Kampong Jengkol
Oyen demen dah idup di Kampong Jengkol, kampong yang konon katanya gemah ripah loh jinawi toto tentrem kerto raharjo (iki betawi opo Jowo toh jane), trus orang bilang tanah kita tanah surge, tongkat kayu dan batu jadi tanaman, bikin betah, itu mangkanye dulu Belanda, Jepang pada demen main di mari, main lompat tali, main petak umpet, main bola, main perang-perangan mpe perang beneran. Kampong Jengkol entu wangi, sewangi melati...
Ngidam
“Neng, hamilnya jangan ngidam jengkol yee, nyang elit dikit”
“kagak Bang, Aye ngidam mangga muda nyang udah mateng”
“Ah gampang, di supermarket banyak”
“Aye kagak mau nyang di supermarket, maunya nyang ngegantung di pu’un tetanggaaa”
“Lah, mana ada, pan lagi gak musim, nyang musim aje dah”
“Emang sekarang musim ape Bang?”
“Yah… musim jengkol dah”
xixixixixixi…..
Keluarga musti Dijaga
Ngemeng-ngemeng, ada nyang aneh neh sama Pak’e dan Buk’e, kagak biasanya anteng kek patung Pak Sudirman di alun-alun. Trus pas kemaren Oyen mbikinin kopi Pak’e kok cuman diserot airnye, biasanya pan sama sendoknye, eh salah, biasanya pan sambil senyum sama anaknya wedok, trus mbilang ”Hmmm… kopinya manis kek anak wedok”, mbikin Oyen ikutan senyum, karena kagak tauk dibelakang ditambahin, ”Dan item kek anak wedok…xixixixixi”, beuhh… untung Oyen kagak denger dah.
Trus pas nonton TV bareng tumben Buk’e kagak ngerebut remotnya, biasanya pan kalo Pak’e nonton balap motor Buk’e sigap ngerayu wat mindahin sineteron idolanye ”SUAMI-SUAMI MUSTI SAYANG ISTRI SABAN HARI”. Eneh nontonnya aje jauh-jauhan, Pak’e di bawah TV, Buk’e di belakang TV, doh! Ada apa gerangan cintah…?!!! Read more…
Ibu nyang Sejatee
Konon karena nurut agama ma neh kampong Oyen ma Munaroh udah syah jadi isteri orang, mangka sekarang kumpulnya gak melulu ma anak ABG nyang ngerasa uda gede, gak melulu ma anak Se Me Aa nyang ngerasa udah pinter segalanya, gak melulu ma anak kuliahan nyang mahir muter anggaran dan nyari gratisan (ngomongin sapa neh?), dan pastinya gak bakal dianggap ngumpul sama kebo karena suaminya bukan kebooooooooooooooo…. Eh bukan, karena udah sah dan resmi… begetooo! Tapi sekarang udah diterima di perkumpulan eMak-eMak kampong nyang konon punyak persekutuan Pe Ka Ka (Perkumpulan Kaum eMak-eMak Keren di Kampong Jengkol) ==maksa.com==
Spesialis Mengobati Penyakit Hati
Facebook No - FaceBlog Yes !
