ნორვეგია

ნორვეგია
ნანანოღა	ოსლო
უდიდაშ ნოღა	ოსლო
ოფიციალურ ნინეფ	ნორვეგიული (ბუკმოლი დო ნიუნორსკი)
თარობა	ოპარლამენტე დემოკრატია, კონსტიტუციური მონარქია
მონარქი	ჰარალდ V
პრ. მინისტრი	იენს სტოლტენბერგი
ვალუტა	ნორვეგიული კრონა (NOK)
ქიანაშ კოდი	NOR
ოტელეფონე კოდი	+47

ნორვეგია, ოფიციალურო ნორვეგიაშ სამაფო (ნორვ. Kongeriket Norge, ახალ ნორვეგიულო Kongeriket Noreg) — ქიანა ოორუე ევროპას, სკანდინავიაშ ჩქონს. უკჷნებჷ ჩქონიშ ბჟადალი ნორთი, თაშნეშე კოკი იან-მაიენი დო არქტიკული არქიპელაგი შპიცბერგენი. ნორვეგიაშ საართო ფართობი რე 385,252 კვადრატული კილომეტრი, მახორობა – 4.8 მილიონი კოჩი. რე ართ-ართი არძაშე ნორკე მეჭედალათ დოხორელი ქიანა ევროპას. ქიანას ბჟაეიოლჸურე უხურგანს შვედეთი; უძგაშაშო ოორუეჸურე დვალირი რეგიონი უხურგანს ფინეთის დო რუსეთის; თის დო დანიას შქას იდვალუაფუ სკაგერაკიშ საროტი. ნანანოღა რე ოსლო.

ჯოხოდვალა

• ოფიციალური: ნორვეგიაშ ომაფე
• ოდაბადური: ნორვ. Kongeriket Norge, ნიუნ. Kongeriket Noreg

ეტიმოლოგია

პრანორვეგიულ ნინაშა Norvegr ჯოხო „ოორუეშ შარას,“ ამდღანერ ნორვეგიულს მეღებული რე ჯინჯეფშე northr დო rike, ნამუთ რე „ოორუეშ ომაფე.“ სახენწჷფოშ სისტემა რე კონსტიტუციური მონარქია. ქიანაშ მადუდე რე მაფა შლეზვიგ-ჰოლშტაინ-ზონდერბურგ-გლიუქსბურგებიშ დინასტიაშე ჰარალდ V (HARALD V, 1991-შე).

თარობაშ მადუდე რე პრემიერ-მინისტრი. კანონიშდუმადვალუ ორგანო რე სტორთინგი, ჟირპალატამი ორგანო. ადმინისტრაციულო ირთუ 19 ოლქო.

ეკონომიკა

რესურსეფი - ნავთი, ლინჯი, ორთაშობური აირი, პირიტი, ნიკელი, რკინაში მადანი, თუთია, ტყვია, ჩხომი, ოშენებელი ჯა-ტყა, ჰიდროენერგია. ექსპორტი - ნავთობი დო ნავთობპროდუქტეფი, ორთაშობური გაზი, ჩხომეული. ართამი ერუანული პროდუქტი - 159 მლრდ $. ერუანული პროდუქტი ართ შურშე - 31.250 $. ვალუტა - ნორვეგიული კრონა (NOK).

რესურსეფი ინტერნეტის

• Norway.no, ნორვეგიაშ ოფიციალური პორტალი
• ნორვეგიაშ სტატისტიკა
• მოსვანჯა ნორვეგიას — ნორვეგიაშ ოფიციალური ტურისტული პორტალი
• სტატიეფი ნორვეგიაშე
• ნორვეგია ვიკი