എന്താണ് 'അഫ്സ്പ'?
Posted on: 27 Oct 2011
ന്യൂഡല്ഹി: 1958ല് പാര്ലമെന്റ് പാസ്സാക്കിയതാണ് സായുധസേനാ പ്രത്യേകാധികാര നിയമം അഥവാ അഫ്സ്പ. ഇത് നടപ്പാക്കുന്ന സ്ഥലങ്ങളില് സൈന്യത്തിന് അമിതാധികാരത്തിന് വ്യവസ്ഥ ചെയ്യുന്നു. അരുണാചല് പ്രദേശ്, അസം, മണിപ്പുര്, മേഘാലയ, മിസോറം, നാഗാലാന്ഡ്, ത്രിപുര സംസ്ഥാനങ്ങളിലെ അസ്വസ്ഥ ബാധിത പ്രദേശങ്ങിലാണ് പ്രശ്നങ്ങള് നേരിടുന്നതിന് സൈന്യത്തിന് പ്രത്യേകാധികാരം വ്യവസ്ഥ ചെയ്യുന്നത്. 1990 ജൂലായില് ജമ്മുകശ്മീരിലേക്കും ഈ നിയമം വ്യാപിപ്പിച്ചു.
നിയമം ലംഘിക്കുന്നവര്ക്കോ അഞ്ചില് കൂടുതല് പേര് സംഘം ചേര്ന്നാലോ ആയുധങ്ങള് കൈവശം വെച്ചാലോ ബലപ്രയോഗത്തിനും വെടിവെക്കുന്നതിനും സായുധസേനയ്ക്ക് നിയമം അധികാരം നല്കുന്നു. ഇത്തരം നടപടികളില് കരസേനാ ഓഫീസര്മാര്ക്ക് നിയമപരിരക്ഷയും വ്യവസ്ഥ ചെയ്തിട്ടുണ്ട്.