2001

20. Joerhonnert | 21. Joerhonnert | 22. Joerhonnert

1996 | 1997 | 1998 | 1999 | 2000 | 2001 | 2002 | 2003 | 2004 | 2005 | 2006

---

Dës Säit befaasst sech mam Joer 2001.

Evenementer

Europa

• 01. Januar: Griicheland trëtt der Wirtschafts- a Währungsunion bäi.
• 14. Januar: De Jorge Sampaio gëtt als Staatspresident a Portugal ërëmgewielt.
• 19. Februar: Ukënnegung vum Zesummeschloss vun der Arbed, der Usinor an der Aceralia zum weltgréisste Stolkonzern.
• 26. Februar: Den Traité vun Nice gëtt ënnerschriwwen.
• 07. Juni: Den Tony Blair gëtt als Premierminister vu Groussbritannien erëmgewielt.
• 24. Juni: Den Ilir Meta gëtt Regierungschef an Albanien.
• 28. Juni: De fréiere jugoslawesche President Slobodan Milosevic gëtt dem Internationale Strofgeriichtshaff ausgeliwwert.
• 24. Juli: De fréieren Zar Simeon II. gëtt zum Ministerpresident vu Bulgarie gewielt.
• 21. September: Den Arnold Rüütel gëtt Staatspresident an Estland.
• 19. Oktober: De Leszek Miller gëtt Regierungschef a Polen.

Afrika

• 26. Januar: De Joseph Kabila gëtt Staatspresident vun der Demokratescher Republik Kongo.
• 02. Februar: De José Maria Neves gëtt Premierminister vum Kap Verde.
• 25. Februar: De Pedro Pires gëtt Staatspresident vum Kap Verde.
• 29. Abrëll: Parlamentswahlen am Senegal.

Amerika

USA

• 20. Januar: Den George W. Bush gëtt als neie Preident vun den USA vereedegt.
• 11. September: Bei Terrorattacken mat entfouerte Fligeren op de World Trade Center zu New York an de Pentagon zu Washington (dee 4. Fliger fält bei Pittsburgh erof) kommen ëm déi 3000 Leit em d'Liewen.
• 02. Dezember: Faillite (déi gréisst iwwerhaapt) vum Energiekonzen Enron.

Südamerika

• 28. Juli: Den Alejandro Toledo Manrique gëtt Staatspresident am Peru.

Asien

• 26. Januar: Äerdbiewe vun der Stäerkt 7,7 an Indien, zirka 20.000 Doudeger.
• 26. Abrëll: De Juichiro Koizumi gëtt Premierminister vu Japan.
• 01. Juni: Am Nepal bréngt e Jong vum Kinnek Birendra dësen, sou gutt wéi seng ganz Famill, an da sech selwer ëm.
• 08. Juni: De Mohammad Chatemi gëtt zum Staatspresident am Iran erëmgewielt.
• 20. Juni: De Pervez Musharraf gëtt Staatschef am Pakistan.
• 23. Juli: D'Megawati Soekarnoputri gëtt Presidentin vun Indonesien.
• 06. Oktober: Am Afghanistan fänkt d'US-amerikanesch Arméi un, Loftattacken ze féieren, mam deklaréierten Zil, den Osama Bin Laden ze kréien. Dausender kommen dobäi ëm d'Liewen.
• 11. Dezember: China trëtt der Welthandelsorganisatioun WTO bäi.

Noen Osten an Arabesch Welt

• 07. Februar: Den Ariel Sharon gëtt Ministerpresident vun Israel.

D'Lady Rosa

Konscht a Kultur

• Mee-Juni: D'Lady Rosa of Luxembourg, eng verfriemte Kopie vun der Gëllener Fra, suergt fir zolidd Polemik.

Literatur

• Servais-Präis: Roland Harsch fir Laub und Nadel.

Musek

• 12. Mee: D'Grupp Tanel Padar, Dave Benton & 2XL gewënnt fir Estland mam Lidd Everybody de 46. Eurovision Song Contest zu Kopenhagen.

Kino

• La stanza del mio figlio vum Nanno Moretti gewënnt d'Gëlle Palm vu Cannes.
• Gladiator vum Ridley Scott kritt den Oscar fir de beschte Film.

Wëssenschaft an Technik

• 15. Januar: D'Wikipedia geet online.

Astronomie

• 22. September: D'amerikanesch Raumsond Deep Space 1 erfuerscht de periodesche Koméit 19P/Borrelly.

Sport

• Den F91 Diddeleng gewënnt d'Championat am Foussball, d'Etzella Ettelbréck d'Coupe de Luxembourg.
• 28. Februar: Déi lëtzebuergesch Foussballnationalequipe verléiert an der Stad Lëtzebuerg 0:1 géint Finnland.
• 24. Mäerz: Déi lëtzebuergesch Foussballnationalequipe verléiert an der Stad Lëtzebuerg, am Kader vun der Qualifikatioun fir d'Foussball-Weltmeeschterschaft 2002, 0:2 géint Färoer Inselen.
• 28. Mäerz: Déi lëtzebuergesch Foussballnationalequipe verléiert zu Zürich, am Kader vun der Qualifikatioun fir d'Foussball-Weltmeeschterschaft 2002, 0:5 géint Schwäiz.
• 22. Mee: De Philippe Perlia war ass als zweete Lëtzebuerger op der Spëtzt vum Mount Everest.
• 02. Juni: Déi lëtzebuergesch Foussballnationalequipe verléiert zu Ljubljana, am Kader vun der Qualifikatioun fir d'Foussball-Weltmeeschterschaft 2002, 0:2 géint Slowenien.
• 06. Juni: Déi lëtzebuergesch Foussballnationalequipe verléiert an der Stad Lëtzebuerg, am Kader vun der Qualifikatioun fir d'Foussball-Weltmeeschterschaft 2002, 1:2 géint Russland. De Gol fir d'Lëtzebuerger huet de Sacha Schneider geschoss.
• 15. August: Déi lëtzebuergesch Foussballnationalequipe verléiert zu Monnerech 0:3 géint Georgien.
• 01. September: Déi lëtzebuergesch Foussballnationalequipe verléiert zu Toftir, am Kader vun der Qualifikatioun fir d'Foussball-Weltmeeschterschaft 2002, 0:1 géint Färoer Inselen.
• 05. September: Déi lëtzebuergesch Foussballnationalequipe verléiert an der Stad Lëtzebuerg, am Kader vun der Qualifikatioun fir d'Foussball-Weltmeeschterschaft 2002, 0:3 géint Schwäiz.
• 06. Oktober: Déi lëtzebuergesch Foussballnationalequipe verléiert zu Belgrad, am Kader vun der Qualifikatioun fir d'Foussball-Weltmeeschterschaft 2002, 2:6 géint Jugoslawien. D'Goler fir d'Lëtzebuerger hunn de René Peters a Marcel Christophe geschoss.

Gebuer

• 25. Oktober: Elisabeth vun der Belsch, Krounprinzessin.

Gestuerwen

• 09. Januar: Paul Vanden Boeynants, belsche Politiker a Regierungschef .
• 23. Januar: Norbert Etringer, lëtzebuergeschen Douanier, Lokalhistoriker an Auteur.
• 29. Januar: Jean-Pierre Aumont, franséische Schauspiller.
• 30. Januar: O. Winston Link, US-amerikanesche Fotograf.
• 30. Januar: Claude Beylie, franséische Filmkritiker a Filmhistoriker.
• 05. Februar: Jean Davy, franséische Schauspiller.
• 10. Februar: René Schroeder, lëtzebuergeschen Turner an Olympionik.
• 19. Februar: Charles Trenet, franséische Sänger, Komponist, Dichter a Moler.
• 23. Februar: Robert Enrico, franséische Filmregisseur an Dréibuchauteur.
• 24. Mäerz: Karl Schönböck, éisträichesche Schauspiller.
• 01. Abrëll: Nicolas Kremer, lëtzebuergesche Vëlossportler, Olympionik, Politiker an Auteur.
• 02. Abrëll: Francis Gelhausen, lëtzebuergesche Vëlossportler.
• 04. Abrëll: Liisi Oterma, finnesch Astronomin.
• 10. Abrëll: Jean-Gabriel Albicocco, franséische Filmregisseur.
• 15. Abrëll: Joseph Petit, lëtzebuergeschen Auteur a Publizist.
• 16. Abrëll: Giacomo Gentilomo, italienesche Filmregisseur.
• 21. Abrëll: Joseph Theis, lëtzebuergesche Lokalpolitiker.
• 04. Mee: Arne Sucksdorff, schwedesche Fotograf, Regisseur an Dréibuchauteur.
• 04. Mee: René Weiss, lëtzebuergesche Chemiker.
• 05. Mee:Simon Slåttvik, norwegesche Schileefer a Weltmeeschter an der Nordescher Kombinatioun.
• 11. Mee: Douglas Adams, britesche Schrëftsteller.
• 14. Mee: Mauro Bolognini, italienesche Filmregisseur.
• 26. Mee: Alberto Korda, kubanesche Fotograf.
• 03. Juni: Anthony Quinn, US-amerikanesche Schauspiller.
• 20. Juni: Maria Vincent, franséisch Schauspillerin.
• 21. Juni: John Lee Hooker, US-amerikanesche Bluesmusiker.
• 25. Juni: Kurt Hoffmann, däitsche Filmregisseur, Filmproduzent an Dréibuchauteur.
• 26. Juni: Will Bertrand, lëtzebuergesche Lokalpolitiker a Buergermeeschter vu Biermereng
• 27. Juni: Tove Jansson, finnesch Schrëftstellerin, Graphikerin a Molerin.
• 27. Juni: Jack Lemmon, US-amerikanesche Schauspiller.
• 26. Juli: Rudolf Nussgruber, éisträichesche Filmregisseur.
• 03. August: Hans Holt, éisträichesche Schauspiller.
• 04. August: Edouard Thibold, lëtzebuergesche Moler a Prähistoriker.
• 13. August: Josy Greisen, lëtzebuergeschen Dekorateur a Karikaturist
• 14. August: Ferd Medinger, lëtzebuergesche Moler.
• 15. August: Philippe Perlia, lëtzebuergeschen Alpinist.
• 19. August: Donald Woods, südafrikanesche Journalist a Biergerrechtler.
• 25. August: Philippe Léotard, franséische Schauspiller.
• 27. August: Dirk Spierenburg, hollännesche Politiker, Diplomat an Economist.
• 27. August: Gustave Zanter, lëtzebuergesche Glas- a Mosaikkënschtler.
• 02. September: Christiaan Barnard, südafrikaneschen Häerzchirurg.
• 03. September: Pauline Kael, US-amerikanesch Filmkritikerin.
• 13. September: Charles Regnier, däitsche Schauspiller a Regisseur.
• 22. September: Isaac Stern, russesch-amerikanesche Violonist.
• 08. Oktober: Willy Dondelinger, lëtzebuergesche Politiker.
• 05. November: Roy Boulting, englesche Filmregisseur an Dréibuchauteur.
• 10. November: Ken Kesey, US-amerikanesche Schrëftsteller.
• 13. November: Babik Reinhardt, Jazz-Gittarist.
• 24. November: Mett Clemens, lëtzebuergesche Vëlossportler.
• 24. November: Melanie Thornton, US-amerikanesch Sängerin.
• 29. November: George Harrison, britesche Museker (The Beatles).
• 09. Dezember: Josy Kraus, lëtzebuergesche Vëlossportler.
• 16. Dezember: Stefan Heym, däitsche Schrëftsteller.
• 18. Dezember: Gilbert Bécaud, franséische Chansonnier.
• 20. Dezember: Léopold Sédar Senghor, senegaleseschen Dichter a Politiker.
• 0: Tamara Michailowna Smirnowa, russesch Astronomin.

Um Spaweck

Commons: 2001 – Biller, Videoen oder Audiodateien