Eþíópía
የኢትዮጵያ ፈደራላዊ ዲሞክራሲያዊ ሪፐብሊክ Ityop'iya Federalawi Demokrasiyawi Ripeblik |
|
Fáni | Skjaldarmerki |
Þjóðsöngur: Whedefit Gesgeshi Woude Henate Ethiopia |
|
Höfuðborg | Addis Ababa |
Opinbert tungumál | amharíska |
Stjórnarfar | Sambandsríki Mulatu Teshome Wirtu Hailemariam Desalegn |
Stofnun ríkis | |
- Dʿmt | um 980 f.Kr. |
- Konungsríkið Aksúm | um 100 e.Kr. |
- Eþíópíska keisaradæmið | 1137 |
Flatarmál - Samtals - Vatn (%) |
27. sæti 1.104.300 km² 0,7 |
Mannfjöldi - Samtals (2014) - Þéttleiki byggðar |
14. sæti 96.633.458 87,5/km² |
VLF (KMJ) - Samtals - á mann |
áætl. 2012 109 millj. dala (69. sæti) 1.300 dalir (169. sæti) |
VÞL (2011) | 0.396 (173. sæti) |
Gjaldmiðill | birr (ETB) |
Tímabelti | UTC +3 |
Þjóðarlén | .et |
Landsnúmer | 251 |
Eþíópía eða Etíópía (amharíska: ኢትዮጵያ Ityop'iya) er landlukt land í Austur-Afríku við horn Afríku með landamæri að Erítreu og Djíbútí í norðri, Súdan og Suður-Súdan í vestri, Kenýa í suðri og Sómalíu í austri. Hluti Eþíópíu er háslétta með fjallgarði í miðið sem skiptist í tvennt við Sigdalinn mikla. Bláa Níl, meginkvísl Nílar rennur úr Tanavatni í norðvesturhluta landsins.
Eþíópía er næstfjölmennasta ríki Afríku með tæplega 96,6 milljón íbúa og með tíunda stærsta landsvæði álfunnar, yfir 1.104.300 km2. Höfuðborgin er Addis Ababa. Landið er fjölmennasta landlukta land í heimi.
Opinbert heiti landsins er Sambandslýðstjórnarlýðveldið Eþíópía (Ityop'iya Federalawi Demokrasiyawi Republik). Landið er sambandslýðveldi níu þjóðríkja. Í landinu eru meira en 70 mismunandi þjóðflokkar: orómóar telja 40%, amharar og tígrar 32%, sidamóar 9%, sjankellar 6%, sómalir 6%, afar 4%, gúragar 2%, og aðrir telja 1%. Íbúarnir eru mjög ólíkir innbyrðis. Orómóar, amharar og tígrar eru meira en þrír fjórðu landsmanna. Þar er töluð amharíska og ýmis staðbundin mál, eins og orómifa og tígrinja. Tæpur helmingur landsmanna eru múslimar, 35-40% tilheyra eþíópísku rétttrúnaðarkirkjunni, 12% aðhyllast hefðbundin trúarbrögð og 3-8% tilheyra öðrum trúflokkum.
Eþíópía á sér einna lengsta þekkta sögu allra Afríkulanda og er talin ein elsta þjóð í Afríku. Hún var eina ríkið sem hélt sjálfstæði sínu í slagnum um Afríku, allt þar til Ítalir réðust inn í landið 1936. Breskar og eþíópískar hersveitir sigruðu Ítali 1941 og Eþíópía fékk aftur sjálfstæði 1944.