【盡地一煲】批新田購物城經營不善 鄉紳20萬接手博翻生：我要做香港人生意

「新田會永遠都存在……」新田購物城又再試圖翻生！繼強國客大飯堂後，最新一家名為香港情集團的公司投資20萬元「博一博」，搞「慈善特賣場」作招徠，搶聖誕新年檔期，一個3米乘3米檔位，以3,800元招租搞年宵市集。公司負責人鄧普禧希望做香港人生意，扭轉死城印象，而其拍檔古洞原居民鄒振國更高呼「香港人加油！」

佔地42萬平方呎的新田購物城自2018年2月開業至今，一直以來人迹罕至，當年以呎租67元至107元招租，由最初強國人的購物城，改成強國人的飯堂，亦扭轉不了死城的命運。鄧普禧直言「成個死城咁呀呢度，死城嚟㗎 」，當年宣傳不足，就算宣傳亦只是讓人知道購物城「主力都係畀水貨客」，根本吸引不到其他人。

鄧普禧表示，是次聯同當地原居民檔擋，以月租10萬元租下3,800呎的搞「慈善特賣場」，主要售賣的都是「環保貨」或電器陳列品等，大多由身邊朋友平價賣出或送出，由家電、衫褲、紅酒、化妝品，樣樣都有，最快聖誕可以開始營業，聲言會將場中7成收入捐到貨主指定的慈善機構。雖然是博一博，但鄧普禧亦有一定信心，「我送嘢畀你，變咗你都要落嚟睇吓送咩畀我吖，相信會有一定人流。」

至於戶外的地方就計劃劃作80個攤位，每個面積3米乘3米，暫時以月租3,800元招租，現時首批30個攤位已租出一半。假若死場翻生，全數租出，每月可帶來超過30萬元的收入，屆時再與場地管業處作分成。

香港情集團股東之一、原居民鄒振國提到，當年曾幻想購物城可以帶旺附近新界的果場，但最終事與願違，「遊客嚟香港都喺鍾意去啲名店行吓，（購物城）整喺新界邊境度，買完嘢就走其實係大錯特錯。」早前更加是，「人影都冇隻，好悲哀，呢樣嘢好悲哀」。

今年多項大型活動都因大環境而取消，政府更取消明年年宵的乾貨市場，面對如今香港的大環境，以及早前「元朗7.21事件」港人對新界鄉紳的負面印象，鄒振國表示，「其實好多嘢都係政府，真係當然唔啱啦，我諗太激動嘅事唔會喺度發生，因為我哋都唔會去做撩事鬥非嘅嘢。」明年年宵不設乾貨市場，他更認為是機會，「就係因為出面冇貨，所以我哋呢度係想搞返乾貨為主嘅攤檔畀啲香港嘅朋友，嚟呢度消費一定唔會貴。」

最後問到對政府或「象哥」黃定光的寄望，鄧普禧表示，「希望佢都幫輕吓或者做啲廣告囉，最主要都係廣告，其實呢度係輸廣告囉。」

但「象哥」黃定光似乎仍未瞓醒，對購物城新計劃仍不知情，周一接受蘋果查詢時指，因最近立法會工作忙碌，沒有關心購物城事務，但會安排一個周末去了解情況。他指出，業主租地予購物城的基金，「我本人坐喺個fund做Director，營運購物城我係冇特別參與」，強調不會太過干預運作。