‘Daar was baie, baie bloed...’

2010-11-04 22:42

Mnr. Johan en me. Annelise Greyvenstein

Foto's   ·   Lesersfoto’s   ·   Nuus in Foto's Stuur vir ons jou foto's  ·  Stuur vir ons jou foto's

’n Bekende egpaar van Musina se lyke is gisteroggend in hul bakkie op ’n verlate pad gekry nadat hulle vermoedelik Dinsdag vermoor is.

Mnr. Johan (54) en me. Anne­lise Greyvenstein (53) se Toyota-bakkie, met hul inkopies nog agterop, het onder ’n treinbrug op hul hoewe op die Campbell-pad, sowat 10?km buite die dorp, gestaan. Dit is sowat ’n kilometer van hul huis.

’n Buurman, mnr. Martin van Rensburg, het die polisie gebel nadat hy agterdogtig geraak het omdat hy die egpaar nie sedert Dinsdag gesien het nie.

Hy het gisteroggend saam met die polisie op die lyke afgekom.

Mnr. Greyvenstein is agter die linkeroor geskiet. Sy lyk, waaroor ’n seil gegooi is, het skuins bo-op sy vrou s’n gelê.

“Ek weet nie hoe sy dood is nie, daar was te veel bloed,” het Van Rensburg gesê.

“Daar was baie, baie bloed ... die moordenaar(s) het albei se skoene uitgetrek. Hulle was kaalvoet.”

Volgens hom lyk dit asof hulle in die bakkie geskiet is, maar lt.kol. Ronel Otto, provinsiale polisiewoordvoerder, het gesê daar kan nog nie met sekerheid gesê word waar hulle vermoor is nie.

’n Zimbabwiër wat by hulle op die hoewe gewerk het, is sedert die moorde soek.

Die polisie is op soek na hom.

Me. Samantha Greyvenstein het gesê haar ouers het Dinsdagmiddag ná werk by haar in die dorp gekuier.

“My ma se laaste woorde aan my was: ‘Ek is lief vir jou, my kind.’ ”

Die polisie het haar gisteroggend gebel, het sy gesê.

“Hulle het gevra wanneer laas ek my ouers gesien het en watter klere hulle aangehad het.

“Hulle het nog dieselfde klere aangehad as Dinsdagmiddag.”

Volgens haar het die werkers by die Venetia-myn, waar haar ouers kontrakteurs was, hul toesighouers nie laat weet toe die Greyvensteins nie eergister vir werk opgedaag het nie.

Haar ouers is vermoedelik ingewag en oorval toe hulle Dinsdag omstreeks 18:00 op hul hoewe aangekom het. “Hulle is met hul eie rewolwer doodgeskiet,” het sy huilend gesê.

“Daar is geen teken van ’n struweling by die huis nie,” het sy gesê.

Otto het gesê dit lyk of iemand deur die dak van die Greyvensteins se huis geklim het. Dit is onduidelik wanneer dit gebeur het.

Die kluis is aan die kant met ’n hoekslyper oopgesny en mnr. Greyvenstein se rewolwer is daaruit gesteel.

Niks anders word vermis nie.

Van Rensburg het gesê van sy elektriese pompe is verlede Donderdag gesteel. Hy het Greyvenstein daarvan gesê.

“Ons vermoed ’n Zimbabwiër wat by hom gewerk het, het moontlik iets daarmee te doen.”

Otto het gesê teen druktyd is niemand nog in verband met die moorde in hegtenis geneem nie.

Mnr. Greyvenstein sou volgende Vrydag 55 jaar oud geword het. Die egpaar het sowat sewe jaar gelede van die dorp, waar hulle etlike jare gewoon het, na die hoewe verhuis.

Volg Beeld op Twitter. Klik hier

binne beeld

Weer
Verkeer
Lotto
Ksd: 14-24°C Sunny. Mild. Pta: 18-29°C Isolated tstorms. More sun than clouds. Warm.
Jhb: 15-27°C A few tstorms. Afternoon clouds. Mild. Bfn: 9-31°C Sunny. Warm.
Dbn: 18-25°C More sun than clouds. Mild. PE: 15-22°C Morning clouds. Mild.
7-dag-voorspelling...

Betrekkinge - Vind jou droomwerk

Package/Area Manager

Mpumalanga
Hire Resolve

Sales/Process Engineer

Gauteng
Hi-Tech Recruitment & BDCE Staffing Solutions
R700,000 Per Month

Traffic/Transportation Engineer

Gauteng
Hi-Tech Recruitment & BDCE Staffing Solutions
R750,000 Per Annum

Motors - Soek deur duisende nuwe en gebruikte motors

VOLKSWAGEN

CitiGolf 1.4 Citi Rhythm 5-dr Phase II
2009
R 77,976.00

TOYOTA

Yaris T3 Sedan 1.3 AC
2008
R 125,990.00

HYUNDAI

Elantra 1.8 GLS
1997
R 34,900.00

Eiendomme - Vind 'n nuwe huis

PLETTENBERG BAY

House R 3 650 000

MILL PARK

House R 2 200 000

MOUNT CROIX

House R 1 995 000

Reis - Besoek, Bespreek, Laat Waai!

Madikwe River Lodge

From R 1467 per person per night sharing - save 57% on this malaria-free, luxury safari escape. Book now

Gratis Speletjies - TE VEEL NUUS? Neem ‘n blaaskans

Kalahari.net - doen vandag jou inkopies aanlyn

Kinect Games, Hardeware & Console Bundles op pad in November

Bestel jou Xbox 360 Kinect vooruit en wees die eerste in Suid-Afrika om Microsoft se rewolusionêre nuwe game tegnologie te beleef!

Elonex eReader Nou Slegs R999!

WARM Elektroniese aanbiedings op HP Probook, Garmin Nuvi, Fuji Finepix Bundle & meer!

Witwarm Musiekvrystellings

Kry jou gunstelingalbum van ons musiekwinkel. Lae pryse op ALLE albums.

Somer se Boekkeuses, tot 50% af!

Lae Pryse op Nuwe Titels! Befaamde outeurs: James Patterson, John Grisham & meer!

November se Beste DVD Vrystellings. Nou Slegs R119.95

The Back-up Plan, Prince of Persia, Kick-Ass, The Last Song, Toy Story 3 & meer!

Vandag se beste aanbod!

Herschelle Gibbs in sy eie woord

en "To the point" nou R162.36

"To the point": is 'n gepeperde story van oorskot - vroue, alkohol, gels en baie meer.

iPods, Wii, toebehore, sonbrille, horlosies & meer by www.kalahari.net!

'n Plaaslike gemeenskap waar jy mense kan ontmoet, fotos en videos op laai en vele meer...