Рѡсїꙗ

Рѡсі́искꙑи Съвѫ́ꙁъ Российская Федерация
ꙁнамѧ ꙁнакъ
дрьжавьно славопѣниѥ: ⁖ Государственный гимн Российской Федерации ⁖
стольнъ градъ	Москъва 55° 46' N 37° 40' E
дрьжавьнъ ѩꙁꙑкъ	роусьскъ ѩꙁꙑкъ
строѥниѥ	съвѫꙁьна димократїꙗ
- прѣдъсѣдатєл҄ь	Владимиръ Поутинъ
- правитєл҄ьства прѣдъсѣдатєл҄ь	Димитрїи Мєдвѣдєвъ
самостоꙗтѣль	отъ ССД҃С
- смс҃ть авлѥна	їоунїꙗ 12 · 1990 лѣта
- смс҃ть приꙁнана	дквр҃їꙗ 25 · 1991 лѣта
- пръво пьсаниѥ о странѣ	862 лѣто
- цѣсар҄ьство отъ	1547 лѣта
- импєрїꙗ отъ	1721 лѣта
- димократїꙗ стала	1917 лѣта
- въходъ въ съставѣ ССД҃С	1922 лѣта
пространиѥ
- вьсѩ	17 125 000 х҃м²
- водꙑ (%)	13
въсєлѥниѥ	146,8 лєѡдръ
платьно срѣдьство	Рѡсїискꙑи роубьл҄ь (RUB)
МО҃С ко́дъ	RUS
мєждоусѣтьна имєнъ область	.ru
мєждоусѣтии мѣсто	www.gov.ru

Рѡсі́ꙗ и роусьскꙑ Россия · равьноправьно имѧ Рѡсі́искꙑи Съвѫ́ꙁъ и роусьскꙑ Российская Федерация · Єѵрѡпꙑ въстока и Асїѩ сѣвєра наибол҄ьшиꙗ свѣта дрьжава ѥстъ ⁙ Рѡсїѩ стольнъ градъ Москъва ѥстъ ⁙ Наибол҄ьша града Москъва и Санктъ Пєтєрбоургъ ѥстє ⁙ Дрьжавьнъ ѩꙁꙑкъ роусьскъ ѥстъ · а рѧдѣ чѧстии такождє въ доложєниѥ инꙑ оуставлєнꙑ сѫтъ ⁙ Людии 142,2 лєѡдръ обитаѥтъ

єтѷмологїꙗ

Имѧ ⁖ Рѡсїꙗ ⁖ грьчьскъ обраꙁъ словєсє ⁖ Роусь ⁖ ѥстъ ижє напрьва Грьчьсцѣ цѣсарьствѣ І҃ вѣцѣ авлѥно бѣ ⁙ Отъ 1547 лѣта Їѡаннъ Д҃ нарєчє сѧ цѣсар҄ь и послѣди жє имѧ Рѡсїꙗ єпїсимьно положєниѥ поѩашє

їсторїꙗ

Приꙁъваниѥ варѧꙃь

Прьво пьсаниѥ о странѣ въ лѣтописѣхъ 862 лѣта по Х҃Р бѣ · ижє глаголѥтъ о Роуси дрьжавꙑ подъ варѧꙃь Рюрика и ѥгожє братроу властиѭ сътворѥнии въ Новомь Градѣ ⁙ 882лѣта Ольгъ Вѣщии прѣидє въ Кꙑѥвъ и оубишє правитєлꙗ Асколда и Дира послѣди чєсо жє Кꙑѥвъ сталъ бѣ Роуси стольнъ градъ · нъ Новъ Градъ и отъ того врѣмєнє вътора главьна града положєниѥ съхранилъ ⁙ 988 лѣта страна крьщєна бѣ и православиѥ дрьжавьна вѣра стало бѣ

В҃І вѣцѣ Роусь на оудѣльнꙑ кънѧжьства раꙁложєна бѣ и наибол҄ии жє сѫтъ Новоградьска ꙁємлꙗ · Владимѣросъꙁьдальско · Галичьсковолꙑньско · Рѣꙁаньско и инꙑ · такождє съ врѣмєнє тєщєниѥмь новꙑ малꙑ кънѧжьства иꙁ вєликъ отъдѣлꙗли сѧ бѣахѫ ⁙ 1237 лѣта мѫгольскъ канъ Батоу нападошє жє на Роусьскꙑ кънѧжьства и иго почѧ сѫщєѥ жє до 1480 лѣта

Рѡсїѩ нꙑнѣшьнъ обраꙁъ иꙁ Москъвьска Вєлика Кънѧжьства иходитъ ѥстъ · ижє мєждоу Г҃І и Ꙁ҃І сътолѣтиꙗ многꙑ роусьскꙑ ꙁємлѩ ѥго съставъ въшьли бѣахѫ · нъ юговъсточьнꙑ подъ властиѭ Литъвьска Вєлика Кънѧжьства и Пол҄ьскꙑ бѣ

Отъ 1547 ѥгъда Їѡаннъ Д҃ нарєчє сѧ цѣсар҄ь и до 1721 лѣта Рѡсїꙗ цѣсар҄ьство бѣ · послѣди ѥликомь аѵтократорїꙗ стала бѣ · подъ воѥводьствомъ цѣсарꙗ Пєтра Вєликаѥго ⁙ Въ с҄и лѣта Рѡсїѩ наивєлика въ ѥѩ їсторїи бѣ · тъгда въ ѥѩ съставѣ мъногꙑ ꙁємлѩ и народи бѣахѫ · а ѥѩ просторъ на триѥ свѣта чѧсти положєнъ бѣ · онижє Єѵрѡпа · Асїꙗ и Сѣвєрьна Амєрїка сѫтъ ⁙ По народньна въстаниꙗ 1917 лѣта Рѡсїꙗ димократїѩ наꙁьвана бѣ ⁙ Пѧть лѣтъ по толѣ Рѡсїꙗ · ꙗко Рѡсїиска Съвѣтьска Съвѫꙁьна Социалистичьска Димократїꙗ · кратъко РСС҃СД · въшьла въ съставъ Съвѣтьскъ Социалистичьскъ Димократїи Съвѫꙁа бѣ

Послѣди Съвѣтьска Съвѫꙁа распада 1991 лѣта · Рѡсїꙗ своѭ самостоꙗтѣль авила ѥстъ ⁙ Нꙑнѣшьнъ дрьжавьнъ Оуставъ 12 дьнꙗ дєкємврїꙗ 1993 лѣта єпїсимьно оустроѥнъ бѣ ⁙ Пръвꙑи Рѡсїѩ прѣдъсѣдатєл̑ь Борисъ Ѥл҄ьцинъ бѣ · въторꙑи жє Владимиръ Поутинъ бѣ · трєтии жє Димитрїи Мєдвѣдєвъ бѣ · а нꙑнѣшьнъ жє опакꙑ Владимиръ Поутинъ ѥстъ

гєѡграфїꙗ

Єл҄ьброусъ наивꙑсьша гора Рѡсїѩ и Єѵрѡпꙑ ѥстъ

Рѡсїꙗ на дъвє свѣта чѧсти · Єѵрѡпоу и Асїѭ положєна ѥстъ · ижє по Оуралоу оусловьно дѣлѥнꙑ ѥстє ⁙ Рѡсїꙗ наибол҄ьшиꙗ дрьжава свѣта сѧ авлꙗѥтъ ⁙ Отъ ꙁапада прѣꙁъ югъ на въстокъ · съ дроугꙑ 14 странꙑ обьща дрьжавьна граница имѣтъ ⁙ Сѣвєрѣ Арктїчьска ѡкєана брѣꙃѣ ѥѩ коньць авлѥнъ ѥстъ ⁙ Тоуиждє мъногꙑ обраꙁи врѣмєнє сѫтъ · посѥмоу южьнꙑихъ чѧстѣхъ дрьжавꙑ вєльми топло можєтъ бꙑти · нъ сѣвєрьнꙑихъ чѧстѣхъ ꙁимоѭ обꙑчьно вєликъ стоудъ ѥстъ · нарочьно Сибири · идє Оимꙗконъ градъ ѥстъ · онъжє наистоудєно мѣсто свѣтѣ ѥстъ ⁙ Наивꙑсьша гора Єл҄ьброусъ ѥ́стъ · ѥликъ въ Каѵкасѣ · блиꙁоу до Гєѡргїѩ сѧ находитъ ⁙ Ѥѩ вꙑсь 5 642 м҃ ѥстъ

Рѡсїѩ чѧсти

Рѡсїꙗ съвѫꙁьна дрьжава на 84 равьноправьнꙑ ѥдиницѧ дѣлѥна ѥстъ ⁙ 22 ѥдиници имѧ ⁖ димократїꙗ ⁖ и роусьскꙑ республика ѥстъ · 9 ѥдиницѧ имѧ ⁖ краи ⁖ и роусьскꙑ край ѥстъ · 46 ѥдиницѧ имѧ ⁖ область ⁖ и роусьскꙑ область ѥстъ · 3 ѥдиницѧ сѧ гради авлꙗѭтъ · онижє роусьскꙑ города федерального значения сѫтъ · 1 ѥдиница аѵтономьна область и роусьскꙑ автономная область ѥстъ · 4 жє ѥдиницѧ имѧ ⁖ аѵтономьнъ окрѫгъ ⁖ и роусьскꙑ автономный округ ѥстъ

димократїѩ Адꙑгїꙗ Алтаи Башкортостанъ Боурꙗдїꙗ Галгаиска Димократїꙗ (Ингоушєтїꙗ) Дагєстанъ Карачаѥвошєрджєсїꙗ Карꙗла Димократїꙗ Кєбєрдиномалкарїꙗ Комь Кꙑрꙑмьска Димократїꙗ Марии Єлъ Мордовїꙗ Нохчииньска Димократїꙗ Саха (Ꙗкоутїꙗ) Сѣвєрьна Осєтїꙗ · Аланїꙗ Татарстанъ Тꙑва (Тоува) Оудмоуртїꙗ Хакасїꙗ Хал҄ьмжьска Димократїꙗ Чьвашїꙗ краꙗ Алтаискъ краи Ꙁабаикальскъ краи Камчатьскъ краи Красьнодарьскъ краи Красьноꙗрьскъ краи Пєрмьскъ краи Приморьскъ краи Стаѵропольскъ краи Хабаровьскъ краи

области Амоурьска область Архангєльска область Астраханьска область Бѣлоградьска область Брꙗньска область Владимѣрьска область Вльгоградьска область Вологъдьска область Воронєжьска область Ивановьска область Иркоутьска область Калининоградьска область Калоужьска область Кємєровьска область Кировьска область Костромьска область Коурганьска область Коурьска область Лєниноградьска область Липьтьска область Магаданьска область Москъвьска область Моурманьска область Нижѣновоградьска область Новоградьска область Новосибирьска область Омьска область Орєнбоуржьска область Орьльска область Растовьска область Самарьска область Саратовьска область Свєрдловьска область Томьска область Оулиꙗновьска область Чєлѣбиньска область Ꙗрославл҄ьска область

гради Москъва Санктъ Пєтєрбоургъ Сєвастополь аѵтономьна область Єврєиска аѵтономьна область аѵтономьнꙑ окрѫꙃи Нєнєчьскъ аѵтономьнъ окрѫгъ Хантомансиискъ аѵтономьнъ окрѫгъ Чоукотьскъ аѵтономьнъ окрѫгъ Ꙗмалонєнєчьскъ аѵтономьнъ окрѫгъ

Такождє Рѡсіꙗ на 8 съвѫꙁьнъ окрѫгъ дѣлѥна ѥстъ

въсєлѥниѥ

Рѡсїѩ наибол҄ьшє гради

Рѡсїѩ наибол҄ьшє гради

ч҃сл	градъ	чѧсть	людии	ч҃сл	градъ	чѧсть	людии	Москъва Санктъ Пєтєрбоургъ
1	Москъва	градъ съвѫꙁьна положєниꙗ	11 514 300	11	Оуфа	Башкортостанъ	1 062 300
2	Санктъ Пєтєрбоургъ	градъ съвѫꙁьна положєниꙗ	4 848 700	12	Вльгоградъ	Вльгоградьска область	1 021 200
3	Новосибирьскъ	Новосибирьска область	1 473 700	13	Пєрмь	Пєрмьскъ краи	991 500
4	Єкатєрїнбоургъ	Свєрдловьска область	1 350 100	14	Красьноꙗрьскъ	Красьноꙗрьскъ краи	973 900
5	Нижьн҄ии Новъ Градъ	Нижєновоградьска область	1 250 600	15	Воронєжь	Воронєжьска область	890 000
6	Самара	Самарьска область	1 164 900	16	Саратовъ	Саратовьска область	837 800
7	Омьскъ	Омьска область	1 154 000	17	Красьнодаръ	Красьнодарьскъ краи	744 900
8	Каꙁанъ	Татарстанъ	1 143 600	18	Тол҄ьꙗтти	Самарьска область	719 500
9	Чєлѣбиньскъ	Чєлѣбиньска область	1 130 300	19	Ижєвьскъ	Оудмоуртїꙗ	628 100
10	Растовъ на Донѣ	Растовьска область	1 062 300	20	Оулиꙗновьскъ	Оулиꙗновьска область	613 800
Вѣсти Вьсѥрѡсїиска прѣписаниꙗ въсєлѥниꙗ 2010 лѣта

ꙁьри такождє

• Роу́сь

вънѣщьнѩ съвѧꙁи

• Рѡсїꙗ мєждоусѣтии

Єѵрѡпꙑ дрьжавꙑ

Аꙁѣрбаичанъ¹ • Алванїꙗ • Андорра • Армєнїꙗ² • Аѵстрїꙗ • Бєлгїѥ • Блъгарїꙗ • Босна • Бѣла Роусь • Ватиканъ • Вєлика Британїꙗ • Гєѡргїꙗ¹ • Грьци • Данїꙗ • Єирь • Єсть • Їллѷрїиска Словѣнїꙗ • Їспанїꙗ • Исландъ • Италїꙗ • Каꙁахстанъ¹ • Кѷпръ² • Латвїꙗ • Литъва • Лихтєнщаинъ • Люѯємбоургъ • Макєдонїꙗ • Малта • Молдова • Монако • Нидєрландꙑ • Норєгъ • Нѣмьци • Пол҄ьска • Портогалїꙗ • Роумꙑнїꙗ • Рѡсїꙗ¹ • Санъ Марино • Свєньско • Свицєра • Словѣньско • Срьбїꙗ • Соумь • Тоурьци¹ • Оукраина • Франкїꙗ • Хръватьска • Чєшьско • Чрьна Гора • Ѫгри нєсамостоꙗтєл҄ьнꙑ ꙁємлѩ : Акрѡтїрь и Дєкєлїꙗ • Аландьскꙑ Острови • Гєрнси • Гибралтаръ • Джєрси • Островъ Мєнъ • Фиориꙗрьскꙑ Острови • Шпицбєргєнъ • Ꙗнъ Маиєнъ нєприꙁнанꙑ дрьжавꙑ : Абхаꙁїꙗ³ • Косово Димократїꙗ⁴ • Нагорьнъ Карабахъ Димократїꙗ • Придънѣстриѥ • Силєндъ • Тѷрчьска Димократїꙗ Сѣвєрьна Кѷпра⁵ • Южьна Осєтїꙗ³ ¹ такождє Асїи ѥстъ ⁙ ² народьнꙑ обꙑчаи єѵрѡпьскꙑ сѫтъ · нъ Асїи находитъ сѧ ³ приꙁнана ꙗко самостоꙗтєл҄ьна дрьжава 3 дрьжавꙑ ѤН҃С ѥстє ⁙ ⁴ приꙁнано 60 дрьжавꙑ ѤН҃С ѥстъ ⁙ ⁵ приꙁнана толико Тѷрци ѥстъ