Venres
Na Galipedia, a Wikipedia en galego.
O venres ou sexta feira[1] é o quinto día da semana. O termo "venres" vén do latín Veneris (dies) ou día de Venus, deusa romana do amor, e o termo "sexta feira" procede do latín eclesiástico sexta feria (ou feria sexta).
Índice
Nomes noutras linguas[editar | editar a fonte]
Lingua | Nome | Significado |
---|---|---|
Alemán | Freitag | O día de Frøya |
Búlgaro | Петък/Petak | O quinto día da semana |
Catalán | Divendres | Día de Venus |
Checo | Pátek | O quinto día da semana |
Chinés Tradicional | 星期五/Xīng Qī Wu | Cinco da semana |
Español | Viernes | Día de Venus |
Éuscaro | Ostiral | Campo de Urtzi |
Francés | Vendredi | Día de Venus |
Holandés | Vrijdag | Día de Frig |
Inglés | Friday | Día de Frig |
Irlandés | Dé aHoine | O segundo xaxún da semana |
Islandés | Föstudagur | Día de xaxún |
Italiano | Venerdì | Día de Venus |
Noruegués | Fredag | Día de Frøya |
Quechua | Ch'ashka P'unchay | Día da estrela |
Portugués | Sexta-feira | Sexto día |
Romanés | Vineri | Día de Venus |
Ruso | Пятницу/Pyatnitsa | Quinto día |
Xaponés | 金曜日/Kinyoubi | Día do ouro |
O venres na cultura popular[editar | editar a fonte]
No Barco de Valdeorras (Ourense), para cura-la caída do calleiro, ponse no amencer do venres, e durante tres venres seguidos, un colar feito de pólas de bidueiro no pescozo do enfermo.
Os días que levan ‘r’ (martes, mércores e venres) son considerados de mal agoiro e aconséllase non facer negocios neses días. Tampouco se debe corta-las uñas neses días, especialmente o venres.
Din en Portugal que À terça e sexta-feira não cases a filha, nem urdas a teia. Terça e sexta-feira son martes e venres.
Fraseoloxía[editar | editar a fonte]
- Caldo de venres: o que se fai nos días de vixilia, sen botarlle carne nin graxa, e que só leva aceite rustrido. Os ollos que forma o aceite na superficie explican a frase ter máis ollos que o caldo de venres.
- Cara de venres: a de aspecto tristeiro.
- Non é cousa do outro venres: o que non sorprende a ninguén, ou que resulta cousa normal e corrente despois de anuncialo como se fose unha marabilla ou algo insólito.
- Sexta feira maior: Venres Santo.
Refraneiro[editar | editar a fonte]
- Navidá en venres, sementa onde puideres, navidade en domingo, vende os bois e bótao en trigo.
- O martes e o venres nin te cases nin te embarques.
Notas[editar | editar a fonte]
- ↑ "Dicionario-Portada - Real Academia Galega". academia.gal. Consultado o 2016-10-21.
Véxase tamén[editar | editar a fonte]
Outros artigos[editar | editar a fonte]
|