Í dag verður hátíðarhald á flogvøllinum í sambandi við at flogbreytin nú verður latin upp fyri allari ferðslu eftir at fløgvøllurin er longdur upp í 1799 metrar.
Finnbogi Niclassen, virkandi stjóri í p/f Vága Floghavn, sigur við útvarpið, at hann roknar við, at ferðslan á Føroya einasta flogvølli nú fer at økjast.
Hátíðarhaldið á flogvøllinum byrjar í dag klokkan 14, tá rutuflogfarið hjá Atlantsflog lendir. EFtir at flogfarið er komið til komuhøllina, verða røður og sangur við vágakórinum.
Røðarar vera Kitty May Ellefsen, nevndarforkvinna í p/f Vága Floghavn, Johan Dahl, landsstýrismaður við ferðslumálum, Finnbogi Niclasen, flogvallastjóri, Christian Andreasen nevndarformaður í J&K Petersen, sum hevur staðið fyri byggiarbeiðinum, og Bjarni A. Bjarnason, nevndarformaður í Atlantsflog.