टीम इंडियातला सर्वात भरवशाचा फलंदाज राहुल द्रविड, उद्या, शुक्रवारी आपल्या निवृत्तीची घोषणा करेल अशी चिन्हे आहेत. उद्या त्याने नवी दिल्लीत पत्रकार परिषद बोलावली आहे. १६४ कसोटींत, ५२.३१ च्या सरासरीने १३२८८ धावा ही त्याची कामगिरी आहे. यात ३६ शतके आणि ६३ अर्धशतकांचा समावेश आहे.

देशभरात सर्वत्र धुळवडीचं धुमशान सुरू असताना, धारावीत मात्र रासायनिक रंगांनी सगळा बेरंग केला आहे. बंद पडलेल्या फॅक्टरीतील रंग वापरल्यानं शास्त्रीनगर परिसरातील १४४ जणांना अॅलर्जी झाली असून त्यापैकी शंभरहून अधिक मुलं नऊ-दहा वर्षांचीच आहेत.

अवैध खाणकाम रोखू पाहणा-या एका आयपीएस अधिका-याला ट्रॅक्टरखाली चिरडून मारण्याची भयानक घटना मध्य प्रदेशातील मरैना येथे गुरुवारी घडली. नरेंद्र कुमार असे या दुर्दैवी पोलिस अधिका-याचे नाव आहे.