Saving page now... https://www.azatutyun.am/a/29174334.html As it appears live September 19, 2020 3:08:24 AM UTC

Մատչելիության հղումներ

Արմավիրում դպրոցականները բողոքի ակցիա են իրականացնում


Արմավիրի դպրոցների մոտ երեք տասնյակ աշակերտներ բողոքի ակցիա են իրականացնում քաղաքի թիվ 4 դպրոցի մոտ։

Նրանք նշում են, թե տեղեկություններ ունեն, որ դպրոցի տնօրինությունը կողպել է դպրոցի դռները և թույլ չի տալիս աշակերտներին միանալ երթին։

Ցուցարարները կոչով դիմեցին աշակերտներին՝ դուրս գալ և միանալ հանրահավաքին։

Դպրոցի տնօրենը հորդորեց ցուցարարներին «դասապրոցեսը չխանգարել», «Ազատությանն» էլ փոխանցեց, որ դպրոցի դռները կողպված չեն։

Ցուցարարները «Քայլ արա, մերժիր Սերժին» կոչերով շարունակում են շրջել Արմավիրի փողոցներով։

Նշենք, որ այսօր Կրթության և գիտության նախարարությունը հաղորդագրություն տարածեց՝ հորդորելով քաղաքական ուժերին, հասարակական նախաձեռնություններին և անհատներին «զերծ մնալ զանգվածային միջոցառումներին դեռահասներին մասնակից դարձնելու փորձերից»:

Նախարարության հաղորդագրությունում մասնավորապես ասված էր. - «Նկատի ունենալով վերջին օրերին տեղի ունեցող իրադարձություններին դպրոցահասակ երեխաների և դեռահասների ներգրավման հրապարակային կոչերը՝ Կրթության և գիտության նախարարությունը հորդորում է քաղաքական ուժերին, հասարակական նախաձեռնություններին և անհատներին զերծ մնալ զանգվածային միջոցառումներին դեռահասներին մասնակից դարձնելու փորձերից»:

Ուղիղ հեռարձակում

XS
SM
MD
LG