Katastrofe dreig by Nieu-Seeland:
’n Helikopter van Nieu-Seeland se lugmag laat sak ’n bergingskenner tot op die gestrande vragskip Rena, sowat 22 km van Tauranga aan die ooskus van North Island in Nieu-Seeland. Bergingskenners het gister gesê olietenks aan boord van die Rena, wat meer as ’n week gelede die Astrolaberif getref het, kan in die helfte breek nadat dit onder die onstuimige see deurgeloop het. Intussen het die skip se eienaars om verskoning gevra vir die groot klonte olie wat op strande uitgespoel het. Foto: Reuters
Foto's · Lesersfoto’s · Nuus in Foto's
Stuur vir ons jou foto's · Stuur vir ons jou stories
2011-10-14 00:00
Elke haarkapperstoel was vol in Salon Meritage toe ’n gewapende man by die deur ingebars en losgebrand het.
2011-10-13 00:00
Saoedi-Arabië het gewaarsku Iran “sal die prys betaal” vir ’n beweerde komplot om sy ambassadeur in Washington te vermoor.
2011-10-13 00:00
België het vandeesweek moontlik opnuut ’n verdere stap in die rigting van sy ontbinding gegee. ’n Akkoord is tussen die meeste Vlaamse (Nederlandstalige) en Waalse (Franssprekende) partye bereik oor ’n grondige hervorming van die Belgiese staat.
2011-10-12 00:00
’n Paartjie van Oos-Engeland is Brittanje se derde grootste boerpotwenners nadat hulle meer as £100miljoen (meer as R1,2miljard) in Vrydag se Euromiljoene-lotery gewen het.