Bakı-APA. Misirin xarici işlər naziri Əhməd Əbül-Geyt ölkədə təcili islahatlar keçirilməsini tələb edən ABŞ-ı Misirə öz iradəsini yeritməkdə günahlandırıb.
«Siz (amerikalılar) Misir kimi böyük ölkədə təcili dəyişikliklər barədə danışanda, bizə zorla öz iradənizi qəbul etdirirsiniz», deyə Əbül-Geyt bildirib.
Nazir bildirib ki, amerikalıların Misirdəki nümayişlərə ilk reaksiyaları onu qəzəbləndirib.
«Mən güman edirəm ki, hazırda Obama administrasiyası yaranmış vəziyyətin çətinliyini və dayanmadan xaosa doğru qaçmağın təhlükələrini düzgün başa düşür», - deyə Əbül-Geyt bəyan edib. O amerikalılara «misirlilərin həssasiyyətini başa düşməyi» məsləhət görüb.