Wikipedia:Cite as fontes

Políticas e normas
Principios
Os cinco piares O que a Wikipedia non é Ignorar todas as regras
Normas de obxectividade
Punto de vista neutral Verificabilidade Citar as fontes Conflito de intereses A Wikipedia non é unha fonte primaria
Normas de conduta
Civismo Sen ataques persoais Cousas que non se deben facer Monicreques Asumir a boa fe Xogar co sistema Sabotaxe para apoiar un punto de vista
Normas de edición
Guerra de edicións Romper a edición Asinar as mensaxes nas conversas

Citar as fontes é fornecer de referencias para axudar ao lector a verificar o artigo e atopar máis información.

Se vostede consulta unha fonte externa ao escribir un artigo, citala é honestidade intelectual básica. Máis que iso, vostede debe procurar activamente pór referencias de fontes fiables. Se está escribindo a partir de seu propio coñecemento, entón debe saber o suficiente para identificar boas referencias que o lector pode consultar sobre o asunto — vostede non estará sempre para responder preguntas. Como o obxectivo principal é axudar ao lector, cite todo o que vostede pense que poida ser útil.

Isto tamén se aplica ao escribir sobre opinións: evite escribir frases maliciosas como "Algúns din...". Responda sempre ás preguntas "¿Quen dixo que, onde e cando?". Lémbrese que a Wikipedia non está para verquer opinións nin para publicar investigacións orixinais. Aplícase mesmo cando a información é actualmente incontestábel: mesmo se non hai debate agora, alguén pode aparecer dentro de cinco anos e querer discutir, verificar ou aprender máis sobre o asunto.

Aumentar referencias, especialmente para informacións aínda non apoiadas por citas, é tamén unha boa forma de ampliar artigos que vostede non escribiu.

O máis importante é colocar a información completa da referencia; no entanto, detalles como o formato poden ser completados máis tarde, se fose necesario.

Citas no texto e no fin

No texto dun artigo, citar referencias entre parénteses, no formato "APELIDO (ano)" (indique o ano da publicación orixinal para un traballo reeditado). En caso necesario, indique os capítulos ou páxinas despois do ano (con vírgula), se a información for difícil de encontrar nun libro voluminoso. Cando unha referencia é usada como un substantivo, poña o ano entre parénteses, por ex. Milton (1663) di.... Para dous autores, use (autor1 e autor2, ano); para máis autores, use (autor1 et al., ano). Note que estas citas no texto son frecuentemente innecesarias, a menos que haxa unha longa lista de referencias e non estea claro cal delas debe consultar o lector para máis información sobre un asunto específico.

Ao fin dun artigo, na sección ===Bibliografía===, liste a información completa das referencias, como unha lista despregada, cunha liña para cada traballo.

Un exemplo de estilo de cita

O formato da lista de referencias é un detalle secundario e non hai consenso sobre o formato preciso de cita na Wikipedia. Mais se vostede non consegue decidir que estilo usar, ou se non sabe que informacións incluír, vexa abaixo os exemplos que damos.

Documentos considerados como un todo

Libros

Autoría, no formato seguinte: APELIDOS (en maiúsculas), Nome (só a inicial en maiúsculas) (ano de publicación) (entre parénteses): Título (e subtítulo, se o ten) (en cursiva). Edición (só a partir da 2ª). Editorial (ou editor), Lugar de publicación. ISBN.

Exemplos:

• • CÔRREA, Manoel Pio (1984): Dicionário das plantas úteis do Brasil e das exóticas cultivadas. Rio de Janeiro. IBDF
  • LINCOLN, Abrahan; GRANT, U. S. e DAVIS, Jefferson (1861): Resolvendo Pacificamente Diferenzas Familiares (3ª ed.). Printing Pres, Gettysburg. ISBN 0-12-345678-9.

Para un artigo ou capítulo específicos nun libro editado, use a forma:

Autor do artigo ou capítulo, en formato: APELIDOS, Nome (ano de publicación): Título do artigo (entre comiñas) en Autor da edición: Título do libro (en cursiva). Páxina ou páxinas (como tal, p. 112; pp. 112-125; p. 112 ss). Edición. Editorial (ou editor), Lugar de publicación. ISBN.

• • POOH, W. T. e ROBIN, C. (1926). "Técnicas modernas de captura de heffalumpídeos", en A. A. Milne (Ed.): O Karma de Kanga, pp. 23–47. Floresta dos Cen Acres: Wol Pres.

De todos xeitos é máis doado empregar o modelo Modelo:Cita libro, do seguinte xeito:

* {{cita libro
| autor = Freixeiro Mato, Xosé Ramón
| título = Gramática da Lingua Galega IV. Gramática do texto
| ano = 2006
| publicación =  Vigo: Promocións Culturais Galegas, S.A.
| id = ISBN 8483410672
}}

• Notas:
• Para un libro editado, escriba (Ed.) ou (Eds.) entre parénteses despois do último autor, antes da data.
• O ISBN (que é wikificado automaticamente) é opcional.
• En moitos casos é posíbel usar a {{Cita libro}} para automatizar o formato da referencia. No entanto, se a súa referencia precisa dunha citación máis complexa, é mellor non usar a predefinición e usar a citación correcta, en lugar de tentar adaptar a referencia a un modelo inadecuado.
• A Wikipedia non ten falta de espazo, por tanto non é necesario abreviar nomes. Unha boa norma é listalos como están escritos no artigo ou libro orixinal.
• Se a Wikipedia ten unha páxina para o libro, faga do título unha ligazón para ela, mais manteña a referencia completa.
• Cando existen outros autores que non son mencionados debe usar a forma "et al." (ou tamén as fórmula "e outros" ou "entre outros"). É aconsellábel que indique todos os autores se estes son dous ou tres, reservando o uso de et al. só para o caso de máis de tres autores.
• Prefírese, para separar as seccións, usar o punto e vírgula, en vez de só a vírgula, excepto entre os apelidos e o resto do nome.
• Non esqueza o asterisco antes da referencia. Na Wikipedia queda mellor.

Hai tamén quen prefira escribir o nome do autor por extenso, respectando a orde orixinal, xa que existe algunha dificultade, en algúns casos, en saber cal é o apelido ou cando comeza este. En caso de dúbida, esta será, con certeza, unha boa solución de compromiso.

CD e CD-ROM

• Autoría, en formato APELIDOS, Nome (ano): Local: Editora ou empresa. Número do CD. Programa a que se destina. Descrición do medio.

Dicionarios

• Autoría, en formato APELIDOS, Nome (ano): Título. Edición (de ser necesario). Editorial, Lugar de publicación. Nº de páxinas ou vol. (opcional).

Exemplo:

• Ferreira, Aurélio Buarque de Hollanda: Novo dicionário da língua portuguesa.' Rio de Janeiro. Nova Fronteira, 1986. 1838 p.

Disertacións e teses

• Autoría, no formato APELIDOS, Nome: Título. Data. Categoría (grao e área). Nome da institución de defensa, local.

E-mail

• Un e-mail non serve como fonte bibliográfica. Calquera información que se utilice a partir dun e-mail presupón que coñecemos a fonte bibliográfica utilizada polo remitente orixinal do e-mail. Nese caso, utilizase calquera dos formatos indicados nesta páxina.

Enciclopedias

Artigo ou entrada con sinatura

• CASTELO-BRANCO, Fernando: Enciclopedia Verbo Luso-Brasileira da Cultura, s,v, "Afídio". Edición Século XXI", Volume I, Editorial Verbo, Braga, Janeiro de 1998.

Entrada sen sinatura

• Da mesma forma con que se cita un dicionario.

Entrevistas

• Unha entrevista feita polo propio wikipedista non pode ser aceptada como fonte bibliográfica, xa que rompe o principio da verificabilidade. Con todo, calquera entrevista publicada pode ser utilizada, usándose, nese caso, o formato previsto nesta páxina para o correspondente soporte de información (filme, periódico, libro, etc.).

Filmes

• Título. Director (realizador). Local: Produtora, distribuidora, data. Tipo de soporte (se é DVD ou cinta de videocasete) (duración), sistema de reprodución (PAl-M ou VHS), son ou mudo, cor ou branco e negro (color ou p&b), subtitulado ou dobrado (para filmes estranxeiros).

Leis

• Local de xurisdición (BRASIL, por exemplo, en maiúsculas). Título (Lei ou Decreto) nº, de (data). Contido. Nome do Órgano que o publicou (en itálica), local, v., n°., p., data.

Partes de documentos

Artigos de periódicos

• Autoría, no formato APELIDOS, Nome Ano da publicación (entre parénteses): Título do artigo (entre comiñas. Título da publicación (en cursiva). ISSN. Volume, Número, Número das páxinas inicial e final.

Exemplos:

• BRANDÁN, M. e GAVILANES, M. L. (1992): "Especies árboreas padronizadoras do Cerrado mineiro e súa distribución no Estado" en Informe Agropecuário 16 (173), 5-11.
• BRANDYBUCK, M. (1955): "Herb-lore of the Shire" (Tradición herbal do Shire), en J. Royal Institute of Chemistry 10 (2), 234–351.

Note que os números despois do nome do periódico indican: volume (número da edición, opcional), números das páxinas. Use maiúsculas só para a primeira palabra do título, nomes propios, e a primeira palabra despois de dous puntos, espazo ou trazo. Para un artigo dispoñíbel online, converta o nome do título do artigo nunha ligazón para a versión online.

Artigos de xornais e revistas (ou periódicos online)

• Blair, Eric Arthur (29 de agosto de 1949): "Ansiando por un futuro brillante", en New English Weekly, p. 57.
• Chalmers, Rachel (1 de setembro de 2000): "O guru dos gurus do Unix". <http://dir.salon.con/tech/feature/2000/09/01/rich_stevens/index.html>. Salon.

Ou, para artigos sen autor, coloque o título antes:

• "Sobre a importancia da modestia" (5 de maio de 1821). Pravda, pp. B1, C12.

Páxinas da internet

No caso da indicación de sites, debe indicar:

• O autor (se estivese identificado);
• O título da páxina (se estivese explícito);
• O enderezo;
• A data de acceso (se fai alteracións no artigo, baseado nunha páxina da internet, indique a data do último acceso)

• Gates, B. e Ballmer, S. (1998): "Homepaxe do Defensor do Código Aberto" <http://www.opensource.org/halloween/halloween1.php>. [Visitado o 5 de agosto de 2003].

Os datos entre parénteses deben ser a data ou o ano en que o documento foi creado ou editado pola última vez; debe ser omitido se non poder ser determinado. Pódese utilizar a predefinición {{cita web}} para facilitar este proceso.

Press releases de compañías

Eis como referir unha publicación institucional:

• Siemens AG (13 de xullo de 1999): "Shell e Siemens fomentan fábrica de células de combustíbel sen emisións" <http://www.siemens.con/paxe/1,3771,229910-1-11_0_0-0,00.html>. Press Release.

Se o press release está tamén dispoñíbel online, faga do título unha ligazón para a URL.

Notas

Exemplos do estilo APA para moitos outros tipos de documento poden ser vistos na páxina "Citation Style Guides" <http://library.concordia.ca/help/howto/citations.html>. No entanto, o senso común debería ter a última palabra sobre a información que o lector precisa para encontrar a referencia en cuestión.

Detalles

Unha citación debe incluír información suficiente para permitir ao lector encontrar as fontes. Ás veces vostede pode querer dar unha explicación máis completa sobre a forma en que soubo de algo, ou por que súas fontes son fiábeis. Se o debate é importante, vostede pode comentar isto no propio artigo. Se non, pode deixar unha anotación na páxina de conversa do artigo. Isto non axudará necesariamente os lectores, mais pode axudar a outros wikipedistas a intentar mellorar o artigo.

Referencias

• ISO 690. 1987, Documentation - Références bibliographiques : contenu, forme et structure. ISO. (Norma Internacional)
• ISO 690 - 2. 1997, Information and documentation - Bibliographic references. Part 2: electronic documents or parts thereof. ISO. (Norma Internacional)
• ALVES, Maria Bernardete Martins e ARRUDA, Susana Margareth: Como facer referencias: (bibliográficas, eletrônicas e demais formas de documentos). Dispoñíbel en <http://www.bu.ufsc.br/home982.html>. Acceso en 24 de novembro de 2006.

Véxase tamén

Outros artigos

• Wikipedia:Verificabilidade
• Wikipedia:Ligazóns externas