Tralas últimas e reiteradas actuacións do goberno español co gallo do referendo catalán, desde PODEMOS 15M, como corrente interna e Galega de Podemos, queremos manifestar toda a nosa solidariedade co pobo irmán de Catalunya, ao tempo que condenamos de xeito contundente as actuacións do goberno de España, mais similares a un réxime xa esquecido que a unha democracia moderna.
E intolerábel a utilización da forza legal e da xustiza para resolver un conflito que debería ser atallado pola vía política, tamén é intolerábel que se estea ameazando a centos de cargos públicos coa aplicación de accións penais, e o consideramos intolerábel porque cremos firmemente que o que está a acontecer é todo unha cortina de fume para tapar outras actuacións do goberno, como poden ser a decisión da Audiencia Nacional de non procesar á cúpula do Banco de España e da CNMV pola saída á bolsa de Bankia, no que Miguel Ángel Fernández Ordóñez, queda libre de po e palla, abrindo unha porta perigosa para que, a partir de agora, os supervisores financeiros non teñan ningún tipo de responsabilidade ante tales actuacións.
Mentres a policía suspendía unha charla de Ana Gabriel da CUP en Vitoria, España e Arabia Saudí chegaban a un acordo para a protección mutua de información clasificada, acordo cun país sinalado por decenas de ONG de defensa dos dereitos humanos como implicado en conflitos armados, como o que mantén con Iemen. E non nos esquezamos da actualidade da corrupción do réxime do 78, principalmente do PP, no que nesta semana se coñeceu a imputación de Alberto Ruíz Gallardón, un dos grandes nomes do PP nestes últimos anos.
TODO ISO SERIAN GRANDES OU XIGANTESCOS TITULARES DE NON SER POLO INDEPENDENTISMO
O dereito a decidir, ou dereito de autodeterminación dos pobos, está recollido non pacto internacional dos dereitos civís e políticos, así como pola asemblea xeral dás Nacións Unidas, e polo tanto deberá de ser respectado aténdose as características xeopolíticas da zona, pero sempre mediante o respecto e a liberdade do pobo en cuestión para poder tomar as súas propias decisións e, en todo caso, a ser resolto mediante resolucións políticas e negociadas, e nunca a través dá forza da lei.
Carlos González Armada, Voceiro de PODEMOS 15M