Editorial Galaxia
SUBSCRÍBETE | CONTACTO | MAPA WEB
BUSCAR: 
A Editorial
Autores
Catálogo
Novidades
Ensinantes
Ligazóns
Axenda




Merlin e familia

Alvarez Blazquez

Galicia. Celula de universalidade

Domingo Villar

Domingo Villar (Vigo, 1971) vive en Madrid, onde traballou como guionista de cinema e de televisión. É crítico gastronómico nunha emisora de radio e colaborador habitual en diversos medios de comunicación escritos. Ollos de auga, que transcorre na cidade de Vigo, onde o autor pasou a súa infancia e mocidade, é a súa primeira novela. El mesmo se encargou da versión en castelán, publicada por Ediciones Siruela. A novela xa foi traducida a varias linguas europeas: ao alemán (Unionsverlag), ao italiano (Ponte Alle Grazie), ao búlgaro (Ciela), e ao inglés pola editorial Arcadia de Londres.

Obras de Domingo Villar no catálogo:
- Ollos de auga ISBN: 978-84-8288-927-6


Titulares de prensa
OLLOS DE AUGA O inspector Leo Caldas é moi coñecido na cidade de Vigo por levar un programa na radio, Patrulla nas ondas, ao que telefonan os oíntes para manifestar as súas queixas, a maioría delas competencia dos municipais.
No seu traballo de policía conta cun axudante, o axente Rafael Estévez, grande coma un mundo, trasladado desde Zaragoza polo seu carácter arroutado e uns modais un pouco ou nada temperados que os poñen en máis dunha situación comprometida.

Son os compoñentes da clásica parella que se contrapón pola diversidade dos seus caracteres, trazados, sobre todo no caso de Rafael, de xeito bastante esquemático, máis ben caricaturesco; o zaragozano non comprende a idiosincrasia galega, tamén abondo caricaturizada, o que da pé a algunhas escenas divertidas e ao desgusto do comisario.

Para resolver o asasinato de Lois Reigosa, saxofonista homosexual que toca todas as noites no Grial xunto cun contrabaixista irlandés e unha pianista, deberán introducirse no mundo dos laboratorios, no dos bares de ambiente e, de esguello, no da alta sociedade, aínda que non se afonda demasiado en ninguén deles.

A cidade de Vigo e os seus arredores, escenarios da novela, son obxecto de descricións maís que correctas que alternan cos diálogos e o desenvolvemento da acción sen cansar en ningún momento, pois están moi equilibradas.
O ritmo é o fluido que se espera neste tipo de obras e á habelencia do autor débese que non decaia a longo das duascentas corenta e pico páxinas, escasas ao meu entender.

En efecto, a parte final, a que nos leva á resolución da morte de Lois Reigosa, semella un chisco precipitada, coma se o autor quixese rematar canto antes. Nese sentido decepciona un pouco que non se demorase máis en despistar ou enguedellar o lector, que xa viña imaxinando que o aparente culpable non era máis ca unha cortina de fume.

A novela conta con todos os ingredientes do xénero, mesmo pequenos asomos da vida persoal e familiar de Leo Caldas; non faltan anécdotas humorísticas protagonizadas por Rafael Estévez que nos fan sorrir, malia que nalgúns casos se deban a esa tópica idiosincrasia galega xa referida; tampouco falta unha
significativa variedade de personaxes que se van sucedendo para conferirlle verosimilitude ao desenvolvemento da trama.

No caso de que esta sexa a primeira entrega dunha serie, o autor non empezou con mal pé e é de esperar que nas futuras os caracteres dos protagonistas vaian crecendo e conformándose até poñernos diante de personaxes máis complicados e completos.

Se cadra para o lector afeccionado de verdade á novel negra, con lecturas abondas sobre o seu lombo, esta non achegue máis ca unha trama cun enigma que cómpre resolver, maís sen grandes sobresaltos nin sorpresas. Porén, para os que ainda nn¡on navegaron en exceso por eses mares, constitúe unha boa ocasión para pasar unhas horas entretidos e gozar dunha prosa coidada.


Uxía Casal
Protexta
Verán 2007





Recomendacho ...
- Santiago Jaureguizar

Eventos relacionados:
[26/03/2007 - 29/03/2007]
Encontro cos lectores de Domingo Villar


[31/03/2008 - 04/04/2008]
Domingo Villar conversa cos seus lectores
En centros de ensino dos concellos de Monforte, A Rúa, Santiago, Riveira, Porto do Son, Teo, Vigo, Moaña, Pontevedra e Salceda, na semana do 31 de marzo.

15/01/2009 20:00
Conferencia de Domingo Villar: "Escribir novela negra"
Na Sala de Conferencias do Centro Social Caixanova, Vigo, o xoves 15 de xaneiro, ás 20.00 horas.


EDITORIAL GALAXIA, 2006. Aviso legal