São Tomé e Príncipe

Da Wikipedia, l'ençiclopedia libara.
Va a: navigasion, serca


São Tomé e Príncipe
São Tomé e Príncipe - Bandiera
São Tomé e Príncipe - Stemma
Motto:  

LocationSaoTomeAndPrincipe.png


Informasion
Nome par intiero: Republica Democratica de São Tomé e Príncipe
Nome ufisiałe: República Democrática de São Tomé e Príncipe
Łéngoa uficiałe: portoghexe
Cavedal: São Tomé  (53 300 ab. / 2003)
Polìtega
Governo: repubblica
Capo de stato: Fradique de Menezes
Capo de governo: Maria do Carmo Silveira
Indipendensa: dal Portogallo
12 lujo 1975
Ingreso a l'ONU: 16 setenbre 1975
Area
Totale: 1.001 km²
Pos. nel mondo: 169°
 % delle acque: 0 %
Popolasion
Totałe: 165 034 ab.  ( )
Pos. nel mondo: 174°
Densità: 170 ab./km²
Giografia
Continente: Africa
Fuxo oràrio: UTC
Economia
Vałuta: dobra di Sao Tomé e Principe
Energia:
Varie
TLD: .st
Prefiso tełef.: +239
Sigla autom.: STP
Ino nasionałe: Independência total
Festa nasionałe:  

Tp-map.png

São Tomé e Príncipe xe no Stato insulare de l'Africa sentral. El paexe el comprende le do isole de l’arcipelago omonimo int'el Golfo de el Biafra.
I stati pi' visini i xe la Guinea Equatorial a nordest[1] e a sudovest[2], el Camerun, el Gabon a est la Nigeria a nord.

Giografia[canbia | canbia el còdexe]

Exquisite-kfind.png Par saverghene de pì, varda ła pajina Giografia de São Tomé e Príncipe.

Co i so 1 001 km² de area, el paexe el xe el pì picenin de l’Africa.

São Tomé e Príncipe el xe n’arcipelago en tel Golfo de Guinea, che le se cata a 300 km a ovest de el Gabon, poco sora l’equatore.
El xe formà da do ixole principali, São Tomé e Príncipe,[3], co altri ixoloti e scogli.

Storia[canbia | canbia el còdexe]

Exquisite-kfind.png Par saverghene de pì, varda ła pajina Storia de São Tomé e Príncipe.

Antighità[canbia | canbia el còdexe]

I portoghesi xe stà i primi a visitar l’isola de São Tomé[4] (1469), che l’era disabità. I portoghexi gha subito capiò l’importansa de ste isole par i comerci co la costa e, dopo, par la trata de i sciavi.

I primi abitanti xera portoghexi che el governa volea i stesi lontan de casa. Le isole no sembrava verghe tante risorse naturali, ma le ndasea ben par la cana da sucaro. Sciavi africani vegnea portà su le isole par coltivar la cana e par la fin del secolo XVI la colonia xera la prima produtrice de sucaro en Africa.

Modernità[canbia | canbia el còdexe]

Nel secolo XIX, dopo che la cana da sucaro xera andà fora de produsion, el cafè e el cacao xe stà importà su le isole. Dopo pochi ani, São Tomé e Príncipe xe divantà le pi grandi esportatrici mondiali de cacao.
Anca se la schiavitù xera stà abolida nel 1876, i latifondisti portoghexi gavea dirito de sfrutar i lavoratori de le piantagioni.

Nel 1953 ghe fu na reolta de lavoradori co la risposta violenta del governo [5].
On grupo picoleto de tomeani gha fondà el Movimento par la Liberasion de São Tomé e Príncipe e scominsià a domandare l’indipendenza.

Indipendenza[canbia | canbia el còdexe]

Co la fin de la ditatura de Marcello Caetano in Portogalo nel 1974, el proceso par la indipendenza xe stà veloce.
El 12 lulio 1975 Manuel Pinto da Costa prendeva la presidenza de la nova nasion.

Nel 1990, co la lagalizasion del multiparitismo, Miguel Trovoada xe divegnù presidente, riconfermà nel 1996.

Nel 2003, l’esercito gha provà a far on colpo de stato a i dani del presidente Fradique de Menezes. I militari no xera contenti de la corusion e de la spartision de i proventi del petrolio. Dopo na mediasion de la Nigeria, i militari xe tornà ne le caserme.

Economia[canbia | canbia el còdexe]

L'agricoltura xe ancora importante (cacao, cafè e oio de palma) ma no xe bona de sostegnar la domanda locale de cibo.
La pesca no la xe a livel comerciale.
El petrolio descoverto ne le acque rente a l’arcipelago, stà diventando la pi grosa entrada par lo Stato.


Popolasion[canbia | canbia el còdexe]

La zente de São Tomé la conta 140 000 abitanti, chela de Príncipe 6 000.

Etnie[canbia | canbia el còdexe]

I xe i disendenti de sie grupi difarenti:

  • i mestiços [6] disendenti de i sciavi africani che vegnea da el Benin, el Gabon e el Congo.
  • angolares, i disendenti de sciavi angolani.
  • forros, disendenti de sciavi libarà a la fin del XIX secolo.
  • serviçais, lavoradori temporanei che vien da Angola, Mozanbico e Capo Verde.
  • tongas, i fioi de i serviçais, nadi su le do isole.
  • eoropei, soratuto de orixene portoghexe.

Religion[canbia | canbia el còdexe]

L’85% de la zente xe cristiana catolega.
I cristiani protestanti i xe l’1%, i altri segue religioni tradisionali.

Léngue[canbia | canbia el còdexe]

La zente la parla portoghexe, ma anca lengoe creole (forro 85%, angolar 3% e principense 0,1%).

Note[canbia | canbia el còdexe]

  1. ìxola de Bioko
  2. ìxola de Annobon
  3. che le ghe dà el nome a l’arcipelago e a lo Stato
  4. ciamada così parchè scoverta el dì de san Tomaso
  5. masacro de Batepá
  6. ciamai anca filhos da terra, "fioi de la tera"