ზაფხულის საღამოები დმანისში: „მეცნიერების კვალდაკვალ“ | 19.07.2011. |
საქართველოს ეროვნული მუზეუმი და დმანისის საველე სკოლა წარმოგიდგენთ საჯარო ლექციების საღამოებს დმანისის მუზეუმ-ნაკრძალში. პროგრამა მოიცავს: • საინტერესო ტურს დმანისის ნაქალაქარსა და არქეოლოგიურ ძეგლზე • საჯარო ლექციების ციკლს მსოფლიოს წამყვანი სპეციალისტების მიერ • საღამოს კოქტეილს • კომფორტულ მგზავრობას: თბილისი-დმანისი-თბილისი პირველ ლექციას, 26 ივლისს, წაიკითხავს ანთროპოლოგი, ჯორჯ ვაშინგტონის უნივერსიტეტის ადამიანის ევოლუციის ისტორიის კვლევითი ცენტრის დირექტორი და პროფესორი, სმითსონიანის ინსტიტუტის ბუნების ისტორიის ეროვნული მუზეუმის უფროსი მეცნიერი, დოქტორ ბერნარდ ვუდი. ლექციის თემაა “გვარი ჰომოს წარმოშობა“ ხალხური რეწვის გაკვეთილები | 15.07.2011. |
9 ივლისი - 9 ნოემბერი, 2011
საქართველოს ეროვნული მუზეუმი ქართული ხალხური რეწვის მხარდაჭერის პროგრამის ფარგლებში გიწვევთ ხალხური რეწვის უფასო გაკვეთილებზე გიორგი ჩიტაიას სახელობის ეთნოგრაფიულ მუზეუმში ღია ცის ქვეშ. პროექტის მიზანია საქართველოში ხალხური რეწვის ცოცხალი ტრადიციის შენარჩუნება. პროექტი ხორციელდება UNESCO-ს მხარდაჭერით. საერთო გლობალიზაციის ფონზე ხალხური რეწვა, როგორც ქვეყნის კულტურის განუყრელი ნაწილი და მისი თვითმყოფადობის, ესთეტიკის გამოხატულება, სულ უფრო აქტუალური ხდება. საჯარო ლექცია რესტავრაციის ტექნოლოგიებზე | 24.06.2011. |
23 და 27 ივნისს, 11:00 საათზე, საქართველოს ეროვნული მუზეუმის აუდიტორიაში ლექციას წაიკითხავს მსოფლიოში ცნობილი იტალიელი რესტავრატორი ჯანლუიჯი კოლალუჩი. ლექციას კულტურისა და ძეგლთა დაცვის მინისტრი ნიკოლოზ რურუა დაესწრება.
ჯანლუიჯი კოლალუჩი 1980–1994 წლებში მუშაობდა მიქელანჯელოს სიქსტეს კაპელის რესტავრაციაზე. 2003 წელს მან მიიღო (FCG – Cristóbal Gabarrón Foundation -Fundación Cristóbal Gabarrón) რესტავრაციისა და კონსერვაციის საერთაშორისო ჯილდო, კულტურულ მემკვიდრეობაში 50 წლიანი პროფესიული მოღვაწებისთვისა და განსაკუთრებული წვლილისათვის, რომელიც მან მიქელანჯელოს სიქსტეს კაპელის რესტავრაციის საქმეში შეიტანა.
ინდოელი სახალხო მხატვრის ბაბიტა ბისვას გამოფენა | 14.06.2011. |
21 ივნისი - 20 ივლისი, 2011 საქართველოს ეროვნული მუზეუმის შ. ამირანაშვილის სახელობის ხელოვნების მუზეუმში წარმოგიდგენთ ინდოელი (ვარლი) სახალხო მხატვრის ბაბიტა ბისვას გამოფენას. ვარლის მხატვრობა ჩაისახა მაჰარაშტრაში (დასავლეთ ინდოეთის შტატი) სადაც ვარლის ტომი ძროხის ნაკელით შელესილ, უბრალო თიხითა და ლერწმით ნაგებ ქოხებში ბინადრობს.
ვარლელი ტომის ქალები თავიანთ კარ-მიდამოს ქორწილებისა და სხვა დღესასწაულების დროს სხვადსახვა ფერის გეომეტრიული ფიგურებით ამკობენ. ამ ნახატებით ისინი მოგვითხრობენ თავიანთი ცხოვრების, დღეობა-დღესასწაულებისა თუ ღმერთის შესახებ.
სსიპ საქართველოს ეროვნული მუზეუმი აცხადებს პირობებიან საჯარო აუქციონს სამუზეუმო მაღაზიის მოწყობის მიზნით მუზეუმის ბალანსზე რიცხული არასაცხოვრებელი შენობის ფართების სარგებლობის (იჯარით) უფლებით გადაცემაზე 20 წლის ვადით. ლოტი # | ქონების დასახელება | ადგილმდებარეობა | კვ.მ | საწყის გასაყიდიი ფასი (ლარი) | ბე (ლარი) | ბიჯი (ლარი) | მონაწილის ბილეთი (ლარი) | 1 | არასაცხოვრებელი შენობა | ქ. თბილისი რუსთაველის გამზ #3 | 62.4 | 13728.00 | 4118.40 | 80.00 | 50.00 | 2 | არასაცხოვრებელი შენობა | ქ. თბილისი რუსთაველის გამზ #11 | 56 | 12320.00 | 3696.00 | 80.00 | 50.00 |
ფასები მითითებულია ეროვნულ ვალუტაში. საჯარო აუქციონში მონაწილეთა განცხადების მიღება მიმდინარეობს საქართველოს ეროვნულ მუზემში მე-2 სართულზე 309-ე ოთახში, 2011 წლის 24 მაისიდან 23 ივნისის ჩათვლით ყოველდღე 14:00 საათიდან 17:00 საათამდე (უქმე/ ან და არასამუშაო დღეების გარდა), ხოლო აუქციონის ჩატარების დღეს 12:00 საათიდან 14:00 საათამდე. საჯარო აუქციონი ჩატარდება 2011 წლის 23 ივნისს 16 სთ-ზე ქ. თბილისი, ფურცელაძის #3 -ში.
|