Любите, храните, берегите книгу и щедро делитесь ею с другими - Ризаитдин Фахретдин
Кәтибә Кинйәбулатова
13 октября, 2010 - 09:10 — administrator
Уйым таша, ләкин шиғырҙарым
Уйҙарыма һис бер тиң килмәй.
Эй Ватаным, һиңә тиң һүҙ әйтһәм,
Ғүмерем үтер ине үкенмәй.
Кәтибә Кәрим ҡыҙы Кинйәбулатова 1920 йылдың 15 сентябрендә Силәбе өлкәһенең Арғаяш районы Мәүлет ауылында тыуған.
Мәүлет башланғыс һәм Мөхәммәтҡолой ете йыллыҡ мәктәптәрендә белем ала. 1935 йылда Өфө педагогия рабфагында, 1939-1940 йылдарҙа Өфө педагогия институтында уҡый. 1941-1953 йылдарҙа Мөхәммәтҡолой урта мәктәбендә тел һәм әҙәбиәт уҡытыусыһы, һуңынан уҡыу-уҡытыу бүлеге мөдире булып эшләй. 1953 йылдан Өфөгә килеп "Әҙәби Башҡортостан" ("Ағиҙел") редакцияһында әҙәби хеҙмәткәр булып урынлаша. 1962 йылда Мәскәүҙең Юғары әҙәбиәт курсын тамамлап ҡайтҡас, "Башҡортостан ҡыҙы" журналының тәүге баш мөхәррире була.
1939-40 йылдарҙа беренсе шиғырҙары донъя күргән. 1954 йылда балалар өсөн яҙылған тәүге китабы нәшер ителә.
Ижадының башланғыс осоронда күберәк балалар яҙыусыһы булараҡ танылыу таба. Артабан уның ижади мөмкинлектәре киңәйә һәм ул төрлө жанрҙарҙа ла ижад итә башлай. Уның әҫәрҙәре рус уҡыусыларына ла таныш һәм бик күп башҡа халыҡтар теленә тәржемә ителгән.
Шағирәнең юбилейы айҡанлы Башҡортостандың Әхмәтзәки Вәлиди исемендәге Милли китапханаһының башҡорт әҙәбиәте һәм тыуған яҡты өйрәнеү бүлегендә "Шағирәнең йөрәк йылыһы - Искры сердечсного огня" исемле китап күргәҙмәһе эшләне һәм унда уның бөтә ижад емештәре, тормошо һәм ижадын яҡтыртҡан әҙәбиәт күрһәтелде.
файл:
© 2001-2011 «Национальная библиотека Республики Башкортостан имени Ахмет-Заки Валиди»
При перепечатке или цитировании (полном или частичном) ссылка на сайт НБ РБ им. А.-З. Валиди обязательна. Для Интернет изданий прямая активная гиперссылка обязательна.