Meteorologisk institutt
Føremålet
for Meteorologisk institutt er i Kongelig Resolusjon uttrykt slik:
Meteorologisk
institutt står for den offentlege meteorologiske tenesta for sivile og militære
føremål. Instituttet skal arbeide for at styremakter, næringsliv,
institusjonar og folk flest best mogleg skal få høve til å sikre liv og
verdiar, for planlegging og for vern av miljøet.
Dette inneber mellom
anna at instituttet skal
- varsle
vêret
- studere
Noregs klima og gje klimatologiske utgreiingar
- drive
meteorologiske observasjonsnett i Noreg, nærliggjande havområde og på
Svalbard
- drive
nok forskings- og utviklingsarbeid til å kunna løyse faglege og praktiske
oppgåver
- spreie
resultata av arbeidet sitt
- ta
oppdrag og yte spesialtenester for offentlege og private interesser mot full
kostnadsdekking frå brukarane
- vera
med i det internasjonale meteorologiske samarbeidet
Visjonen
og måla for arbeidet ved instituttet er utforma innanfor desse rammene.
Visjon og hovudmål
Vår visjon er
at vi skal vera den beste staden for vêrinformasjon i Noreg.
Våre
hovudmål er at
- Dei
meteorologiske tenestene til Meteorologisk institutt skal ha eit innhald og
ein kvalitet som dekkjer behova i samfunnet. Instituttet skal drive forsking
og utvikling som sikrar at tenestene dekkjer dagens og morgondagens behov.
- Meteorologisk
institutt skal ha eit effektivt og tidsmessig varslingssystem for atmosfære
og hav over heile arbeidsfeltet frå innsamling av observasjonar til ferdige
varsel.
- Meteorologisk
institutt skal følgje den globale og nasjonale klimautviklinga og skal gje
tilfredsstillande klimainformasjon samfunnsplanlegging og for utforming av
Noregs klimapolitikk.
For
å nå desse måla er ei serviceerklæring
blitt utvikla for Meteorologisk institutt.
Instituttet driv i
hovudsak med aktivitetar som kan delast inn i ein statsfinansiert del og ein
brukarfinansiert del.
Statsfinansiert del:
- Observasjonar:
Drift, innsamling og dataoverføring av observasjonar nasjonalt og
internasjonalt
- Forsking
og utvikling finansiert over statsbudsjettet:
Utvikling og overvaking av operasjonelle modellar, beredskapsoppgåver og
generell klimaforsking
- Vêrvarsling:
Grunnleggjande prognosar, analysar, utarbeiding av vêrvarsel og
beredskapsoppgåver.
- Klimatenester:
Observasjonar, databasar og generell klimainformasjon.
Brukarfinansiert del:
- Varsel
og prognoser tilrettelagde for brukarane
- Flyvêrteneste
- Brukarfinansierte
klimatenester:
Førespurnader om vêr og klima, klimadata og klimastatistikk, miljødata
frå kontinentalsokkelen
- Oppdrag
og utgreiingar:
Konsekvensutgreiingar innanfor atmosfære og hav, spreiing av ureining til
havs, modellering av luftforureining, kvantitative nedbørutrekningar,
klimatologi på regional og lokal skala, utrekning av ekstrem og spesiell
klimainformasjon.
Alle aktivitetane ved
Meteorologisk institutt heng saman. Observasjonar, både nasjonale og
internasjonale, må vera på plass for at instituttet skal kunne tene samfunnet.
Høg kvalitet i dei tenestene som er finansierte over statsbudsjettet, er ein føresetnad
for den brukarfinansierte verksemda. Forsking og utvikling er med på å auke
kvaliteten på både område. Effektive innsamlings- og distribusjonssystem, nok
IT-kapasitet og tilgang til tunge rekneressursar er naudsynte for primæraktivitetane.
Internasjonalt
samarbeid
Arbeidet til
instituttet er avhengig av eit omfattande internasjonalt samarbeid.
Internasjonal utveksling av data, kunnskap og metodar er naudsynte. Til sju- og
tidøgnsprognosane trengst observasjonsdata frå heile jordkloten, og for å
kunna varsle må
vi ha observasjonar frå område som ligg langt frå Noreg.
For at dei nasjonale
meteorologiske institutta skal kunna dra nytte av desse observasjonane krevst
felles internasjonale målemetodar og standardar, og eit godt utbygd
kommunikasjons- og databehandlingssystem.
Noreg er medlem i dei
internasjonale meteorologiske organisasjonane World Meteorological Organization
(WMO), European Centre for
Medium Range Weather Forecasts (ECMWF)
og EUMETSAT (Europeisk
organisasjon for utnytting av meteorologiske satellittar).
Meteorologisk institutt
har den daglege kontakten på fagleg og administrativt nivå i desse
organisasjonane.
Dei meteorologiske
institutta i Europa har også skipa fleire andre organ for å dra nytte av
felles ressursar og for å leggje til rette for auka samarbeid. ECOMET,
ei økonomisk interessegruppe for meteorologiske tenester, er eitt av desse
organa. Ein avtale om eit nettverk mellom dei meteorologiske institutta i Europa
for ei meir kostnadseffektiv utnytting av ressursar, EUMETNET,
vart sett ut i livet i 1996.
Instituttet høyrer
administrativt til Utdannings-
og forskningsdepartementet, og vert leia av eit styre.
Det noverande styret vart oppnemnt ved kongeleg resolusjon for perioden 01.
januar 2003 til 31. desember 2006 med denne samansetninga:
Styreleder: Ass. universitetsdirektør Sverre Spildo, Bergen
Nestleder: Daglig leder Heidi Johansen, Tromsø (i permisjon)
Forsker Odd Nakken, Bergen
Rådgiver Hilde Erlandsen, Oslo
Viseadministrerende direktør Erik Nord, Oslo
Statsmeteorolog Vidar Eng, Tromsø
Forsker Marit Helene Jensen, Oslo
Varamedlemmer:
1. varamedlem: Direktør Pål Prestrud, Oslo
2. varamedlem: Oberst Britt Tove Berg Brestrup, Oslo
Direktør Anton
Eliassen står for den daglege leiinga av instituttet.
Den øvste leiinga for
instituttet har ansvaret for:
- koordinering
av ansvarsområda til divisjonane.
- strategisk planlegging og strategiske
avgjerder.
- internasjonalt
samkvem og samkvemet med overordna styremakt.
- overordna ansvar for
intern og ekstern informasjon.
Sist oppdatert: Februar 2005
|
|
Vindfløymasten på Blindern rager 28 meter over bakken, og måler
vindens hastighet og retning.
Foto: Aslaug Mariolijn van Nes, met.no
Klikk på bildet for å se en større versjon.
|