Андрэй Кудзіненка |
У наступным годзе «Беларусьфільм» пачне здымкі фільма «Масакра».
Яго сцэнарыстам выступіў беларус Аляксандр Качан, а рэжысёрам — Андрэй Кудзіненка, вядомы па забароненым у Беларусі фільме «Акупацыя. Містэрыі» і нашумелым расійскім фільме «Розыгрыш».
Як распавяла ў інтэрв’ю Еўрарадыё галоўны рэдактар кінастудыі Наталля Сцяжко, плануецца, што ўсе здымкі фільма будуць праходзіць у Беларусі. Яна адзначыла, што сцэнар стужкі заснаваны ў тым ліку і на беларускіх легендах.
«Дзеянне фільма адбываецца ў замку ў канцы ХІХ‑пачатку ХХ стагоддзя і заснавана ў тым ліку на беларускіх легендах. Сцэнар ужо зацверджаны. Андрэй Кудзіненка хоча, каб гэта была сумесная вытворчасць беларуска‑польска‑расійская, і цяпер мы шукаем партнёраў, якія б паўдзельнічалі ў гэтым праекце».
Па словах Наталлі Сцяжко, першапачаткова фільм мусіў называцца «Звер», але потым было вырашана перайменаваць яго ў «Масакру». Стужка спалучыць у сабе элементы містыкі, дэтэктыву, трылера і хорару.
Эўрарадыё
Пратэсты і сутычкі ў Кішынёве 
5 каментароў
Хлад Пяшчэр напiсаў(ла)
Лiпень 24, 2008 у 12:10
толькі б каштоўныя парады тав. Замяталіна ня спляжылі творчы палёт самавітага рэжысэра.
тов. Заметалин напiсаў(ла)
Лiпень 24, 2008 у 14:19
Не мешайте отдыхать, хоть на Балерах дайте раслабиться после трудов праведных.
Mikola напiсаў(ла)
Лiпень 24, 2008 у 14:56
Lepe by Zamjatalin zdymau neikija horrory pry prezidente....
Антон напiсаў(ла)
Лiпень 27, 2008 у 13:44
Што гэта самавіты рэжысёр падаўся на супрацоўніцтва з Замяталіным?
wint напiсаў(ла)
Лiпень 27, 2008 у 17:50
Самавіты рэжысер сам вырашае, што яму рабіць. І калі ў яго атрымаецца зрабіць добры фільм, памятаць будуць яго, ягоны фільм, а ня нейкага Замяталіна. Замяталіны прыходзяць і сыходзяць і праз колькі год іх ня ўспомняць. Дарэчы, Антон, вы ведаеце ў Беларусі яшчэ нейкія кінастудыі? З тым жа посьпехам можна любога чалавека, які працуе на Беларусі, называць супрацоўнікам з рэжымам.