Пештерска
црква Свети Еразмо
Бројни се пештерските цркви
што ги има во околината на Охрид. Врз основа на
истражувањата дојдено е до заклучок дека
пештерата што се наоѓа на околу 2 километри од
Охрид ( од десна страна на патот Струга-Охрид) е
првата што е преуредена во монашка келија или
црква. Оваа пештерска црква во својата долга
историја во повеќе наврати е преправана , но
фрескоживописот, што е изведен на самата карпа,
зачуван е до денешни дни. Врз основа на
портретите констатирано е дека тие се работени
во првите децении на XIII век . Не е познато името на
зографот што го работел живописот во црквата.
Се претпоставува дека црквата и
конаците се користени или од испосници или од
мало калуѓерско братство.
Самата црква е посветена на Свети
Еразмо со чие име е поврзана христијанизацијата
на месното население во III век.