Eerdeulje

Ja-knikker

Eerdeulje is n fossile braandstof dij wonnen wordt over de hule wereld. t Is ontstoan doe orgoanische stoffen, as oevven van prehistorische daaiern en plaanten, onder sedimenten kwamen en deur de hoge druk en waarmte laangzoam veranderden ien de molekulen van koolwoaterstoffen. Hierbie ontstoat ook methaangas dat ook eerdgas nuimd wordt. Stainkool wordt ook op dizze manaaier vörmd.

In Nederlaand wordt eerdeulje wonnen ien Drìnt rond t loug Skonebeek. Doar stoan hier en doar nog n poar olle ja-knikkers. Dit binnen n soort mesienes dij deur n ja-knikkende bewegen te moaken, de eulje oet de grond hoalt.

t Eulie dat ien Drìnt wonnen wordt is niks vergeleken bie t eulje dat ien t Middenoosten wonnen wordt. Ien Arabische stoaten as Saoedi-Arabie, Irak, Iran en Koewait wordt t eulje asmis zölfs boven de grond vonden en binnen de euljebaronnen voak stoatsheufd.

Van eerdeulje worden stoffen moakt/onttrokken as benzine, kerozine, plastics, enzoveurt. Andere noamen veur eerdeulje binnen petrolium en ruwe eulje.

Hìnwiezen

• Fossile braandstoffen
• Eerdgas
• Stainkool

Schreven in t Westerkertaaiers