25 de xullo

O 25 de xullo é o 206º día do ano do calendario gregoriano e o 207º nos anos bisestos. Quedan 159 días para finalizar o ano.

24 de xullo < 25 de xullo < 26 de xullo

Acontecementos

De pé, de esquerda a dereita: Sebastián González, Eladio Rodríguez González, Enrique Peinador, Gonzalo López Abente, Pura González Varela (muller de Lugrís), Celia Brañas Fernández, Otero Pedrayo, David Fernández Diéguez, Ángel del Castillo e Fernando Cortés Bugía. Sentados Fernando Martínez Morás, Castelao, Manuel Lugrís Freire, Antón Villar Ponte e Félix Estrada Catoyra. Recepción de Castelao na Real Academia Galega na Coruña o 25 de xullo de 1934.

• 813 - Comezo da historia de Santiago de Compostela cando o bispo de Iria Flavia descobre, segundo a tradición, o sepulcro do apóstolo no bosque de Libredón.
• 1387 - Desembarca na Coruña, o duque de Lancaster, Xoán de Gante, que pretende a Coroa de Castela, en defensa dos intereses da súa muller, Constanza.
• 1512 - Tropas ao mando do duque de Alba toman Pamplona, capital do reino de Navarra, o que conleva a perda da súa independencia, ratificada nas cortes de 1515, e que pasa a ser incorporada á Coroa de Castela.
• 1907 - A Corea tornase un protectorado do Xapón
• 1948 - O presidente do Consello de Galiza no exilio, Castelao, pronuncia o seu famoso e emotivo discurso Alba de Groria no Centro Galego de Buenos Aires
• 1950 - Fúndase a Editorial Galaxia, en Compostela.
• 1965 - O padre xesuíta Xaime Seixas dá a primeira misa en galego, en Compostela.
• 1974 - Comeza a emisión de Panorama de Galicia, o primeiro programa de televisión en lingua galega.
• 1985 - Comeza a emitir a TVG.
• 2000 - Accidente do avión Concorde

Nacementos

Elias Canetti.

• 1844 - Thomas Eakins, pintor, escultor e fotógrafo norteamericano (n. 1916).
• 1905 - Elias Canetti, escritor búlgaro en lingua alemá, premio Nobel de Literatura en 1981.
• 1906 - Ánxel Sevillano, escritor e xornalista galego (m. 1989).
• 1920 - Rosalind Franklin, bióloga inglesa (m. 1958).
• 1923 - Maria Gripe, escritora sueca de literatura infantil e xuvenil (m. 2007).
• 1936 - Xosé Vilas Nogueira, xurista e profesor galego (m. 2010)
• 1944 - José Antonio Franco Taboada, arquitecto galego.
• 1958 - Thurston Moore, roqueiro estadounidense.
• 1958 - Manuel Forcadela, escritor galego.
• 1966 - Xurxo Souto, músico, escritor e xornalista galego.

Mortes

Samuel Taylor Coleridge.

• 1564 - Fernando I de Habsburgo, Sacro Emperador Romano-Xermánico (n. 1503).
• 1834 - Samuel Taylor Coleridge, poeta, crítico e filósofo inglés (n. 1772).
• 1843 - Charles Macintosh, químico escocés inventor do impermeable (n. 1766).
• 1928 - Ramón Nieto, filántropo galego (n. 1856).
• 1934 - Engelbert Dollfuss, chanceler austríaco (n. 1892).
• 1950 - Adolfo Vázquez Gómez, xornalista galego (n. 1869).
• 1958 - Miguel López Torre, libreiro e escritor galego (n. 1893).
• 1959 - Luis Pintos Fonseca, pintor e gravador galego (n. 1906).
• 2006 - Pura Vázquez, escritora galega (n. 1918).
• 2010 - José Antonio Corrales, arquitecto español (n. 1921).
• 2015 - Ismael González, cineasta e escritor galego (n. 1939).

Celebracións

• Día Nacional de Galicia (Día de Santiago)
• Día da Constitución, en Porto Rico
• Parroquia de Bravos (Ourol-Lugo). Festas patronais.
• Parroquia de Dorra (Antas de Ulla-Lugo). Festas patronais.
• Parroquia de Goiriz (Vilalba-Lugo). Festas patronais.
• Parroquia de Taboada (Silleda-Pontevedra). Festas patronais.
• Parroquia das Pontes (As Pontes - A Coruña). Festa da Fraga
• Barrio da Gándara (Narón - A Coruña). Festas patronais.

Outros

• Santoral: Santiago, Zeltia, Suevia, Breogán

Os 366 días do ano