Film dokumental honek General Motors enpresako presidente Roger Smithekin harremanetan jartzeko Michael Mooren odisea pertsonala kontatzen du, zeinari General Motorsen berregituraketak bere jaioterrian, Flint-en (Michigan), eragin zituen ondorio latzen azalpenak eskatu nahi dizkion. Garai batean Flint herriak aurrera egin zuen automobil-fabrikak bertan kokatu zituen instalazioen babespean, baina fabrikaren itxierak herri horren gainbehera ekarri zuen, aldizkari batek “Estatu Batuetan bizitzeko lekurik txarrena” izendatzeraino. Moorek kaltetuen egoera alderatzen du, Eguberri bezperan etxetik kaleratutako familia batena kasu, azaleko jarrera agertzen dutekin, esate baterako, biztanle koitaduei ustez animoak emateko Flintetik pasatako ikuskizunen munduko zenbait pertsona ospetsuekin.
Michael Moore
New York Film Critics Circle Awardsetako Dokumental Onenaren saria jasotako lan honekin debutatu eta zenbait erakunde, politikari eskuindar eta egungo gizarteko zorigaitzen aurka estilo probokatzaile, oldarkor eta garratza erabiliz, salaketaren bidean abiatu zen. Gero, Canadian Bacon (Kanada operazioa, 1995), The Big One (1997) eta Bowling for Columbine (2002) filmatu zituen, dokumental onenaren Oscarra irabazitakoa azken hau. Cannesko zinemaldiko Urrezko Palma irabazi berri du Fahrenheit 9/11 (2004) lanarekin.
Zuzendaria:
Michael Moore
Gidoia:
Michael Moore
Ekoizpena::
Michael Moore, Wendey StanzlerDog Eat Dog Films/Warner Bros.
Argazkia:
Chris Beaver, John Prusak, Kevin Rafferty, Bruce Schermer
Muntaketa:
Jennifer Beman, Wendey Stanzler
Iraupena:
91 m.
Urtea:
1989