Cele: 'Ek is nie gevra om te bedank'
2011-10-06 13:39
Kaapstad – Genl. Bheki Cele, nasionale polisiehoof, het gesê hy gaan nie sy werk los voor al sy werk nie afgehandel is nie.
Cele het ook ontken dat hy deur pres. Jacob Zuma gevra is om te bedank.
Cele is onder skoot nadat adv. Thuli Madonsele, Openbare Beskermer, bevind het hy was betrokke by die ondertekening van kontrakte vir polisiekwartiere in Pretoria en Durban wat R1,7 miljard beloop.
Die polisiehoof is glo deur Zuma gevra om redes aan te voer hoekom hy nie geskors moet word nie.
Cele het Donderdag Browns Farm in Philippi besoek en hy is betrokke by stop-en-soek-operasies. Hy sal na verwagting ook Nyanga en Khayelitsha besoek.
– Lees meer hier
– Volg Nuus24 op Twitter