Całendario gregorian
Da Wikipedia, l'ençiclopedia libara.
El Całendario gregorian el xe el całendario ufiçial deła major parte dei paexi del mondo. El tol el nome da papa Gregorio XIII, che el lo gà introdoto nel 1582, modificando el calendario giulian che se doparava prima.
El xe un calendario solar, cioè fondà sul ciclo dełe stajon. L'ano el xe fato de 12 mexi de durate difarenti, par un total de 365 o 366 giorni. I ani de 366 giorni i se ciama bisesti o bixestiłi: i ani bisesti i xe quei che se pol dividar par quatro, con l'ecesion che i ani che se pol dividar par sento ma no par quatrosento no i xe bisesti.
Durata dei mexi[canbia | canbia el còdexe]
I mesi del calendario gregorian i xe:
- zenaro (31 giorni)
- febraro (28 giorni, 29 nei ani bixestiłi)
- marso (31 giorni)
- apriłe (30 giorni)
- majo (31 giorni)
- giugno (30 giorni)
- lujo (31 giorni)
- agosto (31 giorni)
- setenbre (30 giorni)
- otobre (31 giorni)
- novenbre (30 giorni)
- diçenbre (31 giorni)
Bibliografia[canbia | canbia el còdexe]
- Adriano Cappelli, Cronologia, Cronografia e Calendario perpetuo. Dal principio dell'era cristiana ai nostri giorni, Settima edizione rivista, corretta e ampliata, a cura di Marino Vigano, Milano, Hoepli, 1998.
