonte]

Organización política[editar | editar la fonte]

Na Edá Media el territoriu qu'anguaño ye Andorra yera disputáu pol obispáu d'Urgell y los condes de Foix. Nel 1278 roblóse un alcuerdu pol que s'establecía la cosoberanía del conde de Foix (que los sos drechos tienlos anguaño'l presidente de Francia) y l'obispu d'Urgell. Los titulares de los dos cargos son nominalmente, y col títulu de copríncipes, los xefes d'Estáu d'esti país pirenaicu. Andorra, sicasí, ye un país independiente que, tres entamar un procesu de reforma constitucional en 1981, aprobó en referéndum el 14 de marzu de 1993 la constitución democrática actualmente vixente. Nella reconócense la soberanía popular, el drechu d'asociación y el de creación de partíos políticos. El poder executivu ye'l gobiernu (Govern), formáu por un xefe de gobiernu (cap de govern), elixíu pol Consell General (Conseyu Xeneral), y los sos ministros. El citáu Consell General ye'l muérganu llexislativu; ye un parllamentu unicameral, formáu por 28 miembros elixíos pa cuatro años y presidíu pol síndicu y el subsíndicu xenerales (síndic general y subsíndic general). El poder xudicial ta representáu pol Conseyu Superior de la Xusticia, y el poder municipal exércenlu los comunes, muérganos de representación y alministración de les parroquies andorranes, d'estructura y atribuciones asemeyadas a les de los conceyos españoles.

Gobiernu[editar | editar la fonte]

Los copríncipes, xefes del estáu andorranu, son Joan Enric Vives i Sicilia, obispu d'Urgell, y el presidente francés François Hollande. El xefe de gobiernu ye Antoni Martí Petit, y los cabezaleros del Conseyu Xeneral son el síndicu Vicenç Mateu Zamora y la subsíndica Mònica Bonell Tuset. Los miembros del gabinete ministerial son:

  • Finances y Función Pública: Jordi Cinca Mateos.
  • Economía y Territoriu: Jordi Alcobé Font.
  • Asuntos Esteriores: Gilbert Saboya Sunyé.
  • Xusticia y Interior: Marc Vila Amigó.
  • Salú y Bienestar: Cristina Rodríguez Galán.
  • Educación y Mocedá: Roser Suñé Pascuet.
  • Turismu y Mediu Ambiente: Francesc Camp Torres.
  • Cultura: Albert Esteve García.

Partíos políticos y sindicatos[editar | editar la fonte]

Los partíos políticos más importantes, y los sos principales cabezaleros, son los que vienen darréu:

  • Partíu Lliberal d'Andorra (PLA). El so secretariu xeneral ye Josep Anton Bardina Pau.
  • Partíu Socialdemócrata (PS), que la so primer secretaria ye Judith Salazar.
  • Andorra pel Cambi (APC'09), presidíu por Eusebi Nomen.
  • Centru Democráticu Andorranu + Sieglu 21 (CDA), que'l so presidente ye Josep Maria Cosan.
  • Renovación Democrática (RD). El so presidente ye Ricard de Haro Jiménez.
  • Los Verdes d'Andorra, que la so principal cabezalera ye Isabel Lozano.

El sindicatu mayoritariu nel país ye la Unió Sindical d'Andorra, que tien como secretariu xeneral a Gabriel Ubach.

Llingües[editar | editar la fonte]

La llingua oficial ye'l catalán, llingua de vezu nel 43,8% de la población. El castellanu ye la segunda llingua más falada nel Principáu, con un 32,8% de la población que la tienen como llingua de vezu, mientres que'l portugués ye la llingua materna del 7,6% de la población y el francés pal 7,1%.

  Llingua materna Llingua de vezu
Catalán 31,4% 43,8%
Castellanu 35,9% 32,8%
Castellanu y catalán 1,5% 2,7%
Portugués 14,7% 7,6%
Francés 7,8% 7,1%
Otros 8,7% 6,0%
Fonte:Gobiernu d'Andorra. Encuesta d'usos llingüísticos n'Andorra - 2004


Enllaces esternos[editar | editar la fonte]


Países d'Europa
Albania | Alemaña | Andorra | Austria | Bielorrusia | Bélxica | Bosnia y Hercegovina | Bulgaria | República Checa | Croacia | Dinamarca | Eslovaquia | Eslovenia | España | Estonia | Finlandia | Francia | Grecia | Hungría | Irlanda | Islandia | Italia | Letonia | Liechtenstein | Lituania | Luxemburgu | República de Macedonia | Malta | Moldavia | Mónaco | Montenegro | Noruega | Países Baxos | Polonia | Portugal | Reinu Xuníu | Rumanía | Rusia | San Marino | Serbia | Suecia | Suiza | Turquía | Ucraína | Vaticanu | Xeorxa | Xipre

Dependencies: Akrotiri y Dhekelia | Gibraltar | Guernsey | Islles Feroe | Islla de Man | Jersey | Svalbard ya Islla Jan Mayen

Rexón autónoma: Islles Åland

Países con status discutíu: Abkhasia | Kosovo | Osetia del Sur | Transnistria

Referencies[editar | editar la fonte]

  1. Cartafueyos Normativos. Nomes de los países del mundu y de les sos capitales y xentilicios, Academia de la Llingua Asturiana, 2010; ISBN 987-84-8168-500-8
  2. Estadístiques de población d'Andorra. Ministeriu de Xusticia ya Interior d'Andorra
  3. Estadístiques de población d'Andorra. Ministeriu de Xusticia ya Interior d' Andorra
  4. Los datos recoyíos nesti apartáu tán sacaos del Anuario Iberoamericano 2012 del Real Instituto Elcano y l'Axencia Efe. Disponible en http://www.anuarioiberoamericano.es/